LANGUAGE EXPERIMENT

* மனதை
ஒரு நிலைப்படுத்தி
தியானம் செய்.

* அதெப்படி மனதை
ஒரு நிலைப்படுத்த முடியும்.
உறவுகள்
அரசியல்
பொருளாதாரம்
இப்படி
பல்வேறு பிரச்சினைகளால்
சிக்கித் தவிப்பவனாயிற்றே மனிதன்
மனிதர்களோடே
பழகிக்கொண்டிருக்கிற
மனிதனால்
எப்படி மனதை
ஒரு நிலைப்படுத்தி தியானம் செய்ய முடியும்?

* நிஜம்தான்
மனிதனால் மனதை
ஒருநிலைப்படுத்த முடியாதுதான்,
சும்மா
பொய் சொல்லி வைக்க வேண்டியதுதான்.
மனதை ஒருநிலைப்படுத்தி
தியானம் செய்தேன்
நான் எங்கிருக்கிறேன்
என்றே எனக்கு மறந்துபோனது
புதிய யோக நிலை தெரிந்தது
என்று சொல்.
உன்னை அறிவாளியாக காட்டிக் கொள்ள வேண்டாமா?
இதுவரை உள்ள
எல்லா தத்துவங்களும்
பொய் என்று சொல்.
‘நீ என்னவாக பார்க்கிறாயோ
அதுவே பொருள்’
‘அழகியல் என்பது உன் மனதில்தான் இருக்கிறது’
என்று புதிய தத்துவம் மாதிரி
ஆதி சங்கரரின் அத்துவைதும் பேசு
கிருஷ்ணமூர்த்தியை
படித்ததில்லையா நீ
அப்புறம் என்ன
உளறவும்
பொய் சொல்லவும்
சொல்லியாத் தரவேண்டும்

* பசி
பஞ்சம்
பட்டினி
நோய்
உத்ரவாதம் இல்லாத வாழ்க்கை
மோசமான அரசியல்
இந்தச் சூழலில்
ஒருவன்
தியானம் செய்வதாக சொல்வேதே
அருவவருப்பானதாயிற்றே

* ஓ…
உன் பேச்சில்
ஒரே பிரச்சார நெடியடிக்கிறது
நீ மார்க்சியம் பேசுகிறாய்.
பசி, பஞ்சம், பட்டினி
மட்டுமா வாழ்க்கை?
யோக நிலை இருக்கிறது
அது மார்க்சியத்தில் அடங்காது.
ஜே. கிருஷ்ணமூர்த்தியை
எடுத்துக்கொள்
இல்லை
அவர் திட்டுகிற
ரஜினிஷை
எடுத்துக்கொள்
பெர்குலி
ரமண மகரிஷி
இவர்களை எல்லாம்
எடுத்துக்கொள்
உனக்கு ஆணுக்கு ஆண்
உறவு வைத்துக்
கொள்கிற ஹோமோ செக்ஸ் தெரியுமா?
பெண்ணுக்கு பெண்
உறவு கொள்கிற
லெஸபியன் தெரியுமா?
எக்ஸ்டென்சலிஸம்
பேன்ஸி பனியன்
இதெல்லாம் உனக்கு புரியுமா?
பிரென்ச்சு நவீன இலக்கியம்
படித்ததில்லை நீ?
எதிர் கவிதைத் தெரியுமா?
அணு உலை எதிர்ப்பை
நாங்கள் எவ்வளவு
‘ஸ்டைலாக’
நாகரீகமாக செய்கிறொம்
அணு உலையை
எதிர்ப்பதற்கு உன்னிடம்
ஜீன்ஸ் பேன்ட்
இருக்கிறதா?

* சரி
போலிஸ்காரன்
சந்தேக கேசுல
பிடிச்சிக்கிட்டுப்போய்
உள்ள வைச்சிறான்…
வெளியே வருவதற்கு
கிருஷ்ணமூர்த்தி
ஓஷோ
பிராய்டு
இவர்கள் எல்லாம்
என்ன சொல்கிறார்கள்?

* அப்போ
மயிரு புடுங்க
வேண்டியதுதான்.

***

1991 ல் நான் நடத்திய ‘அக்கினிக்குஞ்சொன்று தாகம்’ என்ற மாத இதழுக்காக எழுதியது. சிலவரிகளை நீக்கி, ஒரு வரியைச் சேர்த்து வெளியிட்டு இருக்கிறேன்.

தொடர்புடைய இணைப்பு:

வே.மதிமாறன் கவிதைகள்

நரேந்திர மோசடி

2002 ஆம் ஆண்டு குஜராத்தில் முஸ்லீம்களுக்கு எதிராக நடந்த வன்முறையின் போது குல்பர்க் சொசைட்டி குடியிருப்பு பகுதியில் முன்னாள் எம்.பி. எஷன் ஜாப்ரி உள்பட 68 பேர் படுகொலை செய்யப்பட்டனர். இந்தப் படுகொலைக்கு பின்னால் இருந்து செயல்பட்டதாக குற்றம் சாட்டப்பட்டுள்ள குஜராத் முதல்வர் நரேந்திரமோடியுடன், நேற்று (28-3-2010) நடந்த பட்டமளிப்பு விழாவில் சுப்ரீம் கோர்ட் தலைமை நீதிபதி கே.ஜி. பாலகிருஷ்ணன், குஜராத் அய்கோர்ட் தலைமை நீதிபதி எம்.கே. முகோபாத்யா. (படம்: தினகரன்)

***

முன்னதாக (27-3-2010) சி.பி.ஐயின் முன்னாள் தலைவர் ராகவன் தலைமையிலான விசாரணைக்குழுவில் உள்ள மல்கோத்ரா என்பவர்தான் நரேந்திர மோடியை விசாரித்தார். விசாரணைக் குழுவின் தலைவர் ஆர்.கே. ராகவன், மோடியுடனான விசாரணையில் கலந்து கொள்ளவில்லை. அதுகுறித்து நிருபர்கள் கேட்டதற்கு, “விசாரணை குழுவின் தலைவர் நேரடியாக விசாரணை நடத்த வேண்டிய கட்டாயம் இல்லை” என்றும், “பகவத் கீதையில் சொல்லப்பட்டிருப்பதுபோல், கடமையை செய்கிறேன் பலனை எதிர்பார்க்கவில்லை என்றும் சொல்லியிருக்கிறார்.

‘கடமையையே செய்யலியே அவரு’ என்று உங்களுக்குத் தோணுதா? அதாங்க கடமை. அதுமட்டுமில்லிங்க அதுவேதான் தகுதி, திறமை.

***

இதுபோன்ற ஒரு ஜனநாயக நாடு உலகில் எங்காவது உண்டா?!

இதுதான் நமது பாரதத்தின் பெருமை! இந்துக்களின் சிறப்பு!

விசாரணைக் கமிஷனோட அறிக்கை எவ்வளவு தெளிவா, நேர்மையா வரப்போகுது என்பதற்கு இவையே சிறந்த அறிகுறிகள். வாழ்க ஜனநாயகம்.

பரந்த இந்த ஜனநாயகத்தன்மையக்கூட ஆட்டுக்கு காவல், ஓநாய்க்கு நண்பன்னு நக்கல் பண்ணுவானுங்க சில வெளங்காத பயலுக. அவனுங்க கெடக்குறானுங்க… எவனையாவது கொறை சொல்றதே அவனுங்களுக்கு வேல. வெட்டிப் பயலுக…

அய்யோ… கவனிக்காம விட்டுடேனே… அதாங்க தலைப்புல நரேந்திர மோடிக்கு இடையில ‘ச’ வந்திருச்சு….

பாலியல் தொழிலா? விபச்சாரமா?

பாலியல் தொழிலாளி என்கிற வார்த்தைக்கு பதில் விபச்சாரம் என்ற வார்த்தையை பயன்படுத்தியிருக்கிறீர்களே? பாலியல் தொழிலாளி என்பதுதானேசரி. பாலியல் தொழிலில் ஈடுபடும் பெண்களை மரியாதையாக குறிப்பிடுகிற வார்த்தைஅதுதானே?

-மீனாட்சி

‘பாலியல் தொழிலாளி’ என்கிற வார்த்தை விபச்சாரத்தில் ஈடுபடுகிற பெண்களை மரியாதையாக குறிக்கிற வார்த்தை என்பதைவிடவும், அது ஆண்களின் பாலியல் வக்கிரங்களை நியாயப்படுத்துகிற வார்த்தையாகத்தான் இருக்கிறது.

விபச்சாரத்தை தொழிலாக அங்கீகரிப்பது, ஆண்களின் பாலியல் வக்கிரங்களுக்கான, பாலியல் சுரண்டல்களுக்கான அங்கீகாரமே.

விபச்சாரத்தின் மூலமாக கிடைக்கிற பாலியல் ‘இன்பமும்’, விபச்சாரத்தை ‘தொழிலாக’ நடத்துவதின் மூலமாக கிடைக்கிற பெரும் தரகு பணமும், கூட்டிக்கொடுப்பதின் மூலமான தன்னுடைய வேறு ‘தொழிலின்’ லாபமுமாக எல்லாவகையிலும் மிகப் பெரிய அளிவில் பணமாகவும், பொருளாகவும், பாலியல் வக்கிரங்களுக்கான வடிகால் மூலமும் லாபம் அடைகிறவர்கள் ஆண்களே.

பெண்களுக்கு விபச்சாரத்தின் மூலமாக கிடைப்பது உடல் ரீதியாகவும், உளவியல் ரீதியாகவும் மிகப் பெரிய அளவில் துன்பமே. ஆகவே, விபச்சாரத்தை நடத்துவதே ஆண்கள்தான் அல்லது ஆண்களுக்காகத்தான்.

விபச்சாரத்தை தொழிலாக அங்கீகரிப்பது, ஆண்களின் பொறுக்கித் தனத்தை அங்கீகரிப்பதாகும் என்பதால்தான் நான் ‘பாலியல் தொழில்’ என்பதற்கு பதில் ‘விபச்சாரம்’ என்று குறிப்பிட்டேன்.

கண்ணீர் காசாகிறது-இது கதையல்ல.. நிஜம்

கண்ணீர் காசாகிறது-இது கதையல்ல.. நிஜம்

 

கதையல்ல நிஜம் முதற்பகுதி ஒளிபரப்பானபோது எழுதியது. மீண்டும் இரண்டாம் பகுதி  ஒளிபரப்பாகிறது. முதற்பகுதியின்போது நாம் கேட்ட கேள்விகள் அப்படியே இருப்பதால், இதை அதன் நினைவாக மீண்டும் வெளியிடுகிறேன்.

