பெரியார் தொண்டர்கள் நடத்தும் டாக்டர் அம்பேத்கர் விழா

‘ஜாதி உணர்வை தன் ஜாதிக்காரனிடமும், தமிழ் உணர்வை அடுத்த ஜாதிக்காரனிடமும் ஊட்டு’; இதுக்குப்பேர்தான் திராவிட எதிர்ப்பு


திராவிட இயக்கங்கள்தான் தமிழகத்தை கெடுத்துவிட்டது என்கிறார்களே?

சு. தமிழ்மணி, விழுப்புரம்.

திரவிட இயக்கங்கள் என்ற சொல்லாடலே பெரியார் மீது சேறு அடிக்க வேண்டும் என்ற பிரியத்தில் சுற்றி வளைத்து மூக்கை தொடுகிற முயற்சி.

உண்மையில் அவர்கள் நேர்மையாளர்களாக இருந்தால், பெரியாரை குறிப்பிட்டு விமர்சிக்கலாம். இல்லை நாங்கள் பெரியாரை சொல்லவில்லை என்றால், திமுக, அதிமுக என்று அந்த தேர்தல் கட்சிகளின் பெயர்களை சொல்லி விமர்சிக்கலாம். ஆனால், அவர்களுக்கோ பார்ப்பன ஆதரவுக்காக பெரியார் எதிர்ப்புதான் முக்கியம்.

அதனால்தான், இந்த திராவிட இயக்க எதிர்ப்பாளர்கள் ஜெயலலிதாவையும் ஆதரிக்கிறார்கள்; ஜெயேந்திரனை கொலைவழக்கில் இருந்து தப்ப வைக்கும் திமுக அரசின் பார்ப்பன ஆதரவை கண்டிக்க மறுக்கிறார்கள்.

சரி, அவர்கள் திமுக, அதிமுகவேயே விமர்சிப்பதாகவே வைத்துக்கொள்வோம். அவர்களை விமர்சிப்பதற்குகூட இவர்களுக்கு யோக்கியதை இல்லை.

தமிழகத்தில் திமுக, அதிமுகவிற்கு பின்பு துவங்கப்பட்ட கட்சிகளின துவக்கமே ஜாதிதான். அதை மறைப்பதற்குத்தான் போலியான தமிழ் உணர்வு.

தன் ஜாதிக்காரனிடம் ஜாதி உணர்வையும் அடுத்த ஜாதிக்காரனிடம் தமிழ் உணர்வையும் ஊட்டுவதுதான், இந்த திராவிட இயக்க எதிர்ப்பாளர்களின் அரசியல்.

திராவிட இயக்க எதிர்ப்பு என்ற பெயரில் இப்படி நேரடியான ஜாதி அரசியலை துவக்கி வைத்த பெருமை பா.ம.கவையே சேரும். ஒருவன் ஜாதி உணர்வோடே தமிழ் உணர்வாளனாக இருக்கலாம் என்கிற மோசமான அரசியல்தான் திராவிட இயக்க எதிர்ப்பு அல்லது திராவிட இயக்க மாற்று அரசியலாக இருக்கிறது.

திமுக, அதிமுக போன்ற கட்சிகள் ஜாதி அரசியலை வளர்த்தெடுத்தாலும், தொண்டர்கள் கட்சியின் தலைமையை ஜாதி, மத உணர்வற்ற நிலையிலிருந்தே… தேர்ந்தெடுத்தார்கள், விரும்பினார்கள்.

தமிழ்நாட்டிலேயே  மிக சிறுபான்மையான மிக குறைந்த எண்ணிக்கை கொண்ட இசைவேளாளர் சமூகத்தைச் சேர்ந்தவரைத்தான்  லட்சக்கணக்கான திமுக தொண்டர்கள் தொடர்ந்து தன் தலைவராக ஏற்றுக் கொண்டிருக்கிறார்கள்.

தொடர்ந்து 10 ஆண்டுகள் முதல்வராக இருந்த, எம்.ஜி.ஆர்., என்ன ஜாதி என்று அந்தக் கட்சிக்காரர்களுக்குத் தெரியாது.

ஆனால், இவர்களுக்கு பிறகு, ஆரம்பிக்கப்படட அனைத்துவிதமான அரசியல் கட்சிகள், திராவிட இயக்க எதிர்ப்பு தமிழ்த் தேசியவாதிகளின் துவக்கமே, ஜாதிதான்.

பெரியாரை, திராவிட இயக்கங்களை விமர்சிக்கிற இவர்கள்; இதுவரை, முற்போக்கான ஒரே ஒரு விசயத்தைக்கூட செய்ததில்லை.

மாறாக, தங்கள் சந்தர்ப்பவாதத்தை விமர்சிக்கிற முற்போக்காளர்களிடம் ரவுடித் தனத்தையும்,  ஆளும் வர்க்கம் மற்றும் தலித் விரோத ஆதிக்க ஜாதி தலைவர்களிடம் இணக்கமுமாக நடந்து கொள்கிறார்கள்.

இதில் பெரிய வேடிக்கை, இவர்கள் பெரியாரை, திராவிட இயக்கத்தை விமர்சித்துவிட்டு, கடைசியல் விஜயகாந்திடம் பின்தங்கிவிட்டார்கள்.

*

> தங்கம் 2011 ஏப்ரல் மாத இதழில் வாசகர் கேள்விக்கு நான் எழுதிய பதில்.
தங்கம் இதழை  ஆன்லைன் வழியாக பார்க்க:

http://ebook.thangamonline.com/apr2011/

தொடர்புடையவை:

பெரியாரின் ஊழல்

‘பெரியாரை புரிந்து கொள்வோம்’-கலந்துரையாடல்

நாட்டாம.. தீர்ப்ப மாத்தி சொல்லு… விஜய் டீ.வி. நெல்லை கண்ணனை கண்டித்து…

காமராஜர், கக்கன், கம்யூனிஸ்டுகளின் எளிமையும்; பார்ப்பன, தேசிய, தமிழ்த்தேசியவாதிகளின் சதியும்

‘பெரியாரையே விமர்சிக்கிறாங்க… அப்பா…. பயங்கரமான ஆளா இருப்பாய்ங்க போல’

என்ன செய்து கிழித்தார் பெரியார்?

பெரியாரும் அவரின் தாடி மயிரை பிடித்து இழுத்து விளையாடும் பிள்ளைகளும் பேரன்களும்

தமிழ்த்தேசியம்+இந்திய தேசியம் =பெரியார் எதிர்ப்பு
*
தேசியத் தலைவர்கள் காமராஜர், முத்துராமலிங்கத் தேவர் மீது பாசம் -டாக்டர் அம்பேத்கர் மீது காழ்ப்புணர்ச்சி -இதுதாண்டா தமிழ்த்தேசியம்

பெரியாரிஸ்ட்டுகளும் – தமிழினவாதிகளும்

தமிழ்த்தேசியம்:  ஒழிக பெரியார் – வாழ்க பார்ப்பனியம்

இனி ‘தமிழறிஞர்களை’ சும்மா விடக்கூடாது…

16 வயதினிலே, ஹேராம்; பின்னணி இசையின் துவக்கமும், உன்னதமும்

ஒரு படத்தின் பின்னணி இசை எந்த அளவிற்கு படத்திற்கு முக்கியத்துவம் தரும்?

