அம்மாவின் கைப்பேசி: ஆனந்த விகடன்-குமுதத்தின் அவதூறு

அம்மாவின் கைப்பேசி படத்தைப் பற்றி ஆனந்த விகடன், ‘நாட் ரீச்சபல்’ என்றும் குமுதம் ‘பேலன்ஸ் இல்லை’ என்றும் எழுதியிருக்கிறது.

இது திட்டமிட்ட பச்சைப் பொய்.

அம்மாவின் கைப்பேசியில்..

‘பேட்டரியே இல்ல’

*

தொடர்புடையவை:

அவன்-இவன்; பாலாவின் ஜல்லிக்கட்டு

கமல்ஹாசனின் ‘விஸ்வரூபம்’; யாருக்கு எதிராய்?

‘பேராண்மை’ -‘முத்துக்களை எடுத்து பன்றிகளின் முன் போடாதீர்கள்’

பேராண்மை’- சென்சாரின் சிறப்பு

‘பேராண்மை’ அசலும் நகலும்

7 ஆம் அறிவு: நெற்றிக்கண்ணைப் போல் பயனற்றது, ஆபத்தானது; போதி தர்மன் தமிழனல்ல

7 ஆம் அறிவு தமிழர்களும் அவர்களின் 4 ஆம் ‘வர்ண’ உணர்வுகளும்

தருமபுரி ஜாதி வெறியர்களுக்கு எதிராக..

…..

தொடர்புடையவை:

தருமபுரி: தலித் மக்கள் மீது வன்னிய ஜாதி வெறி தாக்குதல்; மத்த ஜாதிக்காரர்கள் யோக்கியமா?

பிராமணாள் கபே: தலையில் பிறந்தவர்களா-தந்தை பெரியாரா?

ஷிவ்ராம் அய்யர்-சௌம்யா அய்யர்-Splendor அய்யர்: ஜாதியை ஒழிச்ச HERO

Splendor பறையர்; விளம்பரபடுத்த தயாரா? அல்லது Splendor அய்யருக்கு முடிவு கட்டிய பெரியார் தொண்டர்கள்

பாரதமாதா – தமிழ்த் தாய்: மூணாவது தெரு முக்குல குடியிருக்காங்க..

திராவிட இனம் என்ற ஒன்றே கிடையாது என்கிறார்களே இந்து அமைப்புகளும், தமிழ் உணர்வாளர்களும்?

-சாமுவேல், திருவாரூர்.

ஆரியர் என்ற இனம் இருப்பது உண்மையானால், திராவிடம் என்ற இனம் இருப்பதும் உண்மையே.

ஆரியர் என்ற அடையாளத்திற்குரியவர்கள் இந்தியா முழுக்க பிராந்திய அளவில் இருந்தாலும், அவர்கள் தங்களை ‘ஆரியர் என்று அழைக்காதீர்கள்’ என்று சொல்வதில்லை.

தமிழகத்திலும் ‘தமிழர்’ என்று தங்களை அழைத்துக் கொண்டாலும், அதற்கு ஒரு படி மேலே போய் பெருமையோடு தங்களை ‘ஆரியர்’ என்றே அடையாளப்படுத்திக் கொள்கிறார்கள், பாரதியைப் போல்.

இந்து மத சடங்குகளில், சமஸ்கிருத சுலோகங்களில். வேத வியாக்கானங்களில் தமிழ், தெலுங்கு, மலையாளம், இந்தி, மராட்டி இப்படி எந்த மொழி பேசுகிறவர்களாக இருந்தாலும், ஆரியர்களுக்குள் ஒர் ஒற்றுமை இருக்கத்தான் செய்கிறது.

தமிழ்நாட்டில்கூட வட்டார வழக்கைத் தாண்டி, தமிழகம் முழுக்க இருக்கிற ஆரியர்கள் எல்லோரும் ஒரே மாதிரியான ‘பார்ப்பன தமிழ்’ பேசுவது எப்படியோ அப்படி ஓர் ஒற்றுமை.