தாயும் மகளும் ஒரே ஆணுடன் உறவு. (அவள் ஒரு தொடர்கதை)

தந்தையும் மகனும் பார்வையற்ற ஒரு பெண்ணுடன் உறவு (எங்க ஊர் கண்ணகி)

தன் மகனின் காதல், கல்யாணத்தில் முடியாமல் தடுப்பதற்காக, மகன் காதலித்த பெண்ணின் அம்மாவை தான் மணம் முடித்து, மகனின் காதலியையே அவனுக்குச் சகோதரியாக மாற்றிய தந்தை. (வானமே எல்லை)

அவுங்க அம்மாவை, இவரு பையன் காதலிப்பான்; இவனோட அப்பாவை அந்த அம்மாவோட பொண்ணு காதலிக்கும் (அபூர்வ ராகங்கள்)

இப்படிப் புரட்சிகர குணாம்சங்களோடு கதாபாத்திரங்களை உருவாக்கி, திரைப்படம் எடுத்த அந்த  பின் நவீனத்துவ ‘பிதாமகன்’ யார் தெரியுமா?

‘பெண்களுக்கு எதிராக நடக்கும் வன்முறைகளை,  வக்கிரங்களைக் கண்டித்து, தன் பணத்தை எல்லாம் செலவு செய்யும் ‘கதையல்ல நிஜம்’ நிகழ்ச்சித் தயாரிப்பாளர் அல்லது தயாரிப்பாளருடைய அப்பாவான, இயக்குநர் சிகரம் என்று எல்லோராலும் போற்றப்படும் இயக்குநர் வக்கிரம் கே.பாலச்சந்தர்தான்.

இவர் தனது படங்களில் பெண்களுக்கான குரலை மிக சத்தமாகக் கொடுப்பவர். ஆனால், தகாத கணவனை தள்ளி வைத்து விட்டு மறுமணம் செய்து கொள்ளத் தயாராகிற பெண்ணை,   தன் முதல் கணவன் கதாபாத்திரமாக வந்து, எப்படியாவது அந்தத் திருமணத்தை தடுத்து நிறுத்தி விடுவார். (அவர்கள், மனதில் உறுதி வேண்டும்)

*தனது ‘அரங்கேற்றம்’ படத்தில் விபச்சாரத்தில் ஈடுபடுகிற பெண்ணுக்குத் திருமண ஆசை காட்டி, திருமணம் நடப்பதற்கு முன் அந்தப் பெண்ணை பைத்தியமாக்கி அலைய விடுவார். இது மட்டுமல்ல, திரைப்பட வரலாற்றிலேயே பல புதுமைகளை செய்தவரும் இவரே.

‘ஏக்துஜே கேலியே’ படத்தில் உலகிலேயே முதல் முறையாக கதாநாயகியின் வயிற்றில் பம்பரம் விட்டுக் கட்டியதோடு, அந்தப் பெண்ணின் தொப்புளில் மண்ணையும் கொட்டி மூடியவரும் இவரே.

‘மரோசரித்திரா’ தெலுங்குப் படத்தில் உலக சினிமா வரலாற்றிலேயே யாரும் நினைத்துக் கூட பார்க்க முடியாத அளவிற்கு ஒரு புதுமையைக் கையாண்டிருப்பார்.

கமலும் – சரிதாவும், காதல் தோல்வியால் கடலில் குதித்துத் தற்கொலை செய்து கொண்டு பிணமாகக் கரை ஒதுங்குவார்கள். கமல் குப்புறப்படுத்து செத்துக் கிடப்பார். சரிதா மல்லாக்கப் படுத்து செத்துக் கிடப்பார்.

ஆம், பெண்ணின் பிணத்தைக் கூட கவர்ச்சியாகக் காட்டிய ஒரே உலக மகா இயக்குநர் கே. பாலசந்தர்தான்.

. . .

கதையல்ல நிஜம்’  இந்த நிகழ்ச்சியால் ஒன்று சேர்ந்த குடும்பங்கள் என்று இரண்டு குடும்பங்களை, தொடர்ந்து தன் விளம்பரங்களில் காட்டிக் கொண்டு வருகிறார்கள். உண்மைதான்.

இந்த இரண்டு குடும்பங்களைத் தவிர, இந்த நிகழ்ச்சியில் பங்கெடுத்த மீதி குடும்பங்கள்,  இனி ஜென்மத்துக்கும் ஒன்று சேர முடியாத அளவிற்கு ‘கதையல்ல நிஜம்’ குழுவினர் வேலை பார்த்திருக்கிறார்கள் என்பதும் உண்மைதான்.

11 வயது சிறுவன் சொல்கிறான், ‘‘நான் வீட்டை விட்டு ஓடிப் போய் பிச்சை எடுத்தேன், திருடினேன், பொம்பளைங்கள கூட்டிக் கொடுத்தேன்’’ என்று.

‘‘அய்யோ’’ என்று பரிதாபத்துடன் ஆச்சரியப்பட்டு துக்கம் தாங்காமல் ‘‘ஒரு விளம்பர இடைவெளிக்குப் பிறகு..’’ என்று அறிவிக்கிறார் நடிகை லட்சுமி.

இனி அந்தச் சிறுவனின் அக்கம்பக்கம் அவனை எப்படி எதிர்கொள்ளும்? அவனைக் குறித்த இந்தக் காட்சிப் பதிவு அவன் எதிர்காலத்தை எந்த நிலையில் வரவேற்கும், என்கிற எந்த சமூகப் பொறுப்பும் அற்று ‘அவலம் தோய்ந்த ஒரு சுவாரஸ்யமான நிகழ்ச்சி’ என்கிற தொனியில் அவன் துயரத்தை பணம் பண்னும் இவர்களுக்கும், அந்தச் சிறுவனை திருடனாக்கி விபச்சாரத் தரகனாக்கி,   பணம் சம்பாதித்த அவர்களுக்கும் என்ன வித்தியாசம் இருக்கிறது?

கண்ணீரும், கம்பலையுமாக ஒரு பெண் அழுது கொண்டிருக்கிறார். அதே கண்ணீரோடு குறுக்கிட்டு, ‘ஒரு சின்ன இடைவெளிக்குப் பிறகு, நாம் மீண்டும் அழலாம்’ என்பது மாதிரி அறிவித்து விட்டு, குதூகலமான விளம்பரங்களைப் போட்டு, மிகச் சாதுர்யமாக அடுத்தவர் கண்ணீரில் காசு சம்பாதித்துக் கொடுக்கும் பாரதி கண்ட புதுமைப் பெண் நடிகை லட்சுமிக்கு ஒரு வேண்டுகோள்:

பொதுவாக இந்தியப் பெண்கள் ஆணுக்கான நுகர்பொருளாகவும், அது போக மீதி நேரங்களில், கலாச்சாரக் காப்பாளர்களாகவும் இருக்க வேண்டும். (மதம் உட்பட கலாச்சாரம் என்று சொல்கிற எல்லாவற்றையும் பெண்தான் காப்பாற்ற வேண்டும்)

இந்த இந்தியச் சூழலில் சினிமா, தமிழ் சினிமா  ஆணாதிக்க பொறுக்கித் தனத்தின் உச்சக்கட்டம் என்று கூட சொல்லலாம்.

நடிகர்கள், தயாரிப்பாளர்கள், இயக்குநர்கள் என்று ஆண்களால் சுற்றி வளைக்கப்பட்டு இருக்கும் தமிழ் சினிமா, நடிகையாக வரும் பெண்ணை எப்படி வரவேற்கிறது என்றும், அந்தப் பெண்கள் சந்தித்த துயரங்கள் என்ன என்றும், அவர்களை நேரில் வரவழைத்து அவர்களின் துயரங்களை பகிர்ந்து கொள்வீர்களா?

குறிப்பாக, பாலச்சந்தர் படங்களின் வக்கிரங்களைக் கண்டிப்பதோடு, அவர் தன் படங்களில் நடித்த பெண்களை எந்த அளவுக்கு கண்ணியமாக நடத்தினார்? இல்லை, அடித்து உதைத்து, திட்டினாரா? என்பதையும் அந்தப் பெண்களிடம் பேட்டி கண்டு ஒளிபரப்புங்கள். அதை முதலில் உங்களில் இருந்தே தொடங்குங்கள்.

https://i0.wp.com/vemathimaran.com/wp-content/uploads/2007/11/balac.jpg?w=474

நீங்கள் அவர் இயக்கத்தில் நடித்திருக்கிறீர்கள். அவர் தயாரிப்பில் இயக்குநராகவும் இருந்திருக்கிறீர்கள். (மழலைப் பட்டாளம்)

இதற்கு உங்களைவிட சரியான, துணிவான நபர் வேறு யார்?

சொல்லுங்கள் உங்கள் துயரங்களை.

அடுத்தவர் துயர்களுக்காகக் கண்ணீர் சிந்திய உங்களுக்கு பிரதி உபகாரமாக, கண்ணீர் சிந்தக் காத்திருக்கிறோம்,   அதே விளம்பர இடைவெளியோடு.

வாய்ப்புத் தருவீர்களா?

பெட்டிச் செய்தி

ஒரு பெண் சொல்கிறார்; என் மேலே சந்தேகப்பட்டு என்னைத் துன்புறுத்துறாரு, வீட்டுக்குள்ளே பூட்டி வெச்சிட்டு வெளியே போயிடறாரு’’

நடிகை லட்சுமி; ‘‘ஏன் இந்த மாதிரி பண்றீங்க? உங்க மனைவிதானே, சரி நடந்தது நடந்துப் போச்சு, ரெண்டு பேரும் குழந்தை மாதிரிதான் இருக்கீங்க, ஒருத்தர் மேல ஒருத்தர் அன்பு அதிகமா இருக்கிறதுனாலே..’’

வீட்டுக்குள்ள பொண்டாட்டிய பூட்டி வெச்சிட்டுப் போறவன் குழந்தையாம்?! அவனுக்கு அன்பு வேறு அதிகமாம்!

உடனே ‘சரி கைய புடிங்க, கட்டிப் புடிங்க’ என்று கவுன்சிலிங் வேற.

தங்கள் நிகழ்ச்சியின் மூலமாக ஒன்று சேர்ந்தவங்க எண்ணிக்கையை உயர்த்திட்டோம் அப்படிங்கற ‘விளம்பர’ பெருமைக்காக ரொம்பவே அல்லாடுகிறார் லட்சுமி, அசிங்கமாக.

இதை அவராகவே செய்கிறாரா? இல்லை, மகா ஞாநி களின் ஆலோசனையும் ஆசியும் பெற்று செய்கிறாரா?

***

மொட்டைத் தலையில் மயிர் முளைப்பது எப்படின்னு?’ ஒரு தீவிரமான ஆலோசனையை நடிகர் ‘சோ’ சொன்னார்னா, எவ்வளவு அபத்தமாக இருக்குமோ,  அது மாதிரிதான் இருக்கு, ‘கணவன் – மனைவி ஒற்றுமையா இருக்கணும்; என்ன பிரச்சினை வந்தாலும் பிரியக்கூடாதுன்னு நடிகை லட்சுமி சொல்கிற அறிவுரையும்.

***

2003 ல் தலித் முரசில் எழுதியது. இது நடிகை லட்சுமியையும் கதையல்ல நிஜம் குழுவினரையும் நிரம்ப கடுப்பேற்றியதாக கேள்வி.  இந்த மோசடிகளின் ஆலோசனைக் குழுவில் ஞாநியும் இருந்தார்.