-அப்துல் ஜமால், கோவை.

படத்திற்கான பின்னணி இசை, படம் எடுத்து முடித்தவுடன் சேர்ப்பது மட்டுமல்ல; படம் எடுப்பதற்கு முன்பே பின்னணி இசையை முடிவு செய்யவேண்டும்.

இந்கக் காட்சிக்கு இந்த வசனம் முக்கியம்; இந்தக் காட்சிக்கு வசனத்தை விட இசைதான் முக்கியம்; என்று திரைக்கதையிலேயே எழுதியிருக்கவேண்டும். இசையமைப்பாளரை மனதில் கொண்டு எழுதப்பட்ட திரைக்கதைதான் மிக நேர்த்தியான திரைக்கதை.

சில உணர்வுகளை வார்த்தைகளைவிட இசை நுட்பமாக சொல்லும் என்கிற புரிதல் இயக்குநருக்கு இருக்கவேண்டும். அப்படி இருந்தால்தான் பின்னணி இசை சிறப்பாக அமையும்.

பின்னணி இசைக்கு முக்கியத்துவம் கொடுத்து எடுக்கப்பட்ட முதல் தமிழ்ப் படம்; பாரதிராஜாவின் ‘16 வயதினிலே’.

பின்னணி இசையின் மூலமாக பல நுட்பமான தனிமனித உணர்வுகளை மட்டுமல்ல, அரசியல் ரீதியான செய்திகளையும் சொலல முடியும்; என்று உணர்த்தியப் படம் கமல்ஹாசனின் ‘ஹேராம்’. இந்த இரண்டு படத்திற்கும் இசை, இசைஞானி இளையராஜா.

*

திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம் ஏப்ரல் மாத இதழில் வாசகர் கேள்விக்கு நான் எழுதிய பதில்.

தொடர்புடையவை:

எம்.எஸ்.வி, இளையராஜா; தமிழ் சினிமாவின் அறிவாளிகள் இசையமைப்பாளர்கள் மட்டும்தான்

மெல்லிசை மன்னர் எம்.எஸ். விஸ்வநாதனுடன் ஒரு சந்திப்பு

இயக்குநர் மகேந்திரனின் கதாநாயகிகள் மற்றும் அவர் படங்களை திரும்ப எடுத்த மணிரத்தினம், வசந்த்

‘ரஜினி, விஜய் – மிஷ்கின், கவுதம் மேனன்’ யார் ஆபத்தானவர்கள்?

இசைஞானி இளையராஜா மீதான அவதூறு!

இசைஞானி இளையராஜாவும் பகுத்தறிவாளர்களும்

இளையராஜா விமர்சனங்களுக்கு அப்பாற்பட்டவரா?

பெரியார் திரைப்படமும் இளையராஜாவும்

பார்ப்பன எதிர்ப்பா?இளையராஜா மீதான வெறுப்பா?

ஏ.ஆர். ரகுமானும் `ரீமிக்சும்`

‘எம்.எஸ்.வி., இளையராஜாப்போல் தேவிஸ்ரீ பிரசாத்’; கமல் பெருமிதம் – இது சும்மா தமாசு

ஈழமக்கள் துயரம்; திருப்பதிக்கு முடிச்சுப்போடடு வைக்கறதும், தேர்தலுக்கு ஓட்டுப் போட்டு வைக்கறதும் ஒன்னுதான்


லங்கை அரசால், இலங்கைத் தமிழர்கள் படுகொலை செய்யப்பட்டதை விசாரிக்க 13 மாதங்களுக்கு முன் அய்.நா அமைத்த நிபுணர் குழு, ‘இலங்கையில் ஒரு லட்சம் தமிழர்கள் கொல்லப்பட்டிருக்கிறார்கள்’ என்ற தகவலோடு அறிக்கையை அய்.நா.பொதுச் செயலர் பான் கீ மூனிடம் கொடுத்துள்ளது.

ராஜபக்சே அரசால், கொலை செய்யப்பட்ட தமிழர்களின் எண்ணிக்கை அதிகாரபூர்வமாகவே நாளுக்கு நாள் அதிகரித்துக் கொண்டே வருக்கிறது.

இந்தச் சூழலில், ஈழத் தமிழர்களின் பிணங்களின் மீது நடந்த இரண்டாவது தேர்தலில், தமிழகத் தமிழர்கள் இதுகாறும் இல்லாத அளவிற்கு  எந்த அசம்பாவிதமும் இல்லாமல் அமைதியாக 80 சதவீதபேர் வாக்களித்துள்ளனர். (இந்த வேகம்கூட ஈழ மக்களின் துயரங்களுக்காக அல்ல.)

பிரச்சினைகளுக்கு தீர்வாக தமிழர்கள் எப்போதும் இரண்டு வழியை  நாடுகிறார்கள்.

ஒன்று கடவுள், இன்னொன்று தேர்தல்.

இந்த இரண்டும் எப்போதும் அவர்களுக்கு உதவியதில்லை என்று அனுபவரீதியாக உணர்ந்தும், மீண்டும் அந்த வழிகளையே தேர்தெடுக்கிறார்கள்.

பிரச்சினைகளை எதிர்த்து போராடுவதைவிட, இந்த இரண்டுவழிகளும் அவர்களுக்கு சுலபமாகவும், சுவாரஸ்யங்கள்கூடிய பொழுதுபோக்கு அம்சங்களுடன் இருப்பதாலும் இவைகளையே விரும்புகிறார்கள்.

நோய்வாய்ப்பட்ட குடும்ப உறுப்பினருக்கு, வெளியூருக்கு கூட்டிபோய் சிகிச்சை அளிப்பதற்கு கணக்குப் பார்க்கிற அல்லது ‘அட யார் போய் கஷ்டப்படறது’ என்று அலுத்துக்கொள்கிற தமிழர்கள், ஆன்மீக சுற்றுலா செல்வதற்கு தயங்க மாட்டார்கள்.

ரேஷன் கடைகளில் கிடைக்காத பொருள்களுக்காகவும், விலைவாசி உயர்வையும் எதிர்த்து போராட முன் வராத தமிழர்கள், சபரிமலைக்கு சென்று நெரிசலில் சிக்கி சாவதை பொருட்படுத்த மாட்டார்கள்.