‘தமிழை’, ‘ஜாதி வழக்கு’ தமிழாக பயன்படுத்துகிற ஒற்றுமை வேறு எந்த ஜாதிக்காரர்களிடமும் கிடையாது. அவுங்க பேசுற தமிழைக் கேட்டவுடேனேயே அவர்களின் ஜாதியை அடுத்த நொடியே தெரிந்து கொள்ளலாம்.

அதற்குக் காரணம் சமஸ்கிருதத்தை மேன்மையான மொழியாக தமிழோடு கலந்து பேசுவதுதான்.

திராவிடர் என்பதற்கான முதன்மையான அடையாளம் சமஸ்கிருதம் கலக்காத தனித்தமிழ்தான். திராவிடர் என்பது இனம் அல்ல என்றால், நிச்சயமாக தமிழன் என்பதும் இனம் அல்ல. அது மொழியின் அடையாளம்.

ஆரியம் என்பது இனம். சமஸ்கிருதம் அதன் மொழி என்பதைபோல.

‘திராவிடர்’ அரசியில் பேசிய திராவிட இயக்கத்தவர்கள், அதனால்தான் தமிழை முதன்மை படுத்தினார்கள்.

பெரியாரிடம் இருந்து பிரிந்த திமுக காரர்கள், தமிழை சமஸ்கிருதம் போல் புனிதமாக்கினார்கள். இந்தி எதிர்ப்பின் வடிவமாக தமிழ் கூடுதல் புனிதம் பெற்றது.

‘தமிழை பழித்தவனை தாய் தடுத்தாலும் விடேன்’ என்ற மொழி சார்ந்த உணர்வு ரீதியான அரசியல் தீவிரமாக்கப்பட்டது.

திராவிடம் பேசியவர்கள், ‘திராவிடத் தாய்’ என்று சொல்லாமல், ‘தமிழ்த் தாய்’ என்று மொழியை முதன்மைப்படுத்தி அரசியல் செய்தார்கள்.

தமிழ்த் தாய் வாழ்த்தே கலைஞர் ஆட்சியில்தான் வந்தது.

ஒருமுறை திமுகவைச் சேர்ந்த சி.பி. சிற்றரசு மேலவை உறுப்பினராக இருந்தபோது இந்தியினால், தமிழ்த் தாய் சீரழிகிறாள், ‘தமிழ்த் தாய்.. தமிழ்த் தாய்’ என்று தொடர்ந்து பேசிக் கொண்டிருந்தபோது,

ஒரு காங்கிரஸ்காரர் குறுக்கிட்டு, ‘மூச்சுக்கு மூச்சு தமிழ்த் தாய் என்கிறீர்களே உங்கள் தமிழ்த் தாய் எங்கே தங்கி இருக்கிறாள்?’ என்று கேட்டாராம்.

அதற்கு சிந்தனை சிற்பி சிற்றரசு இப்படி பதில் அளித்தார்:

‘உங்க பாரதமாத வீட்டுக்கு பக்கத்து வீட்ல.’

*

திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம் அக்டோபர் 2012 மாத இதழில் வாசகர் கேள்விக்கு நான் எழுதிய பதில்.

தொடர்புடையவை:

‘திராவிட இயக்கம் மாயை’ டாக்டர் ராமதாஸ் கருத்து சரிதான்… ஆனால்..