குறிப்பு:

தலித் முரசில் எழுதும்போது *தனது அரங்கேற்றம் படத்தில் பாலியல் தொழிலாளியாக இருக்கிற’ என்று குறிப்பிட்டு இருந்தேன். அதை இப்போது மாற்றி, *‘தனது அரங்கேற்றம் படத்தில் விபச்சாரத்தில் ஈடுபடுகிற பெண்ணுக்கு’ என்று குறிப்பிட்டு இருக்கிறேன்.

‘டி.எம்.நாயர், வ.உ.சி’ – ‘பாரதி, திரு.வி.க’ – தேசப் பற்றாளர்களும், துரோகிகளும் அல்லது யார் தேச துரோகி?

மாதவன் நாயர் என்கிற மகத்தான தலைவரும் – மலையாளி என்ற பெயரில் மறைந்திருக்கும் இந்துமத வெறியனும் -1

‘நம்பிக்கைத் துரோகிகள்’-2

“பார்ப்பன லோக குருவாவது, அல்லது லோக்கல் குருவாவது கண்டிக்க முன்வருகிறானா? ”-நாயரின் வீச்சு-3

“ஏமாற்றிப் பொறுக்கித் தின்னும் புத்தியுடையவர்”-நாயரின் ஆவேசம் -4

“வெறி பிடித்த சாதித் தமிழர்களை அடியோடு ஒழிக்க வேண்டும்”-5


பார்ப்பன எதிர்ப்பு, இந்துமத எதிர்ப்பை  மிகத் தெளிவாக, தீவிரமாக 1917லேயே பேசியிருக்கிறார் நாயர். சுயஜாதி நிலையிலிருந்து  அல்லாமல், ஜாதி ஒழிப்பு நிலையிலிருந்தே பார்ப்பன எதிர்ப்பை கடைப்பிடித்திருக்கிறார்.

பார்ப்பன மோகியாய், இந்துமத வெறியனாய், கைதேர்ந்த சந்தர்ப்பவாதியாய் இருந்தாலும் ‘தன் ஜாதிக்காரர்’ என்ற பெருமையோடு ‘பிரபலமானவரை’ விமர்சிக்காமல், அவரோடு உறவாடுகிற, அவரின் அந்தஸ்தை நினைத்து பெருமைப் படுகிற, அவர் மூலமாக தனிப்பட்ட முறையில் காரியம் சாதிக்கிற, முற்போக்காளர்களிடம் சவடாலாக பேசிவிட்டு தன்னுடைய  மத அடையாளத்தை கிறித்துவ அல்லது இஸ்லாமிய மதவாதிகளிடம் அடையளாப்படுத்திக்கொண்டு   மதவாதிகளின் மூலமாக ‘பிழைக்கிற’  இன்றைய ‘முற்போகாளர்களை’விட நேர்மையானவராக இருந்திருக்கிறார் டி.எம். நாயர். அதற்கு அவரின் இந்த பேச்சு ஒரு உதாரணம்:

உயர்நீதிமன்ற நீதிபதியாக நியமனம் பெற்ற சர் சங்கரன் நாயர், ஒரு சமயம் கேரளாவிலுள்ள தன் சொந்த ஊருக்குச் சென்றிருந்தபோது, ஒரு நம்பூதிப் பார்ப்பான், சர் சங்கரன் நாயர் வீட்டு வாசலிலேயே வந்து நின்றபடி, “எடா! சங்கரா! நீ உயர்நீதிமன்ற நீதிபதியாமேடா என்று கேட்டானாம். “ஆமாம் சாமி எல்லாம் உங்கள் கடாட்சந்தான்!” எனறு கூறியவாறே, வெளியே ஓடோடியும் வந்து, நம்பூதிரிப் பார்ப்பானின் காலைத் தொட்டுக் கும்பிட்டுக், கைட்டி வாய் பொத்தி நின்றாராம், அவர்.

கேரளாவில் மரியாதைகளும், அவமரியாதைகளும் எப்படிப் படாத பாடுபடுகின்றன. பார்த்தீர்களா? (வெட்கம்! வெட்கம்! என்ற பெருத்த ஆரவாரம்).”

இப்படி போர்க்குணத்தோடு இயங்கிய, பேசிய நாயரின் கூட்டத்தில், காங்கிரஸ் மற்றும் அன்னிபெசன்டின் ஹோம்ரூல் இயக்கத்தைச் சேர்ந்த பார்ப்பனர்களும், பார்ப்பன கை கூலிகளும் நாயர் பேசிக் கொண்டிருக்கும் போதே, உள்ளே புகுந்து சம்பந்தமில்லாமல் கேள்வி கேட்பது, நீதிக்கட்சியை விமர்சித்து அவர்கள் கூட்டத்திலேயே துண்டுபிரசுரம் வினியோகிப்பது, போன்ற காரியங்களைச் செய்தனர்.

‘இதை செய்வதே தனது தலையாயப் பணியாக’ தன் மேல் போட்டுக் கொண்டு செய்வதவர்தான் திரு.வி.கலியாணசுந்தர முதலியார். அப்படி ஒரு முறை சென்னை டவுன் ஹாலில் நாயர் பேசிய கூட்டத்தில், புகுந்து நாயர் பேசிக்கொண்டிருக்கும்போது கேள்வி கேட்டிருக்கிறார். அதற்கு நாயர் உரிய பதிலையும் தந்திருக்கிறார்.

இது குறித்து திரு.வி.க.வே தன் வாழ்க்கை குறிப்பு நூலில் குறிப்பிட்டிருக்கிறார்:

ஒரு நாள் சென்னை டவுன்ஹாலில் ஜஸ்டிஸ் கட்சிக் சார்பில் ஒரு பொதுக்கூட்டங் கூடியது. அதில் டாக்டர் நாயர் பேசினர். அவர்க்குச் சில கேள்விகள் விடுத்தேன். கேள்வி பதில்களின் கருத்தை நினைவிலுள்ளபடி இங்கே திரட்டித் தருகிறேன்.

கேள்வி (திரு.வி..) : நீங்கள் ஏன் காங்கிரசை விடுத்து வகுப்பு வாதக் கட்சியில் சேர்ந்தீர்கள்? வகுப்பு வாதத்தால் நாடு சுயராஜ்யம் பெறுமா? அப்படி யாண்டாயினும் நிகழ்ந்திருக்கிறதா? சரித்திரச் சான்று உண்டா?”

பதில் (நாயர்) : “யான் காங்கிரஸில் தொண்டு செய்தவனே, அது பார்ப்பனர் உடைமையாகியதை யான் உணர்ந்தேன்.

காங்கிரசால் தென்னாட்டுப் பெருமக்களுக்குத் தீமைவிளைதல் கண்டு, அதை விடுத்து, நண்பர் தியாகராயருடன் கலந்து ஜஸ்டிஸ் கட்சியை அமைக்கலானேன். வகுப்பு வாதத்தால் சுயராஜ்யம் வரும் என்று எவருங் கூறார்.

வகுப்பு வேற்றுமை உணர்வு தடிதது நிற்கும்வரை சுயராஜ்ம் என்பது வெறுங்கனவே யாகும். வகுப்பு வேற்றுமையுணர்வின் தடிப்பை வகுப்பு வாதத்தால் போக்கிய பின்னரே சுயராஜ்யத் தொண்டில் இறங்க வேண்டுமென்பது எனது கருத்து. காலத்துக் கேற்ற தொண்டு செய்வது நல்லது. வகுபபு வேற்றுமை இல்லாத நாடுகளைப் பற்றிய சரித்திரங்களை இங்கே ஏன் வலித்தல் வேண்டும்? இந்தியா ஒரு விபரீத நாடு. பிறப்பால் உயர்வு தாழ்வு கருதும் நாடு.

இப் பதிலைக் கேட்டதும் யான் வகுப்புவாதக்கட்சி வகுப்புகளின் நினைவையன்றோ உண்டுபண்ணும்? அதனால் வகுப்பு வேற்றுமை வளருமா? தேயுமா? உங்கள் கட்சி பிராமணர்க்குள் ஒற்றுமையையும் பிராமணரல்லாதாருக்குள் வேற்றுமையையும் வளர்ப்பதாகும்என்று மொழிந்துகொண்டிருந்தபோது, நானா பக்கமும் கூக்குரல் கிளம்பியது. கூட்டங்கலைந்து, டாக்டர் நாயர், நாளை ஜஸ்டிஸில் விளக்கமான பதில் வரும்என்று சொல்லிச் சென்றார். அடுத்த நாள் திராவிடன் என்னை வசையால் வாழ்த்தினான். ஜஸ்டிஸில் டாக்டர் நாயர் கூட்டத்தில் கூறிய பதிலே விரிந்த முறையில் வந்தது.

ஜஸ்டிஸ் கூட்டங்கட்கு நேரே போய்க் கேள்வி கேட்பதை நிறுத்திக்கொண்டேன், துண்டு அறிக்கைகளை எழுதி விடுக்கலானேன்.’ என்று குறிப்பிட்டிருக்கிறார் திரு.வி.க.  (நயாரின் பதில்களில் உள்ள சில வரிகளுக்கு கீழ் கோடிட்டது திரு.வி.க அல்ல. யான். அந்த வரிகளுக்கு அழுத்தம் தருவதற்காகவே யான் அவ்வாறு செய்தோம்-மதிமாறன்)

அதுமட்டுமல்லாமல், தொழிற்சங்கங்களில் செல்வாக்கு பெற்ற திரு.வி.க தொழிற்சங்களை நீதிக்கட்சிக்கு எதிராகவும் திருப்பியிருக்கிறார்.

திருவிகவைபோல் பாரதியாரும் நீதிக்கட்சியை பார்ப்பன பத்திரிகைகளில், பிராமண சங்க கூட்டங்களில் தாக்கியிருக்கிறார். திரு.வி.க, பாரதியார் போன்ற போலி தேசப்பக்தர்கள், நாயரை, தியாகராயரை தொடர்ந்து கேவலப்படுத்தி எழுதியிருக்கிறார்கள்.

ஆனால், தன் வாழ்க்கையையே சுதந்திர போராட்ட நடவடிக்கைகளுக்காக அர்பணித்த வ.உ.சி போன்ற உண்மையான தேசபக்தர்கள், நீதிக்கட்சி தலைவர்களை தேச துரோகிகள் என்று  சொல்லவில்லை. மாறாக அவர்களுக்கு ஆதரவு அளித்தனர். காரணம், காங்கிரசுக்குள் இருந்த பார்ப்பன கும்பலின் சதியை, துரோகத்தை நேரடியாக அனுபவித்தவர் வ.உ.சி. அதுமட்டுமல்ல, காங்கிரஸ் பார்ப்பனர்களின் தேசவிரோத செய்கையையும் நன்கு அறிந்தவர். அன்னிபெசன்ட் போன்ற அன்னிய நாட்டுக்காரர்கள் இந்திய சுந்திர போராட்டத்திற்கு எதிரானவர்கள் என்பது வ.உ.சியின் முடிவு.