மழை நேர வெள்ளத்தில், வீட்டுக்குள் தண்ணீர் வராமல் இருக்க நடவடிக்கை எடுக்கக்கோரி, அரசை எதிர்த்து போராடினால், ‘போலிஸ், ஜெயிலுன்னு போன என் பொழப்பே போயிடும்’ என்று தயங்குகிற தமிழர்கள், வெள்ள நிவாரண நிதி வாங்குகிற கூட்டத்தில் சிக்கி உயிரையே போக்கிக் கொள்கிறார்கள்.

சுனாமியின் போது வேளாங்கண்ணி மாதக்கோயிலின் சுவற்றில் மோதியே நூற்றுக்கணக்கானவர்கள் மாண்டார்கள். மாதாவுக்கு மகிமை இல்லை என்று தெரிந்தும், தங்கள் மன்றாடுதலை நிறுத்துவதில்லை தமிழர்கள்.

நோயுற்றபோது, திருப்பதிக்கும், வேளாங்கண்ணிக்கும் வேண்டிக்கொள்வதுபோல், விலைவாசி உயர்வின்போதும், ‘வரட்டு்ம் தேர்தல்’ என்று வஞ்சம் கொள்கிறார்கள். பிறகு திருப்பதிக்கும், வேளாங்கண்ணிக்கும், நாகூருக்கும்ம் போய் வந்த பிறகும் என்ன நடந்ததோ,அதுவேதான் தேர்தல்களுக்கு பிறகும நடக்கிறது.

அவர்களின் நம்பிக்கை ‘மூடநம்பிக்கை’ என்று நிரூபிக்கப்பட்ட பிறகும் ‘அது மூடநம்பிக்கை’ என்று அவர்கள் ஒத்துக்கொள்ளத் தயாரக இல்லை. ஒததுக்கொண்டால் அதை அவர்கள் மாற்றிக் கொள்ள வேண்டிவருமே.

இந்த மனோபாவம் கொண்டதினால்தான் நாமும், நம் கண் முன்னே நம் தமிழர்கள் இலங்கையில் கொலை செய்யப்பட்டபோது, அனுதாபம் பட்டுக் கொண்டோம்.

பக்தர்கள் பிரச்சினைகளுக்கு கடவுளை சரணாகதி அடைவதைப்போல், நம் கோபத்தையும், வீரத்தையும் கருணாநிதி ஆதரவு, ஜெயலலிதா ஆதரவு என்று கோஷ்டியாக பிரிந்து ஓட்டுக் கேட்டு, ஓட்டு போட்டோம். இந்திய தேசியத்தை பாதுகாத்தோம்.

‘அப்படி செயல்படுவதுதான் நமக்கு பாதுகாப்பனது. நம் அரசியல் எதிர்காலத்திற்கும் நல்லது.’ என்கிற ஒர் உள்குத்தும் உடன் இருந்தது.

ஆனால், ஈழத் தமிழர்களுக்கு…?

ஒரு ரவுடி, சமூக விரோதி அவன் கொலைசெய்யப்பட்டால்கூட, அவன் இருந்த பகுதியில் கடையடைப்பும், வன்முறையும் நடக்கும். இயல்பு வாழ்க்கை நிலைகுலையும்.

ஆனால், நம் தமிழர்கள் மீது விமான தாக்குதல் நடத்தி குவியலாக கொன்றபோதும் சரி, நம் போராளிகளையும் அதன் தலைவர்களையும் நம்ப வைத்து சதி செய்து கொலைசெய்த போதும் சரி, நாம் குமுறி, குமுறி அழுதிருக்கிறோம். பிறகு, முறைப்படி காவல் துறையிடம் அனுமதி பெற்று அனுமதி மறுத்தால் நீதி மன்றத்தை நாடி ‘போராட்டங்களை’ நடத்தியிருக்கிறோம்.

எம்.ஜி.ஆர், ஆட்சிக்காலத்தில் அரசைக் கண்டித்து எதிர்க்கட்சிகள் பந்த் அறிவித்தால், “ஆளும் கட்சியும் பந்தில் கலந்து கொள்ளும்” என்று எம்.ஜி.ஆர் செய்த திட்டமிட்ட கோமளித்தனங்களைப்போல், ஈழப் பிரச்சினை, மீனவர் மீது தாக்குதல் இவைகளுக்காக நம் போராட்ட முறைகளிலேயே மத்திய அரசை கண்டித்து காங்கிரஸ் கூட்டணி அரசும் ஆர்ப்பாட்டம் நடத்துகிறார்கள்.

ஆனால், அதற்கு மாற்றாக ஈழத்தமிழர்களின் படுகொலையை முன்னிறுத்தி, இந்திய அரசை கண்டித்து, சட்டம் ஒழுங்கை சீர்குலைப்பது, பொது அமைதிக்கு பங்கம் விளைவிப்பது போன்ற வன்முறையான செயல்களில் நாம் ஒருபோதும் ஈடுபட்டதில்லை. எதையும் சட்டப்படி செய்து சட்டம் ஒழுங்கை பாதுகாத்திருக்கிறோம். எப்போதும் இல்லாத அளவிற்கு ஈழத்தமிழர்களின் உச்சகட்ட துயரத்தின் போதுதான் தமிழகம் அமைதிபூங்காவாக திகழ்ந்தது. திகழ்கிறது. அமைதிப்பூங்காவாக தொடர்ந்து தமிழகம்  முதலிடத்தில் இருப்பது தமிழர்களுக்கு அவமானம்.

ஆனால், இன்னொருபுறம். சட்டம் ஒழுங்கை பாதுக்காக்கவே பிறந்தவர்களாக சொல்லிக்கொள்கிற காந்தியவாதிகளான காங்கிரஸ்காரர்கள், நாம் செய்ய வேண்டிய போராட்டங்களை அவர்கள் செய்கிறார்கள்; சத்தியமூர்த்திபவனை அடித்து நொறுக்குவது, சட்டம் ஒழுங்கை சீர்குலைப்பது என்று, இரண்டு பேர்களை எதிர்த்து, இரண்டே பேர்கள் போராடுகிறார்கள். (மொத்தமே நாலுபேர்தான். அதுக்கு பேரு உட்கட்சி சண்டையாம்.)

ஒப்பிட்டளவில் காங்கிரஸ்காரர்களைவிட ஈழஆதரவாளர்கள் அதிகம் பேரை கொண்ட நாம்…? காங்கிரஸ்காரர்களையே மிஞ்சும் அளவிற்கு கோஷ்டிகளாக பிரிந்து, தமிழர்களின் ஒற்றுமைக்கு அழைப்புவிடுத்தோம். அதன் விளைவாக,

ஈழ மக்களின் துயரங்களின்போது தமிழகம் மவுனமாக தனது மயான அமைதியைதான் ஆறுதலாக தந்ததது. அதனால்தான் இன்று ஈழமே சுடுகாடாக காட்சியளிக்கிறது.