‘இன்னுமா நம்பள ஊருக்குள்ள நம்புறாய்ங்க?’-அது அவுங்க தலவிதி

‘புலிக்கு பயந்தவன் எம்மேல வந்து படுத்துக்க’ பாமகவின் 3 வது அணி முயற்சி

டாக்டர் அம்பேத்கரின் தமிழ் உணர்வும்; முற்போக்காளர்கள், அறிஞர்கள், தமிழனவாதிகளின் ஜாதி உணர்வும்

தமிழ்த்தேசியம்+இந்திய தேசியம்=பெரியார் எதிர்ப்பு

‘ஜாதி உணர்வை தன் ஜாதிக்காரனிடமும், தமிழ் உணர்வை அடுத்த ஜாதிக்காரனிடமும் ஊட்டு’; இதுக்குப்பேர்தான் திராவிட எதிர்ப்பு

‘பெரியாரையே விமர்சிக்கிறாங்க… அப்பா…. பயங்கரமான ஆளா இருப்பாய்ங்க போல’

முஸ்லிம் பணம் குடுக்குறாங்களா.. எங்க?

நீங்க முஸ்லீம்கிட்ட பணம் வாங்குறிங்களாமே?

-பாலா, சென்னை.

எத சொல்றீங்க?

முந்தா நாளு என் நண்பன் சாகுல் ஒரு டீ வாங்கி கொடுத்தான். அத சொல்றீங்களா?

உங்கள மாதிரி எவ்வளவோ பேர் சொல்லித்தான் பாக்குறிங்க.. ஆனால், ஒரு முஸ்லிமும் அத  புரிஞ்சுக்க மாட்றாங்களே?

நமக்கும் ரொம்ப நெருக்கடியாதான் இருக்கு. எங்க குடுக்குறாங்கன்னு சொன்னா, நானே போய் வாங்கிக்கிறேன். கடனா கொடுத்தாலே போதும்.

(அன்பு தம்பி தங்க ஆசிரியர் ஷேக் மொய்தீன், நீயாவது எதாவது கவனியம்பா..)

*

திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம் அக்டோபர் 2012 மாத இதழில் வாசகர் கேள்விக்கு நான் எழுதிய பதில்.

தொடர்புடையவை:

‘நாய் நக்கித்தான் குடிக்கும்’ – அப்போ சிங்கம் என்ன சொம்புல மொண்டா குடிக்கும்?

யாரையும் விட மாட்டீர்களா?

ஜாதி வெறியர்களுக்கு ரத்தக் கொதிப்பை ஏற்றும் திராவிடர் கழகம்; ‘இப்ப என்னா பண்ணுவ?’

ஜாதி மறுப்பு திருமணங்களுக்கு எதிராக, குறிப்பாக தாழ்த்தப்பட்ட சமூகத்தைச் சேர்ந்த ஆண், ஜாதி இந்து பெண்ணை திருமணம் முடித்தால் வெறிகொள்கிறார்கள் சூத்திரர்கள்.

தாழ்த்தப்பட்ட மக்களின் வீடுகளை தீ யிட்டு முற்றிலுமாக அவர்களின் வாழ்க்கையை சீரழிக்கிற, அவர்களை கொலை செய்கிற இன்றைய ஜாதி வெறியர்களின் மோசமான செயல்களுக்கு நடுவே,

திராவிடர் கழகத்தின் இந்த விழா முக்கியமான ஒரு பெரியார் பணி.

ஜாதி மறுப்பு திருமணத்தை ஆதரித்து பேசுகிற தலித் அல்லாத முற்போக்காளர்கள் கூட, தன் ஜாதி பெண்ணை தலித் இளைஞன் திருமணம் முடிக்கிறான் என்றால், அதை எப்படியாவது தடுக்கப் பார்க்கிறவர்கள் மத்தியில்,

இன்னும் கூடுதல் முக்கியத்துவம் பெறுகிறது தி.க வின் ஜாதி மறுப்பு திருமண விழா.

ஆகையால், திராவிடர் கழகத் தோழர்களுக்கு நமது வாழ்த்துகளையும் நன்றியையும் தெரிவித்துக் கொள்வது, நிச்சயம் நமது கடமை.

தொடர்புடையது:

‘ஞாநி’ யை நான் கவுண்டமணியுடன் ஒப்பிடவில்லை

தருமபுரி: தலித் மக்கள் மீது வன்னிய ஜாதி வெறி தாக்குதல்; மத்த ஜாதிக்காரர்கள் யோக்கியமா?