ஆகையால், அன்னிபெசன்டோடு இணைந்து திரு.வி.க தொழிற்சங்க நடவடிக்கைகளில் ஈடுபடுவதை கடுமையாக கண்டித்தார். அவரை ஆதரிப்பது தாய்நாட்டுக்கு செய்கிற பச்சைத் துரோகம் என்று திரு.வி.கவை எச்சரித்தார் வ.உ.சி.

மக்கள் எழுச்சி வெள்ளையருக்கு எதிராக வெகுண்டு எழுவதைத் தடுக்கவே அன்னிபெசன்ட் சுதந்திரப் போராட்ட நடவடிக்கைகளில் ஈடுபடுகிறார்” என்று தொழிலாளர்களிடம் பேசினார் வ.உ.சி.  அன்னிபெசன்டோடு சேர்ந்து செயல்படுவதற்காக, தான் தலைவராகக் கருதிய திலகரையும், தனது நண்பர் திரு.வி.க. வையும் கண்டித்தார் வ.உ.சி.

சுதந்திரப் போராட்ட நடவடிக்கைகளில் இருந்து ஒதுங்கி, வெள்ளைக்காரனுக்கு எழுதி கொடுத்த மன்னிப்பு கடிதத்திற்கு உண்மையாக நடந்தகொண்ட பாரதி, நீதிக்கட்சியை சபிப்பதற்காகவே தேசப் பற்றாளனைபோல் நடித்தார்.அப்போதுகூட மறந்தும் வெள்ளைக்காரனை விமர்சிக்கவில்லை.

நீதிக்கட்சியின் பார்ப்பன எதிர்ப்பை, சுதந்திரபோராட்ட நிலையில் இருந்தல்ல, ஒரு பார்ப்பானி்ன் நிலையில் இருந்தே கண்டித்தார். அதற்கு அவரின் இந்த வரிகளே சாட்சி.

என்னடா இது! ஹிந்து தர்மத்தின் பகிரங்க விரோதிகள் பறையரைக் கொண்டு பிராமணரை அடிக்கும்படி செய்வும் வரை சென்னைப் பட்டணத்து இந்துக்கள் பார்த்துக் கொண்டிருந்தார்கள்!”

“சென்னைப் பட்டணத்தில் நாயர்கக்ஷிக் கூட்டமொன்றில் பறையரை விட்டு இரண்டு மூன்று பார்ப்பனரை அடிக்கும்படி தூண்டியதாகப் பத்திரிகைகளில் வாசித்தோம். ராஜாங்க விஷயமான கொள்கைகளில் அபிப்பிராய பேதமிருந்தால், இதை ஜாதி பேதச் சண்டையுடன் முடிச்சுப்போட்டு அடிபிடிவரை கொண்டு வருவோர் இந்த தேசத்தில் ஹிந்து தர்மத்தின் சக்தியை அறியாதவர்கள்”

பிராமண சங்க கூட்டங்களில் கலந்து கொண்டு நீதிகட்சியின் கொள்கைகளை நீர் துளி ஆக்கினார் என்று அன்றைய விஜயா பத்திரிகை செய்தி வெளியிட்டு இருக்கிறது.

வ.உ.சியும் பாரதியும் சுதந்திர போராட்ட காலங்களில் குறிப்பாக வ.உ.சி சிறைக்கு போவதற்கு முன், கருத்து வேறுபாடுகள் அற்ற, நெருங்கிய நண்பர்களாக விளங்கினர்.  பின் நாட்களிலும் நண்பர்களாக இருந்தாலும் பல கருத்துக்களில் முரண்பாடு கொண்டார்கள்.

தமிழில் எழுத்துக்குறை என்ற தலைப்பில் ‘சமஸ்கிருத்தைப்போல் தமிழில் உச்சரிப்பு இல்லை.  தமிழை சீர் திருத்தவேண்டும். புதியதாக பல புது சொற்களை சேர்க்க வேண்டும்’ என்று ஞானபானு பத்திரிகையில் பாரதி எழுதியதை கண்டித்து வ.உ.சியும் அதே ஞானபானுவில் ‘சில அறிவாளிகள் தமிழை சீர்திருத்த வேண்டும் என்று சொல்கிறார்கள். அவர்களுக்கு தமிழ் இலக்கணத்தில் முறையான அறிவும் இல்லை. ழ என்ற சொல் தமிழில் மட்டும்தான் இருக்கிறது. அதற்கேற்றார்போல், சமஸ்கிருதத்தை சீர் திருத்துவார்களா?’ என்ற பொருள் படும்படி எழுதினார்.

பாரதி சுதந்திரப் போராட்ட நடவடிக்கைகளில் இருந்து விலகி, பிராமண சங்கத்தோடு தொடர்பு வைத்துக் கொண்டு பிராமண சங்க மேடைகளில் பேசினார் .

வ.உ.சி. சுதந்திரப் போராட்ட நடவடிக்கைகளில் ஈடுபட்டுக் கொண்டே, நீதிக்கட்சியோடு, பார்பபனரல்லாத இயக்கங்களோடு தொடர்பு வைத்துக் கொண்டார். அவர்களின் மேடைகளில் பேசினார்.

டி.எம்.நாயரின் வீச்சு, தமிழகத்தின் மிகப்பெரிய ஆளுமைகளான வ.உ.சியிடமும்., பாரதியிடமும் மிகப் பெரிய தாக்கத்தை ஏற்படுத்தியது.

1917 லேயே நாயர் இவ்வளவு கறாராக பார்ப்பன எதிர்ப்பு, இந்து மத எதிர்ப்பு குறித்து  பேசியிருக்கிறார்.  அதே காலகட்டத்தில் வாழ்ந்த பாரதி பார்ப்பன, இந்து மனநிலையோடு வாழ்ந்திருக்கிறார். இத்தனைக்கும்  1919 ல் நாயர் இறந்துவிட்டார். பாரதி 1921 ல் மரணமடைந்தார்.

நமது பாரதி அபிமானிகள், கொஞ்சமும் வெட்கமில்லாமல் இன்னமும் ‘பாரதியின் காலகட்டம் அப்படி’ என்று நொண்டிச் சாக்கு சொல்லிக் கொண்டிருக்கிறார்கள்.

***

1919 ஆம் ஆண்டு லண்டனில் பார்லிமெண்ட் கூட்டுக் கமிட்டியிடும் சாட்சியங்கள் கூறி தங்கள் கட்சிகளுக்கு ஆதரவு பெற காங்கிரஸ் சார்பில் பாலகங்காதர திலகர் சென்றார். வைசிராய் கவுன்சில் அங்கத்தினராக இருந்த வி.ஜே. பட்டேல், சென்னை சட்டசபை அங்கத்தினர் யாகூப்ஹாசன், ரங்கசாமி அய்யங்கார் மற்றும்  பத்திரிகையாளர்களும் சென்றனர். ‘இந்து’ பத்திரிகையின் ஆசிரியர் கஸ்தூரிரங்க அய்யங்கார் என பலர் அங்கு சென்று பேசியும் எழுதியும் வந்தனர்.

நாயர் ஒருவர்தான் பார்ப்பனரல்லாத கட்சிக்காக லண்டனில் சென்று வேலை பார்த்தார். சர்க்கரை வியாதியால் கடுமையாக பாதிக்கப்பட்ட நாயர் படுத்த படுக்கையாகிவிடுகிறார்.  கூட்டுக் கமிட்டியிடம் சாட்சியம் அளிப்பதற்கு  முன் நீதிக்கட்சியின் சில தலைவர்கள் லண்டன் போய் சேர்ந்தார்கள்.

ஆனால், கூட்டுக் கமிட்டியிடம் சாட்சியம் அளிப்பதற்கு ஒருநாள் முன்பு (17-7-1919) நோய்வாய்பட்டு லண்டனிலேயே இறந்துவிட்டார் நாயர்.  இறுதி ஊர்வலம் லண்டன் நகரில் கோல்டன் கிரீன் என்ற இடத்தில் நடந்தது. இங்கிலாந்து மற்றும் பிரான்சில் இருந்து வந்திருந்த நாயருடைய வெள்ளைக்கார நண்பர்களும் நீதிக்கட்சி தலைவர்களும் சில காங்கிரஸ் பிரமுகர்களும் இறுதி ஊர்வலத்தில் கலந்து கொண்டார்கள். நாயரின் நெருங்கிய நண்பரான ‘இந்து’ கஸ்தூரிரங்க அய்யாங்கார் லண்டனில் இருந்தும் கலந்து கொள்ளவில்லை என்பது எல்லோராலும் வருத்ததோடு பகிர்ந்துகொள்ளப்பட்டது.

லண்டனில் நாயர் நோய்வாய்பட்டிருந்தபோது, சென்னையில் ‘நாயர் இறந்து விடவேண்டும்’ என்று சிறப்பு யாகங்களை பார்ப்பனர்கள் நடந்தி இருக்கிறார்கள்.

பார்ப்பன எதிர்ப்பு, இந்துமத எதிர்ப்பு அரசியலின் சரியான, துல்லியமான, வீரியமிக்க வடிவம் நாயரிடம் இருந்துதான் தொடங்குகிறது. நாயரை புறக்கணித்து இந்துமத எதிர்ப்பு, பார்ப்பன எதிர்ப்பு அரசியலை பேச முடியாது. தமிழர்களின் வரலாற்றை எழுதவும் முடியாது.

-முற்றும்

தொடர்புடைய கட்டுரைகள், பதில்கள்:

வ.உ.சியின் தியாகமும் காங்கிரசின் துரோகமும்

2ஆயிரம் ஆண்டுகளாக பல்லக்கு சுமந்தவர்கள்

கொளத்தூர் மணி-சீமான் மீது அவதூறு அல்லது ஏன் விமர்சனங்களுக்கு பதில் சொல்வதில்லை

தமிழர்களுக்கு பொதுவான பண்பாடு கிடையாது அல்லது மொழியைத் தவிர பொது அடையாளம் இல்லை

தேசியத் தலைவர்கள் காமராஜர், முத்துராமலிங்கத் தேவர் மீது பாசம் -டாக்டர் அம்பேத்கர் மீது காழ்ப்புணர்ச்சி -இதுதாண்டா தமிழ்த்தேசியம்

பெரியாரும் அவரின் தாடி மயிரை பிடித்து இழுத்து விளையாடும் பிள்ளைகளும் பேரன்களும்

யார் தமிழனவிரோதி? அல்லது, கிராமம் என்பது தமிழர் அடையாளமா? ஜாதி வெறியின் கோட்டையா?