காங்கிரஸ்காரர்கள் கோஷ்டிகளாக பிரிந்து இருப்பது, ஒவ்வொருவரும் தனக்கான முக்கியத்துவத்தைக் கருதியும், தன்னை முன்னிலைப்படுத்திக்கொள்ளவேண்டும் என்பதே. அதுவேதான் ஈழ ஆதரவாளர்களான நமக்கும் என்று நினைக்கும்போது, ‘ச்சீ… காங்கிரஸ்காரர்களைவிடவா நாம் மோசமானவர்கள்’ என்கிற அருவருப்பான எண்ணமே ஏற்படுகிறது.

முத்துக்குமார் என்கிற வீரன் மூட்டிய தீயை, பெரும் நெருப்பாக பற்றவைப்பதற்கு பதில் அதில் குளிர்காய்ந்தவர்களே ஏராளம்.

ஈழ மக்களுக்கு ஆதரவான போராட்டங்களில் மிக குறிப்பிடத்தக்கது, கோவையில் பெரியார் திராவிடர் கழகத் தோழர்கள் நடத்திய, ‘ஆயுதங்கள் நிறைந்த ராணுவ வாகனம் மீதான தாக்குதல்’ போராட்டம் தான். அதுபோன்ற போராட்டங்களை நாம் தொடர்ந்து தமிழகம் முழுவதும் நடத்தியிருந்தால், ஈழத் தமிழர்களை காப்பாற்றி இருக்கலாம். தமிழீழப் போரட்டமும் தொடர்ந்து இருக்கும்.

மாறாக, வயிற்று வலி தீர, திருப்பதிக்கு வேண்டிகொண்டு தீர்வு காண முயற்சித்த பக்தர்களைப்போல், பழிதீர்ப்பதாக சவால் விட்டு, பிறகு வின்னர் பட வடிவேலுவைப் போல் சுருதி குறைத்து, தேர்தலில் பதுங்கி கொண்டோம்.

 இலங்கை, இந்திய அரசுகள் மூடிமறைத்தபோதும், ‘ஒரு லட்சம் தமிழர்கள் கொல்லப்பட்டிருக்கிறார்கள்’ என்கிற செய்தி அதிகாரபூர்வமாகவே அறிவிக்கப்பட்டிருக்கிறது.

என்ன செய்யப்போகிறோம் நாம்?

பிரச்சினைகளுக்குத் தீர்வாக, திருப்பதிக்கு முடிச்சுப்போடடு வைக்கறதும், தேர்தலுக்கு ஓட்டுப் போட்டு வைக்கறதும் ஒன்னுதான். காரணம் அது தீர்வல்ல, பிரச்சினையே அதுதான்.

தொடர்புடயவை:

முத்துக்குமாரிடம் இருந்து நாம் பெற்றுக் கொள்ள வேண்டியது, தீக்குளிப்பை அல்ல; ‘தீ’ யை

ஈழத்தமிழரை பலியிட்டு ‘தேர்தலோ தேர்தல்’

ஈழத்தமிழர்களின் துயரம் தமிழின உணர்வாளர்களை அம்பலப்படுத்தியது

தமிழர்களின் எழுச்சி ஊர்வலத்திலிருந்து நேரடி பேட்டி

பெரியார் திராவிடர் கழத்தினர் மீதான திமுக அரசின் ஒடுக்குமுறையும்-ஈழத்தாயும்

‘எரியிற வீட்ல புடுங்கன வரைக்கும் லாபம்’ இதுதாண்டா தமிழ் பத்திரிகை – தமிழர்களுக்கு ஆதரவாக சிங்களவர்களும், எதிராக துரோகத் தமிழர்களும்

தமிழனின் ஊடகங்களும் தமிழர்ளை கொலை செய்கிறது

பிரபாகரன் இருக்கின்றாரா? இல்லையா?

பிரபாகரன்-‘ஊடகங்கள் செய்கிற கொலைகள்’-சிங்கள ராணுவம்போல் கொடுமையானவர்கள்

யார் தமிழனவிரோதி? அல்லது, கிராமம் என்பது தமிழர் அடையாளமா? ஜாதி வெறியின் கோட்டையா?

கொலைகாரனே கூக்குரலிடுகிறான்-சிங்கள ராஜபக்சேவின் தமிழ் உணர்வு

‘மவுனத்திற்கு’ பின் ‘சம்மதமாக’ மறைந்திருப்பது அம்பேத்கர் மீதான வெறுப்பே

ஜாதி வெறியர்கள், சமூக விரோதிகள்,  கிறிஸ்துவ (தலித் அல்லாத)  இந்து  மத வெறியர்கள் போன்ற பிற்போக்காளர்களால் கடுமையாக நேரடியாக வெறுக்கப் படுகிறவரும், இந்தக் கும்பல் என்ன காரணங்களுக்காக வெறுக்கிறதோ, அதே காரணத்திற்காகவே பல முற்போக்காளர்களாலும் புறக்கணிக்கப்படுகிறவர் அநேகமாக இந்தியாவில் டாக்டர் அம்பேத்கர் மட்டுமே.

தலித் விரோதம் கொண்ட, ஜாதி வெறியர்களின் அம்பேத்கர் மீதான வெறுப்பை, சிலை உடைப்பு  போன்ற நடவடிக்கைகளால், நேரடியாக உணர முடிகிறது. ஆனால், இந்த முற்போக்காளர்களின், இலக்கியவாதிகளின் அம்பேத்கர் புறக்கணிப்புதான் மிக நுட்பமானதாக, அவர்களைவிட ஆபத்தானதாக இருக்கிறது.

‘அம்பேத்கரின் கருத்துக்களில் எங்களுக்கு உடன்பாடில்லை’ என்று அம்பேத்கரை விட தங்களை மிக முற்போக்கானவர்களாக சொல்கிறவர்கள், இன்னொருபுறம் கை தேர்ந்த சந்தர்ப்பவாதிகளையும், பிற்போக்காளர்களையும், ஜாதி வெறியர்களையும் ஆதரித்து தங்களை அம்பலப்படுத்திக் கொள்கிறார்கள்.

‘தலித் அல்லாதவர்களிடமும் அம்பேத்கரை கொண்டு சேர்க்க வேண்டும்’ என்று ஒரு புறம் முயற்சி செய்து கொண்டு இருக்கும்போதே, இன்னொரு புறம் அம்பேத்கரை தலித் மக்களிடம் இருந்தே அப்புறபடுத்துகிற வேலையும் அதிகமாக நடந்து கொண்டுதான் இருக்கிறது.

அம்பேத்கரின் இந்து மத எதிர்ப்பை போலவே, அவரின் கிறிஸ்ததுவ புறக்கணிப்பும் மிக முக்கியமானது. இந்தியாவில் கிறிஸ்த்துவ மதமாற்றத்தில் தலித் மக்களின் பங்களிப்பு மிக அதிகமானது. தலித் மக்களிடம் அம்பேத்கரின் எழுச்சி உருவாக்கி இருக்கிற அலை, அம் மக்களை இந்து மத எதிர்ப்புற்கும், கிறிஸ்த்துவ புறக்கணிப்புக்கும் தான் கொண்டு செல்லும்.