பிராமணாள் கபே: தலையில் பிறந்தவர்களா-தந்தை பெரியாரா?

ஷிவ்ராம் அய்யர்-சௌம்யா அய்யர்-Splendor அய்யர்: ஜாதியை ஒழிச்ச HERO

Splendor பறையர்; விளம்பரபடுத்த தயாரா? அல்லது Splendor அய்யருக்கு முடிவு கட்டிய பெரியார் தொண்டர்கள்

மூன்று தமிழர்களை தூக்கிலிட துடிக்கும் ‘தினகரன்’

மூன்று தமிழர்களை தூக்கிலிட துடிக்கும் ‘தினகரன்’

திடீரென்று ஒருவர் மாரடைப்பில் மரணம் அடைவதைப் போல், அஜ்மல் கசாப்பின் தூக்கு, தூக்கிடப் பட்டபின் அறிவிக்கப்பட்டிருக்கிறது.

இஸ்லாமியர்களுக்கு எதிராக வன்முறை நடத்தி, வயதாகி நோய் வாய்ப்பட்டு மரணம் அடைந்த பால்தாக்ரே மரணத்திற்கு, பதிலடி தருவதுபோல் அமைந்திருக்கிறது, அஜ்மல் கசாப்பிற்கான மரண தண்டனை.

அநேகமாக தமிழகத்தைத் தவிர, மற்ற மாநிலங்களில் ‘கசாப் தூக்கை’ இனிப்புக் கொடுத்து விழாவாக கொண்டாடி இருக்கிறார்கள்.

தமிழகத்தில் அப்படி கொண்டாவில்லை என்று தீர்த்துச் சொல்லிவிடவும் முடியாது. அந்தப் பணியை தமிழ் பத்திரிகைகள் சிறப்பாக செய்திருக்கின்றன.

‘ஊரறிந்த பாப்பானுக்கு பூணூல் எதுக்கு?’ அப்படின்னு ஒரு பழமொழி தமிழர்களிடம் உள்ளது. தினமலரின் கதை தெரிந்ததுதான்.

‘செய்திகளை தாண்டிய சில்மிஷம்’ என்கிற ‘இந்து பார்ப்பன உற்சவத்தில்’ திராவிட இயக்க குடும்பத்தால் நடத்தப்படும் தினகரனும் தன்னை துடிப்போடு அர்பணித்திக் கொண்டு வருகிறது.

செய்திகளை பத்திரிகைகள் உருவாக்க முடியாது. பூகம்பமோ, புயலோ ஒரு பத்திரிகைகாக மட்டும் நடக்காது என்பதுபோல்தான், எல்லா செய்திகளுமே.

நடந்த சம்பவங்களை தேர்ந்தெடுத்து செய்திகளாக தருவதுதான் பத்திரிகையின் பணி. அதில் ‘எங்களின் செய்தி’ என்பதற்கான உரிமை அவர்கள் பயன்படுத்துகிற வார்த்தைகள்தான்.

ஆனாலும், அதையும் தாண்டி இன்றைய பத்திரிகைகள், தங்களின் சொந்த காழ்ப்புணர்ச்சி, அரசியல் காரணமாக செய்திகளை தாங்களே உருவாக்குவது, (தினமலர் மூன்று முறை விடுதலைப் புலிகள் தலைவர் பிரபாகரனை கொன்று இருக்கிறது.) தலைவர்களின் அறிக்கைகளை, பேச்சுகளை தலைப்பிடும்போதே, விமர்சனத்தோடு வெளியிடுவது. குறிப்பாக திமுக தலைவர் கலைஞர் கருணாநிதியின் பேட்டியை அறிக்கையைக் கூட தினமலரும், தினமணியும் அவர்களின் இந்து அரசியல் கண்ணோட்டத்தோடு விமர்சித்துதான் தலைப்பிடுவார்கள்.