தமிழ்த்தேசியம்+இந்திய தேசியம்=பெரியார் எதிர்ப்பு

“வெறி பிடித்த சாதித் தமிழர்களை அடியோடு ஒழிக்க வேண்டும்”

https://i2.wp.com/vemathimaran.com/wp-content/uploads/2010/02/tm-nair.jpg?w=474

மாதவன் நாயர் என்கிற மகத்தான தலைவரும் – மலையாளி என்ற பெயரில் மறைந்திருக்கும் இந்துமத வெறியனும் -1

‘நம்பிக்கைத் துரோகிகள்’-2

“பார்ப்பன லோக குருவாவது, அல்லது லோக்கல் குருவாவது கண்டிக்க முன்வருகிறானா? ”-நாயரின் வீச்சு-3

“ஏமாற்றிப் பொறுக்கித் தின்னும் புத்தியுடையவர்”-நாயரின் ஆவேசம் -4

1917 ஆண்டு அக்டோபர் 7 தேதி சென்னை ஸ்பரடாங் சாலையில் எம்.சி. ராஜா நடத்திய பொதுக்கூட்டத்தில் டாக்டர் டி.எம். நாயர் ஆற்றிய சிறப்புரை.

பகுதி-5

நான் மேலும் சொன்னேன். ஞாயிறு, மேற்கே தோன்றி, கிழக்கே மறைந்தாலும், மறையலாம்; ஆனால் எந்தப் பார்ப்பானும், பார்ப்பனரல்லாதவனாக மாறமாட்டான். பார்ப்பனரல்லாதவன் எவனும் பார்ப்பனனாக மாறவும் முடியாது. ஒருவன் இந்து மதத்தை விட்டுவிட்டு கிருத்துவனாகவோ அல்லது முகம்மதியானகவோ மாறலாம்; ஆனால் இந்து மதத்திற்குள்ளாகவே, ஒருவன் ஒரு சாதியை விட்டு விட்டு, வேறொர் சாதிக்குத் தாண்டவே முடியாது. இந்து தருமம், இப்படிப்பட்ட மாறுதலை ஏற்றுக் கொள்ளவே கொள்ளாது.

‘பரதர்மோ பயாவஹ!’-அவனவன் சாதித் தொழிலையே அவனவன் செய்ய வேண்டும். இல்லாவிட்டால், மரண தண்டனை நரகம் போன்ற தண்டனைகள் தாம் கிடைக்கும் என்கிறது கீதை!

இதுதான் இந்தியாவின் அவலநிலை. இங்கேதான் பிரம்ம-சத்திரிய-வைசிய-சூத்திரர் என்ற ஆரிய முதலாளித்துவ வித்து, அசைக்க முடியாத அளவுக்கு ஆழமாக வேரூன்றிச் சென்றிருக்கிறது. இதனை வெட்டி வீழ்த்தி அதில் கொதிக்கக் கொதிக்கச், சுடச்சுட வெந்நீர் ஊற்றி, இந்த நச்சு மரம என்னும் வருணாச்சிரம தருமத்தை அக்குவேறு, ஆணிவேறாகப் பிய்த்து எறிந்து, அழித்து ஒழிக்க வேண்டும்.

வெறி பிடித்த சாதித் தமிழர்களை அடியோடு ஒழிக்க வேண்டிய வேலையில், நம்மவர்கள் ஈடுபட வேண்டும் இதற்குப் பாமர மக்களின் கல்வி அறிவு எல்லா வகையிலும் பெருக வேண்டும். அறியாமைப் பேய்தானாக ஒடி விடும். நமது கட்சியின் சார்ப்பாகப் பிரச்சாரங்கள், செய்தித்தாள்கள், பொதுக்கூட்டங்கள், மாநாடுகள் ஆகியவை ஆங்காங்கு தொடர்ந்து நடந்து கொண்டே இருக்கவேண்டும். நமது மக்கள் மேலும் மேலும் அரசியல் அறிவும், தெளிவும் பெற வேண்டும்.

நமது மக்களில் பெரும்பாலோர் ஏழைக் கூலி வேலைக்காரர்களாக இருக்கிறார்கள். தங்கள் பிள்ளைகளைப் படிக்க வைக்கப் போதுமான வசதியில்லாமல் திண்டாடிக் கொண்டிருக்கிறார்கள். அரசினர் விதிக்கும்வரியை உயர்த்தி, அதன் மூலம் வரும் வருமானத்தைக் கொண்டு, ஏழை எளியவர்களின் கல்வி நலத்தைப் பெருக்கலாம் என்றாலோ, இந்நாட்டின் போலி தேச பக்தர்கள் அய்யயோ என்று ஒப்பாரி வைத்துக் கூக்குரலிடுகிறார்கள். (வெட்கம்! வெட்கம்!)

நம்மவர்களிலும் பணக்காரர்கள் இருக்கிறார்கள். அவர்களில் பெரும்பாலானோரும் வைதீகர்கள், பார்ப்பனர்களின் தாசானுதாசர்கள் (வெட்கம்! வெட்கம்!)

இந்த உலகத்தில் ஏழைகளாகிய உங்களையெல்லாம், ஏமாற்றி வயிறு எரிய வைத்தாலும், அடுத்த மோட்ச உலகத்தில் அல்ல அல்ல மோச உலகத்தில் (சிரிப்பு! கைதட்டல்!) இடஒதுக்கீடு செய்வதற்காக முயலுகின்றனர். அப்படிப்பட்டவர்கள், கடவுளின் கங்காணிகளாக புரோக்கர்களான பூதேவர்களான அக்கிரகாரப் புலிகளான பார்ப்பனரின் தயவைச் சம்பாதிப்பதற்காக அன்னதானம், கோதானம், பூதானம், கன்னிகாதானம், வஸ்திர தானம், வித்யாதானம் முதலிய சர்வசகல தானங்களையும், கிரேதா யுகம், முதல் இன்றுவரை பசியோ, பட்டினியோ இன்னது என்று அறியாத பார்ப்பன திருமேனிகளுக்கே மேலும், மேலும் அசீரணம் ஆகும்வரையில் கூட இரண்டு கைகளாலும் வாரி வாரிக் கொடுத்து வருகிறார்கள்.

அப்படியெல்லாம் செய்வார்களே தவிர, கிழிந்த வேட்டியும், சேலையுங் கட்டிக் கொண்டு பரட்டைத் தலையோடு, உடைந்து போன ஒழுகும் குடிசைகளிலும், அப்படிக்கூட இல்லாமல், ஒண்டும் இடங்களிலும், நடை பாதை ஓரங்களிலும், பசிப்பிணியோடு கூட, அதனால் அடையும் பலப்பல பிணிகளோடும், நடைப் பிணங்களோடு பன்றியாய்க். கழுதையோடு கழுதையாய் எச்சில் இலைப் பொறிக்கிகளாய்த் தலைமுறை தலைமுறையாய்க் காலந்தள்ளி வரும், நம்மின கோடானகோடி மக்களிருக்கும பக்கம் கூட பார்க்க அருவருக்கும் மனிதகுலப் பேய்களாகக், கடவுள்களையும், கடவுளச்சிகளையும் காப்பாற்றும் காவலர்களாகவே, கயவர்களாகவே, நம் பணக்காரர்களும், மிட்டாமிராசுகளும், வியாபார மன்னர்களும் வெட்கமில்லலாமல் காட்சி அளித்துக் கொண்டிருக்கிறார்கள். (வெட்கம்! வெட்கம்!)

அன்னிபெசன்ட் அம்மையாரின் தன்னாட்சி இயக்கத்திற்குப் பல காங்கிரசுப் பார்ப்பனத் தலைவர்கள் ஆதரவு தந்து வருவதோடு, ஒரு சில திராவிடக் கருங்காலிகளும், கங்காணிகளும் விபீஷணர்களாக ஆகிப் பேராதரவு தநது வருகின்றனர். காங்கிரசுத் தலைவர்களில், சேலம் டாக்டர் பி. வரதராசுலுநாயுடு, ஈரோடு ராமசாமி நாயக்கர், தூத்துக்குடி வழக்கறிஞர்..சிதம்பரம் பிள்ளை, சென்னைப் புலவர் திரு.வி.கல்யாண சுந்தர முதலியார் போன்றோரே, பார்ப்பனரல்லாதார் சமூகத்திற்குப் பாடுபடும் தலைவர்களாக இருந்து வருகின்றனர்.

மற்ற தேசியத் தலைவர்கள் எல்லோருமே பார்ப்பனர்கள்தாம். அவர்களால் நடத்தப்படும் செய்தித்தாள்களில் ஆசிரியர்களும், அவற்றின் நிருபர்களும் பார்ப்பனர்களே!  அவர்கள் தங்களின் சுயநல அரசியல் செல்வாக்கையும், தலைமையையும் வளர்த்துக் கொள்வதற்கு, அவர்களுடைய பொய், பித்தலாட்ட இந்து, சுதேசமித்திரன், பிரபஞ்சமித்திரன் போன்ற சாக்கடைச் செய்தித் தாள்கள் பெரிதும் உதவுகின்றன. (வெட்கம்! வெட்கம்! என ஆரவாரம்)

வகுப்புவாரிப் பிரதிநிதித்துவம் வராமல் நாங்கள் ஓய மாட்டோம்! உட்கார மாட்டோம்! என்ற முழக்கத்தை எல்லோரும் எழுப்ப வேண்டும்.

நமககு 3 செய்திதாள்கள் போதா 300 செய்தித் தாள்கள் வேண்டும்! புற்றீசல் போல் அவை கிளம்ப வேண்டும்.

***

திராவிடர் கழகம் வெளியிட்டு இருக்கிற ‘டாக்டர் டி.எம். நாயரின் முத்துக்கள்-1917 ஸ்பர்டாங் சாலை உரை’ என்ற சிறு வெளியிட்டிலிருந்து, சுருக்கி வெளியிட்டிருக்கிறேன்.

புத்தகம் கிடைக்குமிடம்:

திராவிடன் புத்தக நிலையம்

பெரியார் திடல், சென்னை – 600 007.

தொடரும்

தொடர்புடைய கட்டுரைகள்,  பதில்கள்:

2ஆயிரம் ஆண்டுகளாக பல்லக்கு சுமந்தவர்கள்

கொளத்தூர் மணி-சீமான் மீது அவதூறு அல்லது ஏன் விமர்சனங்களுக்கு பதில் சொல்வதில்லை

தமிழர்களுக்கு பொதுவான பண்பாடு கிடையாது அல்லது மொழியைத் தவிர பொது அடையாளம் இல்லை

தேசியத் தலைவர்கள் காமராஜர், முத்துராமலிங்கத் தேவர் மீது பாசம் -டாக்டர் அம்பேத்கர் மீது காழ்ப்புணர்ச்சி -இதுதாண்டா தமிழ்த்தேசியம்

பெரியாரும் அவரின் தாடி மயிரை பிடித்து இழுத்து விளையாடும் பிள்ளைகளும் பேரன்களும்

யார் தமிழனவிரோதி? அல்லது, கிராமம் என்பது தமிழர் அடையாளமா? ஜாதி வெறியின் கோட்டையா?

தமிழ்த்தேசியம்+இந்திய தேசியம்=பெரியார் எதிர்ப்பு

“ஏமாற்றிப் பொறுக்கித் தின்னும் புத்தியுடையவர்”-நாயரின் ஆவேசம்

என்னத்த சொல்றது?