இந்து மத எதிர்ப்பை ஆதரிக்கிற அல்லது  ஒத்துக் கொள்கிற கிறிஸ்துவ நிறுவனங்கள் மற்றும்  அவைகளிடம் பணம் வாங்கி சேவை செய்கிற என்.ஜி.ஓ அமைப்புகள் ஒரு போதும் தலித் மக்களின் கிறிஸ்த்துவ புறக்கணிப்பை ஒத்துக் கொள்ளாது. பல தலித் அல்லாத கிறிஸ்துவ அறிவாளிகள்கூட அம்பேத்கரின் கிறிஸ்த்துவ புறக்கணிப்பை பற்றியும் அவரின் பவுத்தம் குறித்தும் மவுனம்தான் காக்கிறார்கள். அவர்களின் அந்த ‘மவுனத்திற்கு’ பின் ‘சம்மதமாக’ மறைந்திருப்பது அம்பேத்கர் மீதான வெறுப்பே.

தமிழர்களுக்கு எதிராக ராஜாபக்சே தலைமையில் சிங்கள இனவாதம் கொலைவெறியில் செயல்பட்டபோது, அதோடு பவுத்தத்தை முடிச்சு போட்டு ‘பவுத்த மதவெறி’ என்று சபித்த, தலித் அல்லாத கிறிஸ்த்துவ முற்போக்காளர்கள்;

ஈராக் மக்களுக்கு எதிரான வன்முறையை நிகழ்த்திய புஷ், ‘இது இஸ்லாமுக்கும் கிறிஸ்த்துவத்திற்குமான போர்’ என்று பகிரங்கமாக அறிவித்து தனது ஏகாதிபத்திய வெறிக்கு கிறிஸ்த்துவர்களிடம் ஆதரவு திரட்ட முயற்சித்து, ஈராக் மக்கள் மீது கொலைவெறி தாக்குதலை செய்தான்.

ராஜபக்சேவோடு இணைத்து பவுத்தத்தை சபித்த, தலித் அல்லாத கிறிஸ்த்துவ அறிவாளிகள்,  கிறிஸ்த்துவத்துடன் முடிச்சு போட்டு, இது கிறிஸ்ததுவ மதவெறி என்று கொந்தளிக்கவில்லை. அதை மட்டும் தெளிவாக, சரியாக அமெரிக்க ஏகாதிபத்தியத்தின் வன்முறையாக உணர்ந்துதான் அதை கண்டித்தார்கள்.

இந்த நடவடிக்கைகளில் அம்பலமானது தலித் அல்லாத கிறிஸ்த்துவர்களின் மதவெறி மட்டுமல்ல; பவுத்த வெறுப்பின் வழியாக அம்பேத்கரின் மீதான காழ்ப்புணர்ச்சியும்தான்.

அம்பேத்கரின் நூற்றாண்டுக்குப் பின் தாழ்த்தப்பட்ட மக்களிடம் ஏற்பட்ட எழுச்சி, பல இந்து ஜாதி வெறியர்களை அச்சம் கொள்ள செய்தது போலவே, கிறிஸ்த்துவ நிறுவனங்களிடமும் பதட்டத்தை ஏற்படுத்தியது. அதன் விளைவாக டாக்டர் அம்பேத்கரால் சொல்லப்பட்ட தத்துவங்களுக்கு மாற்றாக அல்லது அம்பேத்கரியத்திற்கு எதிராக ‘தலித்தியம்’ என்று ஒன்று நிறுவப்பட்டது.

அதன் செயல்பாடுகளில் ஒன்றாக இந்தியா முழுக்க டாக்டர் அம்பேத்கருக்கு எதிராக, தலித் உட்ஜாதிகளுக்குள் இருக்கிற தலைவர்களை குறிப்பாக தன் ஜாதியை மட்டும் முன்னிலைப் படுத்திய,  மற்ற தலித் சமூகங்களை புறக்கணித்து ‘அவர்களை விட எங்கள் ஜாதிதான் உயர்வானது’ என்று சுயஜாதி உணர்வை ஊட்டிய தலைவர்களை  அடையாளப்படுத்தி அம்பேத்கர் இடத்தில் நிறுவும் வேலைகளும் தீவிரமாக நடந்தது. நடந்து வருகிறது.

இதன் வளர்ச்சியாக இப்போது; ஜாதி இந்துக்கள், ஜாதி கிறிஸ்த்துவர்கள், தலித் விரோதிகள்;  தலித் உட்ஜாதி தலைவர்களை,  அம்பேத்கருக்கு எதிராக, மாற்றாக தலித் மக்களிடமே பரிந்துரைக்கிறார்கள். காரணம், இவர்களுக்கு அந்த உட்ஜாதி தலித் தலைவர்கள் மீது கொண்ட அன்பல்ல, டாக்டர் அம்பேத்கர் மீது கொண்ட வெறுப்புணர்ச்சியே.

இதுபோல் டாக்டர் அம்பேத்கருக்கு எதிராக, தன் கையைக் கொண்டே தன் கண்ணை குத்தவைக்கிற முயற்சி இந்தியா முழுக்க தாழ்த்தப்படட மக்களிடம் தீவிரமாக நடந்து வருகிறது. இவர்களின் நோக்கம், வெளித்தோற்றத்தில் நிரம்ப முற்போக்கான வடிவம் கொண்டாலும், உள்ளே அழுகி நாறுவது ஜாதிவெறியும் தலித் விரோதமும்தான்.

இன்று இந்தியா முழுக்க இனவாதம் பேசுகிறவர்களின் ஒப்பற்ற முன் மாதிரி, ‘மராட்டிய மண் மராட்டியர்களுக்கே’ என்று  முழுங்குகிற பால்தாக்ரே என்கிற பயங்கரவாதிதான்.

இன்றைய இனவாத தத்துவத்தின் வாழும் தெய்வம், கிழட்டு நரி பால்தாக்ரே, தமிழர்களுக்கு எதிராக, இந்திக்காரர்களுக்கு எதிராக பல வன்முறைகளை நடத்தியிருக்கிறார். ஆனால், மாராட்டிய மாநிலத்தையே பற்ற வைத்து, ஸ்தம்பிக்க வைத்த வன்முறையை பல ஆண்டுகளுக்கு முன் நடத்தினார். அது போன்ற வன்முறையை அதற்கு முன்னும் பின்னும் இப்போதும் நடத்தியது இல்லை.

அது, ‘மராட்டிய மண் மராட்டியர்களுக்கே’ என்பதற்கான போராட்டம் அல்ல; மராட்டியத்தில் உள்ள மரத்வாடா பல்கலைகழகத்திற்கு, மராட்டிய மண்ணின் மைந்தன் உலகம் வியக்கும் அண்ணல் அம்பேத்கரின் பெயரை வைத்ததற்கு எதிர்ப்பு தெரிவித்து நடந்த வன்முறை.