சரி, இதெல்லாம்கூட ‘அந்த பத்திரிகையின் சொந்தக் கருத்து இல்லை’ என்று வாதத்திற்காகவது ஒத்துக் கொள்ளலாம்.

ஆனால், ‘தலையங்கம்’ என்பது ஒரு பத்திரிகையின் நிலைபாடு. அதுதான் அவர்களின் அரசியல் பார்வை. அதில் சொல்லப்படுபவைகளுக்கு முழுக்க முழுக்க அவர்களே பொறுப்பு.

இந்த ‘பொறுப்புடன்’ தினகரன் நாளிதழும் தலையங்கம் எழுதி வருகிறது.

தினகரன் ‘தலையங்கம்’, மேலோட்டமாக பார்த்தால் ஒரு பிரச்சினையை நடுநிலையாக, மனிதாபிமானமாக சொல்வதுப் போல் இருக்கிறது. ஆனால் அது சொல்லத் துடிப்பபோதோ இந்துப் பார்ப்பனக் கண்ணோட்டமே.

அநேகமாக இன்று (22-11-2012) கசாப் தூக்கிலிடப்பட்டதற்காக ‘தலையங்கம்’ எழுதிய ஒரே தமிழ் பத்திரிகை தினகரனாக  இருக்கும்.

‘மூன்று பேரை தூக்கிலிடாதே. மரண தண்டனையை ஒழிப்போம்’ என்று தமிழகத்தில் தொடர்ந்து வழக்கறிஞர்களும் மாணவர்களும் பல அமைப்புகளும் போராடினார்கள். அதன் பயனாய், மூன்று தமிழர்களின் தூக்கை நீதிமன்றமும், தமிழக அரசும் நிறுத்தி வைத்திருக்கிறது.

இது தினகரனுக்கு ரத்தக் கொதிப்பு அதிகரிக்கும் அளவிற்கு பெரிய கவலையாக இருக்கும்போல,

‘மரண தண்டனை விதிக்கப்பட்டவர்களை இன்னும் தூக்கிலிடாமல் இருக்கிறார்களே’ என்று கவலைப்பட்டுக் கொண்டிருந்த தினகரன், கசாப்பின் தூக்கை ஆதரித்து எழுதிய தலையங்கத்திற்கு, ‘ஆறுதல் அளித்த மரணம்’ என்று தலைப்பு வைத்திருக்கிறது. என்ன ஒரு மனிதாபிமான மனசு?

அதை மேலும் உறுதி செய்வதுபோல், முதல் வரியிலேயே, குற்றவாளிக்கு நீதிமன்றம் வழங்கும் தண்டனை அவ்வளவு சீக்கிரத்தில் நமதுஅரசுகளால் நிறைவேற்றப்படுவது இல்லை. அஜ்மல்கசாப் வழக்கு ஒருவிதிவிலக்கு.’ என்று அதிரடியாய் ஆரம்பித்திருக்கிறது.

பிறகு, ‘காஷ்மீர் ஆசாமி அப்சல்குருவுக்கு விதிக்கப்பட்ட தூக்குதண்டனை இன்னும் நிறைவேற்றப்படவில்லை. அதற்கும் முன்னால் ராஜிவ்காந்தி கொலைவழக்கில் மரணதண்டனை விதிக்கப்பட்ட மூன்றுபேர் 21 ஆண்டுகளாக காவலில் இருக்கிறார்கள். பஞ்சாப் முன்னாள் முதல்வர் பியாந்த்சிங்கை கொன்ற பல்வந்த்சிங்குக்கு விதிக்கப்பட்ட தூக்குதண்டனை இன்னும் நிறைவேற்றப்படவில்லை.’ என்று எழுதியிருக்கிறது.