மாதவன் நாயர் என்கிற மகத்தான தலைவரும் – மலையாளி என்ற பெயரில் மறைந்திருக்கும் இந்துமத வெறியனும் -1

‘நம்பிக்கைத் துரோகிகள்’-2

“பார்ப்பன லோக குருவாவது, அல்லது லோக்கல் குருவாவது கண்டிக்க முன்வருகிறானா? ”-நாயரின் வீச்சு-3

1917 ஆண்டு அக்டோபர் 7 தேதி சென்னை ஸ்பரடாங் சாலையில் எம்.சி. ராஜா நடத்திய பொதுக்கூட்டத்தில் டாக்டர் டி.எம். நாயர் ஆற்றிய சிறப்புரை.

பகுதி-4

ன் பிறந்த இடமான கேரளத்தில் நானோர் சூத்திரன்தானே (நகைப்பு! வெட்கம்! வெட்கம்! என்ற முழக்கம்) இத்தகைய இந்துமத சாதி அக்கிரமங்களை, எந்தப் பார்ப்பன லோக குருவாவது, அல்லது லோக்கல் குருவாவது கண்டிக்க முன்வருகிறானா? (வெட்கம்! வெட்கம்! என்ற முழக்கம்)

இந்த மூஞ்சிகளுக்குத்தான், தனி ஆடசி நடத்த, தன்னாட்சி அரசு வேண்டுமாம்! (வெட்கம்! வெட்கம்! என்ற ஆரவாரம்)

இன்னும் கேளுங்கள்! நசூத்ராயமதிம் தத்யா என்பது ஒரு சுலோகம்! அதன் பொருள் என்னவென்றால், சூத்திரன் படிக்கக் கூடாது.! என்பதாகும். அப்படியானால் நீ எப்படி படித்தாய்? என்று நீங்கள் கேட்பீர்களேயானால், சண்டாளப் பூனைக் கண்ணன்! செம்பட்ட மயிரன் ஆனே வெள்ளைக்காரனுடைய யூனியன் ஜாக் கொடி அல்லவா இப்பொழுது நாட்டில் பறக்கிறது! அதன் தயவால்தான் நான் படித்து முன்னேறினேன். (கைதட்டல்! ஆரவாரம்!)

அசல் ஆரிய இந்து தரும ஆட்சி நடக்குமானால், இங்குக் காவிக்கொடிதான் பறக்கும் என்ற நிலை இருக்குமேயானல் ராம ராஜ்ய ஆட்சி நடைபெற்றுக் கொண்டிருக்குமேயானால், அவ்வளவுதான்! சூத்திர சம்பூகன் கதிதான் எனக்கும், என் தலைவர் திரு.பிட்டி தியாகராயர் அவர்களுக்கும் ஏற்பட்டிருக்கும். (வெட்கம்! வெட்கம்! இந்து மதம் ஒழிக! என்ற ஆரவாரம்)

இவ்வளவுக்கு நீங்கள் எல்லோரும் மதிக்கும் என்னை, எங்கள் கேரள நாட்டு நம்பூதிரிப் பார்ப்பான் ‘ஏடா நாயரே’ எனறு சர்வ சாதாரணமாகக் கேவலமாக அழைக்கக் கூடிய, சாதிக் கர்வம் படைத்திருக்கிறான்!

உயர்நீதிமன்ற நீதிபதியாக நியமனம் பெற்ற சர் சங்கரன் நாயர், ஒரு சமயம் கேரளாவிலுள்ள தன் சொந்த ஊருக்குச் சென்றிருந்தபோது, ஒரு நம்பூதிப் பார்ப்பான், சர் சங்கரன் நாயர் வீட்டு வாசலிலேயே வந்து நின்றபடி,

“எடா! சங்கரா! நீ உயர்நீதிமன்ற நீதிபதியாமேடா” என்று கேட்டானாம். “ஆமாம் சாமி எல்லாம் உங்கள் கடாட்சந்தான்!” எனறு கூறியவாறே, வெளியே ஓடோடியும் வந்து, நம்பூதிரிப் பார்ப்பானின் காலைத் தொட்டுக் கும்பிட்டுக், கை கட்டி வாய் பொத்தி நின்றாராம், அவர்.

கேரளாவில் மரியாதைகளும், அவமரியாதைகளும் எப்படிப் படாத பாடுபடுகின்றன. பார்த்தீர்களா? (வெட்கம்! வெட்கம்! என்ற பெருத்த ஆரவாரம்)

இந்து மதப் புராணக் கதைகளில், பார்ப்பானுக்கும், சூத்திரச்சிக்கும் பிறந்தவர்களெல்லாம் காலாகாலத்தில், பெரிய மனிதர்களாகியிருப்பாகக் கூறப்படுகின்றதே அல்லாமல் ஒரு சூத்திரனுக்கும், பாப்பாத்திக்கும் பிறந்த பெரிய மனிதனின் கதை எதாவது மருந்துக்காவது உண்டா?

ஏன் அப்படி? சூத்திரனுக்கும், பாப்பாத்திக்கும் புராணக் காலங்களில், காதலோ அல்லது திருட்டுக் காதலோ ஏற்பட்டிருக்கிறதா? இல்லையே! (சிரிப்பு! கைதட்டல்)

இந்து தரும ஆடசிகளெல்லாம், ஒருவாறு ஒழிந்து, முகம்மதியர், டச்சுக்காரர் – போர்ச்சுக்கீசியர், பிரெஞ்சுக்காரர், ஆங்கிலேயர் ஆகியோரின் ஆட்சிக் காலங்களில்தான், நம்மவர்களில் ஒருசிலர் மட்டும் படிக்க முடிந்தது, சொத்துரிமையும் பெற முடிந்தது.

இப்பொழுது பார்த்தாலும், வெள்ளையனுக்கு அடுத்தபடி பெரிய பதவிகளில் பார்ப்பனர்களே அமர்ந்துள்ளனர். நம்மவர்களோ அடிமட்டத்தில் எடுபிடிகளாக இருந்து, வில்லைச் சேவகம் செய்து வருகிறார்கள். இந்நாட்டில், ஆரியர்களாக இருக்கும் பார்ப்பனர்கள், காலணா கொடுத்துப், பூணூலை வாங்கி மாட்டிக் கொண்டு, இங்குள்ள திராவிடர்களையெல்லாம் ஏமாற்றிப் பொறுக்கித் தின்னும் புத்தியுடையவர்களாக இருந்து வருகின்றனர். (சிர்ப்பு! கைதட்டல்)

எல்லா வகுப்பு மக்களுக்கும் வாழ்க்கையில் சம வாய்ப்பும், சம வசதியும் ஏற்பட வேண்டும் என்ற நோக்கத்தோடு வற்புறுத்தப்பட்டு வரும் வகுப்புவாரிப் பிரதிநிதித்துவக் கொள்கை, அரசின் அனைத்துத் துறைகளிலும், கையாள வேண்டும் என்பதைத்தான், நமது நீதிக்கட்சி, உயர்ந்த குறிக்கோளாகக் கொண்டிருக்கிறது.

இந்தக் குறிக்கோளை இங்கு விளக்கி வருவது போன்றே, இங்கிலாந்திலும் கூட்டம் போட்டுப் பேசியும், எழுதியும் வருவதற்காகத்தான், நான் ஆண்டு தோறும் தவறாமல் இங்கிலாந்துக்குச் சென்று வருகிறேன்.

நான் இங்கிலாந்தில் வெள்யைர்கள் நிறைந்த கூட்டம் ஒன்றில் பேசும்போது. போலித் தன்னாட்சி இயக்கத்தில் ஈடுபட்டிருக்கும் பார்ப்பனப் பெருந்தலைவர்களின் சிந்தாந்தம், வேதாந்தம் எல்லாம் எப்படிப்பட்டன என்பதை விளக்கிக் கூறினேன்.

அப்போது ஆங்கில நாட்டு ஆளுங்கட்சியைச் சேர்ந்த லார்டுசிடன் ஹேம் என்பவர், குறுக்கிட்டு ஒரு கேள்வி கேட்டார்.

“இந்திய வைஸ்ராய் ஆலோசனை சபையில், கல்வித்துறை உறுப்பினராக இருக்கிறாரே, சர்.பி.என். சர்மா அவர்கள் ஒரு பார்ப்பனரல்லாதார்தானே?” என்று கேட்டார்.

நான் உடனே, “பம்பாய்த் துறைமுகத்தில் நான் கப்பல் ஏறும்வரையில், சர்.பி.என். சர்மா அவர்கள் ஒரு பார்ப்பனராகத்தானே இருந்தார்” என்றேன். (சிரிப்பும் கைதட்டலும்)

நீங்கள் இப்பொழுது சிரிப்பது போன்றே, அன்றும் அந்தக் கேள்வியைக் கேட்ட பிரபுவும், பிறரும் கூட கொல்லென்று சிரித்துவிட்டனர்.

நான் மேலும் சொன்னேன். ஞாயிறு, மேற்கே தோன்றி, கிழக்கே மறைந்தாலும், மறையலாம்; ஆனால் எந்தப் பார்ப்பானும், பார்ப்பனரல்லாதவனாக மாறமாட்டான். பார்ப்பனரல்லாதவன் எவனும் பார்ப்பனனாக மாறவும் முடியாது. ஒருவன் இந்து மதத்தை விட்டுவிட்டு கிருத்துவனாகவோ அல்லது முகம்மதியானகவோ மாறலாம்; ஆனால் இந்து மதத்திற்குள்ளாகவே, ஒருவன் ஒரு சாதியை விட்டு விட்டு, வேறொர் சாதிக்குத் தாண்டவே முடியாது. இந்து தருமம், இப்படிப்பட்ட மாறுதலை ஏற்றுக் கொள்ளவே கொள்ளாது.

‘பரதர்மோ பயாவஹ!’-அவனவன் சாதித் தொழிலையே அவனவன் செய்ய வேண்டும். இல்லாவிட்டால், மரண தண்டனை நரகம் போன்ற தண்டனைகள் தாம் கிடைக்கும் என்கிறது கீதை!

-தொடரும்

தொடர்புடைய கட்டுரைகள்,  பதில்கள்:

2ஆயிரம் ஆண்டுகளாக பல்லக்கு சுமந்தவர்கள்

கொளத்தூர் மணி-சீமான் மீது அவதூறு அல்லது ஏன் விமர்சனங்களுக்கு பதில் சொல்வதில்லை

தமிழர்களுக்கு பொதுவான பண்பாடு கிடையாது அல்லது மொழியைத் தவிர பொது அடையாளம் இல்லை

தேசியத் தலைவர்கள் காமராஜர், முத்துராமலிங்கத் தேவர் மீது பாசம் -டாக்டர் அம்பேத்கர் மீது காழ்ப்புணர்ச்சி -இதுதாண்டா தமிழ்த்தேசியம்

பெரியாரும் அவரின் தாடி மயிரை பிடித்து இழுத்து விளையாடும் பிள்ளைகளும் பேரன்களும்

யார் தமிழனவிரோதி? அல்லது, கிராமம் என்பது தமிழர் அடையாளமா? ஜாதி வெறியின் கோட்டையா?