நெருக்கிப் பிடித்தால் ‘மண்ணின் மைந்தர்கள்’ ஜாதியின் மைந்தர்களாக, தலித் விரோதிகளாகத்தான் பிதுங்குகிறார்கள்.

அப்பட்டமான ஜாதி வெறியர்களை மட்டுமல்ல, நுட்பமான ஜாதி உணர்வாளர்களையும் அம்பலப்படுத்துவதற்கு அண்ணல் அம்பேத்கரைவிட கூரிய அறிவாயுதம் வேறு எது?

டாக்டர் அம்பேத்கரின பிறந்த நாளான இன்று அவரின் சிந்தனை வழிகளில் ஜாதி ஒழிப்பிற்கான போராட்டத்தை தொடர்ந்து செய்வோம். மிக குறிப்பாக தலித், தலித் அல்லாத முற்போக்காளர்கள், ஜாதி வெறியர்களிடம் டாக்டர் அம்பேத்கரை கொண்டு சேர்ப்பது மிக முக்கியமானது மட்டுமல்ல, சவாலனதும்கூட.

அந்த சவாலை தொடர்ந்து செய்வோம்.

தொடர்புடையவை:

`தலித்துகள்’ என்று சொல்வது தவறு

வன்கொடுமை தடுப்புச் சட்டமும் பிற்படுத்தப்பட்டவர்களும்

‘இந்த நூலை எழுதுவதற்கு எனக்கு என்ன தகுதி இருக்கிறது

என்பதற்கு இந்த நூலே சிறந்த சான்றாகும்.’

அம்பேத்கர் என்னும் ஆபத்து
 
முற்போக்காளர்களின் ஜாதி உணர்வை தொடர்ந்து அம்பலப்படுத்துவோம்
 
அம்பேத்கர் திரைப்படம்: முற்போக்காளர்களின் முகத்திரையும், த.மு.எ.ச வின் தந்திரமும்

டாக்டர் அம்பேத்கர் திரைப்பட வெளியீடு பற்றிய குற்றச்சாட்டும்; தமுஎசவின் விளக்கமும்

அம்பேத்கர் திரைப்படம் வெளியாகமல் இருக்க திட்டமிட்ட சதி
*
ஆஸ்கர் ரவியின் சகோதரர் அம்பேத்கர் படத்தை முடக்கினாரா?
*
60 லட்சத்தை எடுத்து வச்சிட்டு, அம்பேத்கர் படத்தை எடுத்துக்கிட்டுபோ…
*
 
டாக்டர் அம்பேத்கர் T-shirt ஏன் அணியவேண்டும்?
*
‘அம்பேத்கர் திரைப்படத்தை உடனடியாக வெளியிடு’-பெரியார் தொண்டர்களின் போராட்டம்

‘போக்குவரத்துக் கழகத்திற்கு டாக்டர் அம்பேத்கர் பெயரை வைக்க வேண்டும்.’ – நீதிபதி சந்துரு அவர்களுக்கு நன்றி

இயக்குநர் மகேந்திரனின் கதாநாயகிகள் மற்றும் அவர் படங்களை திரும்ப எடுத்த மணிரத்தினம், வசந்த்


சிறந்த படங்களை எடுத்த இயக்குநர் மகேந்திரனை குறித்தோ அவர் படங்களை குறித்தோ இதுவரை ஒரு இடத்தில் கூட நீங்கள் குறிப்பிடவில்லையே ஏன்?

-பிரேமா, சென்னை.

திட்டமிட்ட காரணங்கள் ஒன்றுமில்லை.

ஒப்பீட்டளவில் இயக்குநர் மகேந்திரனின் படங்கள் பாலச்சந்தர், மணிரத்தினம் இவர்களின் படங்களை விட சிறந்த படங்கள்தான்.  உள்ளடக்கத்தில் மட்டுமல்ல, வடிவத்திலும்கூட. விடலைத்தனமான சேஷ்டைகள் செய்து கொண்டு இருந்த ரஜினிகாந்தை, சிறந்த நடிகராக காட்டியதும் இவர்தான்.

இவரின் நெஞ்சத்தைக் கிள்ளாதே படத்தைதான் மணிரத்தினம் மவுனராகமாக மாற்றி எடுத்தார். அதேபோல், இவரின் உதிரிப்பூக்களில் வந்த, அதே நோய்வாய்ப்பட்ட மனைவி, பரிதாபத்திற்குரிய மாமனார், துள்ளும் இளமையுடன் கூடிய மச்சினச்சி அவளை இரண்டாம் தாரமாக்க துடிக்கும் அக்காள் கணவன் என்று வசந்தின் ‘ஆசை’ City based உதிரிப்பூக்களாக வந்தது.

முற்போக்காக எதையும் இயக்குநர் மகேந்திரன் சொல்லவில்லை என்பதைவிட, அவர் ஆபத்தான எதையும் சொல்லவில்லை என்பதே மரியாதைக்குரியதுதான்.

ஆனாலும், அவர் படங்களில் இழுத்துப் போர்த்தி, அதிர்ந்து ஆண்களோடு நேருக்கு நேர் பேசாத, எதையும் அமைதியாக பொறுத்துக் கொள்கிற ‘குடும்ப பாங்கான’ பெண்கள்தான் முன்மாதிரியான பெண்கள் என்ற கருத்தை அநேகமாக தனது எல்லா படங்களிலும் பதிவு செய்திருக்கிறார்.

அவரின் முதல் படமான முள்ளும் மலரும் ஷோபா, உதிரிப்பூக்கள் அஸ்வினி, ஜானி ஸ்ரீதேவி, நெஞ்சத்தைக் கிள்ளாதேயில் சரத்பாபுவின் இரண்டாவது மனைவி, அதேப் படத்தில் திருமணத்திற்கு பிறகு சுகாசினியின் மாற்றம், கண்ணுக்கு மை எழுது சுஜாதா, மெட்டி விஜயகுமாரி, நண்டு பட நாயகி இப்படி…

இவைகளுக்கு துணையாக விட்டோத்தியாக மற்றும் வெளிப்படையாக பேசுகிற பெண்களை துணைநாயகிகளகாத்தான் காட்டியிருக்கிறார்;  முள்ளும் மலரில் படாபட் ஜெயலட்சுமி, உதிரிப்பூக்களில் அஸ்வினியின் தக்கச்சி, கை கொடுக்கும் கையில் ராஜலட்சுமி.

இந்தக் கதாபாத்திரங்களை, திரைக்கதையில் கொஞ்சம் வேகம் கூட்டுவதற்கும், கலகலப்புக்காகவும் செய்திருக்கலாம்; அல்லது அமைதியான கதாநாயகிகள் மூலம் சொல்ல முடியாத செய்தியை, அவர் சார்பில் இந்த கதாபாத்திரங்கள் வழியாக சொல்வதற்காகவும் உருவாக்கப்பட்டிருக்கலாம். மற்றபடி அவர் முன்னிலைப் படுத்தியது, அடக்க ஒடுக்கமான அதிர்ந்து பேசாத பெண்களைத்தான்.

இன்றைய இளம் இயக்குநர்கள் ‘தரமான’ படம் எடுப்பது குறித்து அதிகம் பேசுகிறார்கள். அதிகம் பேசாமல், உதிரி்ப்பூக்கள் போன்ற குறிப்பிடத்தக்க படங்களை எடுத்தவர் இயக்குநர் மகேந்திரன்.

*

2011 தங்கம் ஏப்ரல் மாத இதழில் வாசகர் கேள்விக்கு நான் எழுதிய பதில்.

தொடர்புடையவை:

இயக்குநர் ஸ்ரீதர், எம்.ஆர்.ராதா, கே.பாலச்சந்தர், எம்.ஜி.ஆர் – இது ஒப்பீடல்ல

‘முஸ்லீம் என்றால் தீவிரவாதி’-தமிழ் சினிமாவின் மோசடி

எம்.ஜி.ஆர், கண்ணதாசன் – சத்தியராஜ், மணிவண்ணன் – பாக்கியராஜ், சேரன் – பாலா; இவர்களில்…?

பக்திப் படங்களின் மதநல்லிணக்கமும்; சமூகப் படங்களின் மதவெறியும்

கண்ணீர் காசாகிறது-இது கதையல்ல.. நிஜம்

‘ரஜினி, விஜய் – மிஷ்கின், கவுதம் மேனன்’ யார் ஆபத்தானவர்கள்?

கமல்ஹாசன், மணிரத்தினத்தை விட டி.ராஜேந்தரும் ராமராஜனும் முற்போக்கானவர்கள் 3

இயக்குநர் சேரனின் சிந்தனை; கேலிக்குரியது மட்டுமல்ல…

பேராண்மை’ -‘முத்துக்களை எடுத்து பன்றிகளின் முன் போடாதீர்கள்’

‘பேராண்மை’- சென்சாரின் சிறப்பு

‘விஜயகாந்த் – சோ‘ கார்ட்டூன்

திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம் ஏப்ரல் மாத இதழில் வெளியான கார்ட்டூன்

தொடர்புடையவை:

புரட்சிக்கலைஞர் – ‘இது என்ன தமிழ்நாட்டுக்கு வந்த சோதனை’

தமிழர்களின் துயரமும் விஜயகாந்தின் குல்லாவும்

no comments

No Problem

‘ரஜினி, விஜய் – மிஷ்கின், கவுதம் மேனன்’ யார் ஆபத்தானவர்கள்?

இன்று புதிய இளம் இயக்குநர்கள் சினிமாவில் தரமான படங்களை தந்து கொண்டு இருக்கிறார்கள். ஆனாலும் ரஜினி, விஜய் போன்றவர்களின் படங்கள் அவைகளை காலி செய்துவிடுகிறதே?

-ssk, சென்னை-10

ரஜினி, விஜய் இவர்களைவிட இந்த சினிமாவை திருத்த வந்திருக்கிற இந்த சீர்திருத்த இளம் இயக்குநர்களை நினைச்சாதான் நமக்கு அடிவயித்த கலக்குது.

இவுங்க சினிமா மொழியை பத்தி சிலாகிச்சி பேசுறாங்க… அதெல்லாம் நல்லதான் இருக்கு. ஆனால், அவுங்களோட சொந்தக் கருத்து இருக்கு பாருங்க…  பார்ப்பனிய இந்துக் கண்ணோட்டமும் அனைத்து விதமான ஆதிக்கத்தையும் ஆதரிக்கிற பிற்போக்கு நிறைந்த பயங்கரவாதமா இருக்கு.

இவர்களுக்கும், ‘நவீன பாணி சினிமா’ என்ற பெயரில் இஸ்லாமியர் எதிர்ப்பு படங்களை எடுத்த மணிரத்தினத்திற்கும்; ஒரு சின்ன வித்தியாசம்தான்;

ஒரு படத்தில் வடிவேலுவைப் பாத்து மனோபாலா சொல்லுவாரே:  ‘அவன் பயங்கர கருப்பா இருப்பான். நீ கருப்பா பயங்கரமா இருக்கே’ என்று, அது போன்ற வித்தியாசம்தான்.

ஆள் கடத்தல், பாலியல் வன்முறைகளில் ஈடுபடுகிற போலிஸ்காரர்கள் செய்கிற கொலைகளை நியாயப்படுத்தி, அவர்களை தியாகிகளை போல் காட்டுகிற கவுதம் மேனன், மிஷ்கின் – இஸ்லாமியர்களை தீவிரவாதிகளாக காட்டுகிற ராதாமோகன், இவர்களின் படங்களைவிட ரஜினி படமும், விஜய் படமும் எவ்வளவோ பரவாயில்லை.

விட்டா, இந்த சீ்ர்திருத்த செம்மல்கள், இலங்கை ராணுவத்தின் கொலைவெறியைக்கூட நியாப்படுத்தி படம் எடுத்தாலும் எடுப்பார்கள்.

ஆமாம், ரீட்டமேரியையும், வீரப்பனுககு எதிரான நடவடிக்கை என்ற பெயரில், மலைவாழ் பெண்களையும் இன்னும் தாழ்த்தப்பட்ட மிக எளிய பெண்களையும் வன்புணர்ச்சி செய்து கொலையும் ஆள் கடத்தலும் செய்த போலிஸ்காரர்களை, தியாகிகளாக காட்டுகிற இவர்கள், ராஜபக்சே ராணுவத்தின் கொலைவெறியை நியாயப்படு்த்தி படம் எடுப்பதற்கு எல்லாத் தகுதிகளும் நிறைந்தவர்கள்.

இவர்கள் படங்களோடு ஒப்பிடும்போது, ‘சரோஜா“ படத்தை ‘புரட்சிகர’ படம் என்றே சொல்லலாம்; அந்தப் படம், பொண்ண கடத்துனது பூரா போலிஸ் கும்பல்தான் என்று காட்டியது.

*

திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம் 2011 ஏப்ரல் மாத இதழில் வாசகர் கேள்விக்கு நான் எழுதிய பதில்.

தொடர்புடையவை:

கமல்ஹாசன், மணிரத்தினத்தை விட டி.ராஜேந்தரும் ராமராஜனும் முற்போக்கானவர்கள் 3

எம்.ஜி.ஆர், கண்ணதாசன் – சத்தியராஜ், மணிவண்ணன் – பாக்கியராஜ், சேரன் – பாலா; இவர்களில்…?