தமிழ்த்தேசியம்+இந்திய தேசியம்=பெரியார் எதிர்ப்பு

சாரு நிவேதிதா சாமியாராகி விட்டாரா?

ஒய்யாரமாக மன்னிக்கவும் ஓய்வாக ரமண மகரிஷி சுவாமிகள்-நல்லவேளை இவர் காலத்துல ரகசிய கேமரா இல்ல

எழுத்தாளர் சாரு நிவேதிதா நித்தியானந்தத்தின் பக்தர். அவரைப் பற்றி உங்கள் கட்டுரையில் குறிப்பிட்டு இருக்கலாமே?

மணி

எனக்குத் தெரியாது. பிறகு தோழர்கள் சொன்னார்கள், ‘சாருநிவேதிதா தீவிரமான நித்தியானந்தனின் சீடர்’ என்று. இவரைப் போன்ற  தன்முனைப்புக்காரர்கள், பிற்போக்காளராக இருக்கிறார்கள் என்பதுகூட பிரச்சினை இல்லை. குறைந்தபட்சம் அவர்கள் சொல்லுகிற விசயத்திற்கு அவர்களே கூட உண்மையாக நடந்து கொள்வதில்லை.

திராவிட இயக்க எழுத்தாளர்களுக்கு குறிப்பாக ‘கருணாநிதிக்கு எழுதவே தெரியாது’ என்பார்கள். நல்லிகுப்புசாமி செட்டியை, பெரிய இலக்கியவாதியாக பேசுவார்கள்.

‘இளையராஜா திருவாசகத்திற்கு இசையமைக்கப் பணம் வேண்டும் என்றால், அவர் கையில் இருந்து செலவு செய்ய வேண்டியதுதானே? எதற்கு அடுத்தவர்களை எதிர்ப்பார்க்கிறார்?’ என்று காட்டம் காட்டுவார்கள். அவர்களே, ‘என்னுடைய எழுத்துக்களை புத்தகமாக கொண்டுவரவேண்டும். உதவி செய்யுங்கள்’ என்று மற்றவர்களிடம் கையேந்துவார்கள்.

கமல்ஹாசனிடம் வசனம், பாட்டு எழுத வாய்ப்புக் கேட்டு முயற்சி செய்து முடியாதுபோன இலக்கியவாதிகள் பலர், பார்ப்பன எதிர்ப்பாளராக மாறி, கமல்ஹாசன் போன்ற கழிசடைகளை விமர்சித்து, தன்னை மிகப் பெரிய பார்ப்பன எதிர்ப்பாளராகவும் சித்திரி்த்துக் கொள்வார்கள்.  இன்னோருபுரம், தமிழகப் பார்ப்பன பயங்கரவாதத்தின் குறியீடான தினமலர் நாளிதழின் பார்ப்பனத் தன்மையை ஆதரித்து, அல்லது விமர்சிக்க மறுத்து அதன் முதலாளிகளிடம் பல்லைக் காட்டுவார்கள்.

நித்தியானந்த முதலியார் சுவாமிகள், தன்னுடைய முன்னோடிகளும், சகலபாடிகளுமான ஜெயேந்திரன், விஜயேந்திரன் போன்ற பார்ப்பன சாமியார்களின் ஆசிர்வாதம் பெற்றவர்தான்.  நித்தியானதத்தின் பலான பிரச்சினை அம்பலமான பிறகு, இந்த சாமியாரை திட்டி சாரு நிவேதிதா, கட்டுரை எழுதியதாகவும தோழர்கள் சொன்னார்கள்.

ஆம்பளையோடு ஆம்பிள, பொம்பளையோடு பொம்பள செக்ஸ் வைத்துக்கொள்கிற மனநோயையே நியாயப்படுத்துகிற பின் நவீனத்துவவாதிகள், பின் நவீனத்துவவாதியைப் போல் வாழ்கிற நித்தியானந்தத்தை ஏன் திட்டுகிறார்கள்?

ஒரு வேளை சாரு நிவேதிதா சாமியாராகி இருப்பாரோ?

தெரியலை…. ஆனா ஒன்னு உறுதி,

சாமியார் சாரு நிவேதிதாவாக மாறிட்டார்.

தொடர்புடையவை :

‘கதவைத் திற’-பக்தர்களுக்கு, ‘கதவை மூடு’-நடிகைகளுக்கு-இளமைத்துள்ளும் ஆன்மீக அருள் ஒளி

காஞ்சி மகா ஸ்வாமிகளின் 116 ஜெயந்தி. இவுரு ரொம்ப… நல்லவரு…

ஜெயேந்திரனா? பங்காருவா? ஜாதியா? வர்க்கமா?

மாட்றவரைக்கும் சாமியார் மாட்டிக்கிட்டா போலிச்சாமியாரா?

துறவிகள்



‘கதவைத் திற’-பக்தர்களுக்கு, ‘கதவை மூடு’-நடிகைகளுக்கு-இளமைத்துள்ளும் ஆன்மீக அருள் ஒளி


‘ரெண்டுல நீ ஒன்ன தொடு மாமா....’

வ்வொரு முறையும் சாமியார்கள் பெரியார் தொண்டர்களின் வேலையை குறைக்கிறார்கள் அல்லது பெரியார் தொண்டர்களின் பேச்சுகளுக்கு ஆதாரமாக விளங்குகிறார்கள்.

பத்து மாநாடுகள், 1000 தெருக் கூட்டங்கள் நடத்தி அம்பலப்படுத்த வேண்டிய செய்தியை, தங்களின் கட்டுப்படுத்த முடியாத அல்லது கட்டுக் கடங்காத லீலைகளின் மூலம் அவர்களே அம்பலமாகிறார்கள்.

குமுதம் என்கிற பலனா பத்திரிகையில் ‘கதவைத் திற காற்று வரட்டும்’ என்று ஆன்மீக தொடர் எழுதி ஆத்மாவை தொட்டு எழுப்பிய நித்தியானந்தம் சுவாமிகள், குமுதம் போலவே அந்தரங்கத்தையும் தட்டி எழுப்புகிற ஒரு வயகார சாமியார்தான் என்று மலையாள பிட்டு பட போஸ்டர் பாணியில் நடிகையுடன் ‘ஆழ்நிலை தியானத்தில்’ இருக்கும் படங்களை வெளியிட்டு இருக்கிறது தினகரன் நாளிதழ்.

நடிகையின் நற்பெயருக்கு களங்கம் வரக்கூடாது என்பதற்காக அவர் பெயரையும், படத்தையும் மறைந்து வெளியிட்டிருக்கிறது தினகரன். (யோவ், போயா…. அந்த நடிகை டி.வி. தொடரில் கற்பை வலியுறுத்தி குடும்ப பாங்கான கேரக்டரில் நடிக்கிற நடிகையா இருந்து, அதன் மூலம் அந்த தொடருக்கான ரேட்டிங் எறங்கி போச்சுன்னா… நீயா பதில் சொல்லுவே?)

‘அறுக்க மாட்டாதவன் இடுப்பைச் சுத்தி அம்பத்தெட்டு அருவா’  என்கிற பாணியில் ஜெயெந்திரன் போன்ற கிழடுகளே, ‘நேத்து… ராத்திரி…. யம்மா…’  பாணியில் ஏகப்பட்ட பெண்களோடு உல்லாசமாக ‘இருக்கும்’ போது, இளமை ஊஞ்சலாடும் நித்தியானந்தம் போன்றவர்கள் என்ன இளிச்சவாயர்களா? ‘இளமை இதோ… இதோ…’ என்று ‘இருக்க’ மாட்டார்களா? அதான் ‘இருந்து’ ட்டாரு.

அதுக்காக பக்தர்கள், ‘இனி சாமியாரே வேண்டாம், சாமியே போதும்’ என்று ஒதுங்கிவிடுவார்களா? அப்படியிருந்தால், பிரேமானந்தாவிற்கு பிறகு சாமியார்களே தமிழகத்தில் உருவாகி இருக்க முடியாது.

ஆனாலும், இப்போதெல்லாம் முன்பைவிட அதிகமாக, வசதியாக, நவீனமாக மல்டிநேஷ்னல் கம்பெனிகளின் ‘ஆசிர்வாதம்’ பெற்ற பணக்கார சாமியார்கள் உருவாகிறார்கள். அமெரிக்காவில் ஆசிரமம் வைத்திருக்கிறார்கள். அரசியல்வாதிகளைபோல் ‘தனககுப் பிறகு தன் மகன்’ என்று பக்தி தொழில் நடத்தி, என்ஜினியரிங் கல்லூரி நடத்தி சம்பாதிக்கிறார்கள்.

‘தர்மம் பண்ண  புண்ணியம்’ என்கிற நம்பிகையையும் உடைத்து, பக்தர்களிடம் இருக்கும் பத்து ரூபாவைக்கூட நன்கொடை, செல்போன்  டோக்கன்,  புத்தக விற்பனை என்று புடுங்கிக் கொண்டு, உள்ளே எளிய மக்களான பிச்சைக்காரர்களை கூட அனுமதிக்காமல், தங்கக் கோயில் கட்டி ‘ரிசார்ட்’ டைப்போல் கோயில்களை, மடங்களை  நிர்வகிக்கிறார்கள்.

இப்படி வெள்ளைக்காரனையே ஏமாற்றி சம்பாதித்த சாமியார்களும் இருக்கிறார்கள். இதில் பார்ப்பான் பார்ப்பனரல்லாதவன் என்ற பேதமில்லாமல் ஒற்றுமையாய் கொள்ளை அடிக்கிறார்கள்.

அப்படி கொள்ளையடித்து மாட்டியிருக்கிறான் ‘கல்கி பகவான்’ என்ற ஒரு ஹைடெக் சாமியார்.

எது எப்படியோ? தொடர்ந்து இந்து மதத்தை அம்பலப்படுத்தும் பிரேமானந்தா, ஜெயெந்திரன், தேவநாத குருக்கள், நிந்தியானந்தம், கல்கி போன்றவர்களுக்கு பெரியார் தொண்டன் என்கிற முறையில், நன்றியை தெரிவித்துக் கொள்கிறேன்.

‘மாட்றவரைக்கும் சாமியார், மாட்டிக்கிட்ட போலிச் சாமியார்’ என்கிற முறையில் தங்களின் பக்தியை சாமியார்களின காலடியில் தேடிக் கொண்டிருக்கும் பக்தர்களுக்காக…… என்ன சொல்றது?

நீங்க நல்லவன்னு நம்பிக்கிட்டு இருக்கிற சாமியாரின் லீலைகள், மோசடிகள் வெளி உலகத்திற்கு தெரியாமல் இருக்க வேண்டும் என்று கடவுளிடம் வேண்டிக் கொள்ளுங்கள். ஏன் என்றால், மோசடிகளும், லீலைகளும் செய்யாத சாமியார் எவனும் கிடையாது.