இயக்குநர் சேரனின் சிந்தனை; கேலிக்குரியது மட்டுமல்ல…

இயக்குநர் ஸ்ரீதர், எம்.ஆர்.ராதா, கே.பாலச்சந்தர், எம்.ஜி.ஆர் – இது ஒப்பீடல்ல

கோகோ கோலா, ரஜினி போன்றவைகளிடமிருந்து மக்களை போலிகள்தான் பாதுகாக்கிறது

ஆர்யாவின் திறமையான இன உணர்வும் – சரத்குமார், குகநாதனின் சலசலப்பும்

மக்கள் தலையில் குண்டு போடுறது புதுப்பட வி.சி.டி.யா? கமல்ஹாசன் அண்டு கம்பெனியா?

பெண்களின் ஆரோக்கியத்திற்கு தேவை, இலவசத் தாலி அல்ல; சானிடரி நாப்கின்தான்

பெண்களுக்கு திருமண உதவி திட்டம், தாலி, மிக்சி, கிரைண்டர் என்று தேர்தல் வாக்குறுதிகளாக திமுக, அதிமுக இரண்டும் போட்டி போட்டுக் கொண்டு அறிவித்திருக்கிறார்களே?

-என்.டி. சாமுவேல், திருநெல்வேலி.

ஆண்டுக் கொண்டு இருக்கிறவர்கள், ஆள விரும்புகிறவர்கள் இப்படி பெண்களுக்கு எதிரான வரதட்சிணையை ஊக்குவிப்பது போல், வாக்குறுதிகளை தருவது ‘பெண்ணடிமைத்தனத்தை பேணிக் காப்போம்’ என்ற உறுதியை தருவதாகத்தான் இருக்கிறது.

உண்மையில் கிராமப்புற, எளிய பெண்களுக்கு; அவர்களை அதிக சிரமப்படுத்துகிற, பலவீனமாக்குகிற மாதவிலக்கு நாட்களில் அவர்களுக்கு அவசியம் தேவைப்படுவது சானிடரி நாப்கினும், சத்துணவும்தான்.

பெண்களுக்கு ஏற்படுகிற இயற்கையான மாத சுழற்சியின் போது சானிடரி நாப்கின் பயன்படுத்துகிற படித்த, வசதியான, சுகாதாரமான சுழலில், அலுவலக வேலையில் இருக்கிற பெண்களே அதிக சிரமத்திற்கு உள்ளாவார்கள்.

ஆனால், கிராமப்புற மற்றும் நகர் புறத்தில் கூலி வேலை செய்கிற பெண்கள், மாதவிடாயின் போது சுகாதாரமான பராமரிப்பும், சத்துணவும், குறைந்த அளவில்கூட ஓய்வும் இல்லாமல், வெயிலும், மழையிலும் விவசாய வேலைகளிலும், சாலை பணிகளிலும் அவர்கள் படுகிற துயரம், நினைத்தாலே கண்ணீர் வர வைத்துவிடும்.

இது ஒரு அந்தரங்க பிரச்சினை என்பதால் வெட்ட வெளியில்  வேலை செய்கிற இடத்தில் கழிவரை வசதியோ, மறைவிடமோ இல்லததால், அதை நிவர்த்தி செய்வதற்கான வாய்ப்பு இல்லாமல், அவர்கள் படுகிற அவஸ்தை சொல்லி மாளாது.

சமீபத்திய ஒரு ஆய்வு, ‘இந்தியாவில் 12 சதவிதப் பெண்கள் தான் மாதவிடாயின் போது நாப்கின் பயன்படுத்துகிறார்கள். மீதமுள்ள 88 சதவிகிதம் பெண்கள் துணி, சாம்பல், தவுடு, உமி போன்றவற்றைப் பயன்படுத்தும் அவல நிலையில் உள்ளனர். இதன் காரணமாக அவர்களுக்கு இனப்பெருக்க பாதையில் நோய் தொற்றும் அபாயம் மிக அதிக அளவில் உள்ளது.

சாம்பல், தவுடு, உமி போன்ற சுகாதாரமற்ற முறைகளை பயன்படுத்துவதால், 12 முதல் 18 வயதுள்ள சிறுமிகள் ஒவ்வொரு மாதமும், மாதவிடாய் காலத்தில் 5 நாட்கள் பள்ளிக்குச் செல்வதில்லை. ஒரு வருடத்தில் 50 நாட்கள் பள்ளிக்கு போக முடியாத நிலை ஏற்படுகிறது. மாதவிடாய் காலத்தில் சுகாதரமற்ற சூழ்நிலைகளின் காரணமாக 23 சதவிகித பெண் குழந்தைகள் பள்ளிப் படிப்பை பாதியிலேயே நிறுத்தி விடுகிறார்கள்.’என்று கண் கலங்க வைக்கிறது அந்த ஆய்வு.

“மாதவிடாய் நேரத்தில் பெண்கள் மிகவும் Hygienic ஆக இருக்க வேண்டும். 2 தடவைக்கு மேல் குளிக்க வேண்டும். ஒரு நாளைக்கு 3 முறை நாப்கின் மாற்ற வேண்டும். அவ்வாறு செய்யாவிடில் அவர்களுக்கு சிறுநீர் பாதைக்குள் பாக்டீரியா நுழைவதும், கருப்பை பாதிப்பும் ஏற்படக்கூடும்“ என்கிறார்கள் மருத்துவர்கள்.

ஆனால், நாம் நாட்டின் 88 சதவீத பெண்களுக்கு நாப்கின் வாங்குவதற்குகூட பணம் இல்லை. பணம் இருந்தும் வசதியான சில கிராமப்புற் பெண்களுக்கு அதுகுறித்த விழிப்புணர்வு இல்லை.

உண்மையில் பெண்களின் நலனில், சமூக நலனில் அக்கறை உள்ள அரசு; பெண்களின் அடிமையின் அடையாளமான தாலியை வழங்காது. ஆரோக்கியத்திற்கு வழி செய்யும் வகையில் ‘சானிடரி நாப்கின்’ தான் வழங்கும்.

*

திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம் 2011 ஏப்ரல் மாத இதழில் வாசகர் கேள்விக்கு நான் எழுதிய பதில்.

தொடர்புடையவை:

சானிடரி நாப்கின்; நமது கருத்தும், அதிமுக அரசின் திட்டமும்

இலவச சானிடரி நாப்கின் திட்டம்: இந்தியாவிலேயே முதன்முறையாக

கடலை மன்னர்களின் உருவ வழிபாடு

பெண்களைப் புரிந்து கொள்ளவே முடியாது!

பெண்களுக்கான இடஒதுக்கீடு: தெய்வக் குத்தம்

ஈவ்டீசிங்

பாலியல் தொழிலா? விபச்சாரமா?

பாலியல் முதலாளி

‘பிராமணப் பெண்களை கேவலப்படுத்துகிறார்கள்’