குறிப்பு :

டாக்டர் டி.எம். நாயரின் எழுச்சிஉரை தொடர், சாமியார்களின் விளம்பர இடைவேளைக்குப் பிறகு தொடரும்.

தொடர்புடைய கட்டுரைகள், பதில்கள்:

ஜெயேந்திரனா? பங்காருவா? ஜாதியா? வர்க்கமா?

ஜெயலலிதா என்ன பெரியார் பேத்தியா?

பார்பனப் பத்திரிகைகள் சங்கரமடத்தின் நாடித்துடிப்பு !

மாட்றவரைக்கும் சாமியார் மாட்டிக்கிட்டா போலிச்சாமியாரா?

துறவிகள்

காஞ்சி மகா ஸ்வாமிகளின் 116 ஜெயந்தி. இவுரு ரொம்ப… நல்லவரு…

“பார்ப்பன லோக குருவாவது, அல்லது லோக்கல் குருவாவது கண்டிக்க முன்வருகிறானா? ”-நாயரின் வீச்சு

புலித்தோல் போர்த்திய பன்னிக்குட்டிகள். ஏமாந்த புலி.

மாதவன் நாயர் என்கிற மகத்தான தலைவரும் – மலையாளி என்ற பெயரில் மறைந்திருக்கும் இந்துமத வெறியனும் -1

‘நம்பிக்கைத் துரோகிகள்’-2

1917 ஆண்டு அக்டோபர் 7 தேதி சென்னை ஸ்பரடாங் சாலையில் எம்.சி. ராஜா நடத்திய பொதுக்கூட்டத்தில் டாக்டர் டி.எம். நாயர் ஆற்றிய சிறப்புரை.

பகுதி-3

நான் 30 ஆண்டுகளுக்கு மேல், இங்கிலாந்திலும், இங்கும் மருநத்துவப் பணி செய்து அனுபவம் பெற்றவன். ஆனால் இம்மாதிரியான உடலின் பல பகுதிகளில் பிள்ளைபேறு மருத்துவங்களை நான் என் வாழ்நாளில் கண்டதுமில்லை, கேட்டறிந்ததுமில்லை. (சிரிப்பு, கைதட்டல்)

ஆரியக் கடவுளின் உடல் அமைப்பே அலாதியாகத்தான் இருக்கும் போலிருக்கிறது! (சிரிப்பு! கைதட்டல்!)

இவ்வாறாகக் கடவுளின் மேற்பகுதி உறுப்புகளிலிருந்து, மகப்பேறு பெற்று வெளிவந்த ஆரியர்கள், தங்களுக்கே நாடு, வீடு, தோட்டம், துரவு, காடு, கழனி, பணம், காசு எல்லாம் சொந்தம் என்று ஆக்கிக் கொண்டு விட்டார்கள். நாலாம் சாதியினரான சூத்திரர்களும், அய்ந்தாம் சாதியினரான பஞ்சமர்களும் கல்வி, சொத்துரிமை போன்றவற்றில் எந்த ஒரு உரிமையும் கொண்டாட முடியாது, கொண்டாடக் கூடாது என்று ஆக்கிவிட்டனர்.

இவையெல்லாம் ஒவ்வொருவரின் முன் பிறப்பில் செய்த பாவ புண்ணியங்களின் அடிப்படையில் ஏற்பட்டவையாகும் எனறு ஆரிய தெய்வீகச் சட்ட திட்டங்கள் கூறுகின்றன. இதற்குத் தலைவிதி என்றும் அவர்கள் பெயர் வைத்துவிட்டார்கள்.

இதையெல்லாம் நம்பி நடப்பவனுக்குத்தான், இறப்பிற்குப் பின் மோட்சம் கிடைக்கும் எனறும், நம்பாதவன் இறப்பிற்குப் பின் நரகத்தில் சித்ரவதைச் செய்யப்படுவான் என்றும் சொல்லி வைத்தார்கள்.

இத்தகைய கடவுள் திடடத்திற்கு தருமம் என்று பெயர். இவ்வாறு அந்நிய ஆரிய வஞ்சகர்கள் கூறி, அப்பாவித் திராவிடர்களைப் பல்வேறு வகையிலும் அடிமைப்படுத்தி வந்தனர்.

ஆரிய சூழ்ச்சிகளை, விழிப்புணர்ச்சி கொண்ட திராவிடர்கள், அவ்வப்போது அய்யப்பாடு அடைந்து, ஆரியக் கூட்டத்தினரை எதிர்த்துப் போராடியதும் உண்டு.

ஆரியர்கள் சாம-பேத-தான-தண்டமெனும் ஆரிய சதுர்வித உபாயங்கள் மூலம் திராவிடரின் ஒற்றுமையைப் பலவகைகளிலும் குறைக்கச் செய்தனர்.

ஆரியர்கள், திராவிடர்களிலேயே சிலருக்கு மட்டும் சாதி உயர்வுப் பட்டம் அளித்து, மற்றவர்களை வேறுபடுத்தித் தாழ்த்தி வைக்க முற்பட்டனர். எடுத்துக்காட்டாக, நம் தலைவர் பி. தியாகச் செட்டியார் இனமான நெசவாளத் திராவிடர்களைத் தேவாங்கப் பிராமணர் எனறு சொல்லி, சாதி உயர்வுப் பட்டம் அளித்தனர்.

ஆரியர்கள், திராவிட வேளான்பெருங்குடி மக்களை, வன்னிய குல சத்திரியர் என்றும், நாயுடு செட்டியார்மார்களை, கவுரவ சத்திரியர் என்றும், திராவிடக் கோமுட்டிகளை, ஆரிய வைசிர் என்றும், நாட்டுக்கோட்டைச் செட்டியார்களைத் தன வைசியர் எனறும், பொற்கொல்லர்களை விசுவகர்ம பிராமணர் என்றும், வடநாட்டிலுள்ள பார்ப்பனரல்லாத திராவிட இனத்தைச சார்ந்தவர்களான குற்றவேல் புரிபவர்களைப் பூமிஹார் பிராமணர் என்றும், விவசாயிகளை குர்மிசத்திரியர் எனறும் பல வாறாகப் பெயர்களைச் சூட்டித் திராவிடர்களின் கோட்டைக்குளேயே குத்து வெட்டு, போட்டா போட்டி, பொறமை, பொச்சரிப்பு போன்ற குழப்பங்களை ஏற்படுத்தினர்.

திராவிடரில் பலர்க்குப் பெயரளவில், ஆரிய வர்ணச்சிரம உயர்சாதிப் பட்டங்கள் கிடைக்கப் பெற்றனவேயன்றி, நடைமுறையில், சங்கராச்சாரியார் பீடத்தில் அமரவோ, கோவில் அர்ச்சகர்களாக ஆகவோ, ஆரியச் சடங்குகள் செய்யும் புரோகிதர்களாக மாறவோ, அவர்களுக்கு உரிமைகள் அறவே வழங்க்கப்படவில்லை.

தேவாங்கப் பிராமணராக நம் தலைவர் திரு. பிட்டி. தியாகராய வள்ளல் அவர்கள், அப்படிப்படட இடங்களில் அமர வேண்டும் என்று ஆசைப்படுவாரேயானால், ராமாயணத்தில் கண்டுள்ளபடி, தவம் செய்த பாவத்திற்கா ராமனால் தலையிழுந்த சூத்திரனான சம்பூகன் கதிதான் இவருக்கும் ஏற்படும் (சிரிப்பு!  கைதட்டல்! ஆரவாரம்!)

கடுகு சிறுத்தாலும் காரம் குறையாது என்ற பழமொழிக்கு இணங்க, ஆரியர்களால் எவ்வளவு புரட்டுகளும், பித்தலாட்டங்களும் நடைபெற்றாலும், இங்குக் கூடியிருக்கும் நீங்கள் அனைவரும், உங்களைத் திராவிடர்கள் என்று அழைத்துக் கொள்வதில் பூரிப்பும், பெருமையும் கொண்டிருக்கிறீர்கள்.

வீரத் திராவிடர்களே! (பெருத்த ஆரவாரம்! கைதட்டல்! தியாகராயர் வாழ்க! டாக்டர் நாயர் வாழ்க! நீதிக்கட்சி நீடுழி வாழ்க! என்று முழக்கங்கள்)  என்னையே எடுத்துக் கொள்ளுங்களேன்! லண்டனிலும், சென்னையிலும் எல்லோரும் என்னைப் பெரிய டாக்டர் என்று சொல்லுகிறார்கள்.

நான் ஒரு எம்.டி. பட்டதாரி. எனக்கு ஏராளமான வருமானம் வருகிறது. எனக்காகும் செலவு போக, என் வருமானத்தில் மீதப்படும் பணத்தையெல்லாம், என்னருமைத் தலைவர் திரு. பிட்டி தியாகராயர் போன்று, உங்களைப் போன்ற திராவிட மக்களைத் தட்டி எழுப்பும் நீதிக்கட்சியின் வளர்ச்சிக்காகச் செலவிடுவிதில் பெருமைப் படுகிறேன். (டாக்டர் நாயர் வாழ்க! தியாகராயர் வாழ்க என்ற முழக்கம்)

இவ்வாறெல்லாம் இருந்தும், என் பிறந்த இடமான கேரளத்தில் நானோர் சூத்திரன்தானே (நகைப்பு! வெட்கம்! வெட்கம்! என்ற முழக்கம்) இத்தகைய இந்துமத சாதி அக்கிரமங்களை, எந்தப் பார்ப்பன லோக குருவாவது, அல்லது லோக்கல் குருவாவது கண்டிக்க முன்வருகிறானா? (வெட்கம்! வெட்கம்! என்ற முழக்கம்)

இந்த மூஞ்சிகளுக்குத்தான், தனி ஆடசி நடத்த, தன்னாட்சி அரசு வேண்டுமாம்! (வெட்கம்! வெட்கம்! என்ற ஆரவாரம்)

-தொடரும்

தொடர்புடைய கட்டுரைகள்,  பதில்கள்:

2ஆயிரம் ஆண்டுகளாக பல்லக்கு சுமந்தவர்கள்

கொளத்தூர் மணி-சீமான் மீது அவதூறு அல்லது ஏன் விமர்சனங்களுக்கு பதில் சொல்வதில்லை

தமிழர்களுக்கு பொதுவான பண்பாடு கிடையாது அல்லது மொழியைத் தவிர பொது அடையாளம் இல்லை

தேசியத் தலைவர்கள் காமராஜர், முத்துராமலிங்கத் தேவர் மீது பாசம் -டாக்டர் அம்பேத்கர் மீது காழ்ப்புணர்ச்சி -இதுதாண்டா தமிழ்த்தேசியம்

பெரியாரும் அவரின் தாடி மயிரை பிடித்து இழுத்து விளையாடும் பிள்ளைகளும் பேரன்களும்

யார் தமிழனவிரோதி? அல்லது, கிராமம் என்பது தமிழர் அடையாளமா? ஜாதி வெறியின் கோட்டையா?

தமிழ்த்தேசியம்+இந்திய தேசியம்=பெரியார் எதிர்ப்பு