இதில் அப்சல் குரு, பல்வந்த் சிங்’ இருவரை பற்றி எழுதும்போது, ‘இன்னும் நிறைவேற்றப்படவில்லை’ என்ற வார்த்தைகளை பயன்படுத்திய தினகரன், ராஜிவ் காந்தி கொலைவழக்கில் மரண தண்டனை விதிக்கப்பட்டவர்களை பற்றி எழுதம்போது நேரடியாக எழுதினால் எதிர்ப்பு வரும் என்பதால், தந்திரமாக இன்னும் இருக்கிறார்களே?’ என்ற கவலையில் ‘மூன்றுபேர் 21 ஆண்டுகளாக காவலில் இருக்கிறார்கள்.’  என்று எழுதுகிறது.

இந்த தலையங்கம் காங்கிரஸ் கண்ணோட்டத்தில்கூட இல்லை, பி.ஜே.பியின் கண்ணோட்டத்தில் எழுதப்பட்டது என்பதற்கு சான்றாக,

‘குஜராத்தில் தேர்தல்வருகிறது. பலவீனமான அரசு, பலவீனமான பிரதமர் என்ற நரேந்திரமோடியின் பிரசாரத்துக்கு காங்கிரஸ் பதில் சொல்ல வேண்டியிருக்கிறது. அனைத்தையும் திசை திருப்ப கசாப் பயன்பட்டிருக்கிறான்.’ என்று துக்ளக் சோ பாணியல் பார்ப்பன இந்துக் கண்ணோட்டத்தோடு கருத்து சொல்கிறது.

‘மூன்றுபேர் 21 ஆண்டுகளாக காவலில் இருக்கிறார்கள்.’ இவர்களுக்கு தண்டனைகள் சீக்கரமாக நிறைவேற்றப்பட வேண்டும் என்கிற ‘உள்ளுணர்வு’ தினகரனுக்கு இருப்பதால், அதே தலையங்கத்தின் இன்னொரு இடத்தில்,

‘அரபுநாடுகள், சீனா, அமெரிக்கா போன்று உடனே விசாரித்து உடனே மரணதண்டனையை நிறைவேற்றும் வழக்கம் இங்கு இல்லை.’ என்று மேலும் கவலையும் ஆதங்கமும் படுகிறது தினகரன்.

இதே ஆதங்கமுடனும் கவலையுடனும் சங்கரராமனை கொலை செய்த, சங்கராச்சாரி ஜெயேந்திரன் வழக்கை., ‘அரபு நாடுகள் பாணியில் உடனே விசாரித்து உடனே மரண தண்டனையை நிறைவேற்ற வேண்டும்’ என்று தினகரன் ஒரு தலையங்கம் எழுதுமா?

அதுகூட வேண்டாம், அப்படி ஒரு கருத்தை யாராவது சொன்னால், அதை செய்தியாகவாவது வெளியிடுமா?

கொலை செய்த ஜெயேந்திரனை காப்பாற்ற இவர்கள் துடிக்கும்போது, கொலை செய்யாத பேரறிவாளன், முருகன், சாந்தன் இவர்களை காப்பாற்ற நாம் முன் வரவேண்டாமா?

மூவரை கொல்லத் துடிக்கிற பயங்கரவாதிகளின் சதிகளை முறியடிப்போம். மூவர் உயிர் காப்போம்.

தொடர்புடையவை:

தினமணி: நடுநிலை நாளிதழ்-பார்ப்பன பனியாவுக்கான நடுநிலை

பார்பனப் பத்திரிகைகள் சங்கரமடத்தின் நாடித்துடிப்பு !

ஆனந்த விகடனும் – பெரியாரும்

தினமணி‘ என்கிற விச விதையும், பெரியார்-காமராஜரின் கல்வித் திட்டமும்

‘ஞாநி’ யை நான் கவுண்டமணியுடன் ஒப்பிடவில்லை

ன்பிற்கினிய தம்பி கார்ட்டூன் பாலா தனது Facebook ல் ஜாதிகளுக்கெதிரான ஞாநி யின் கீழ் கண்ட அறிவிப்பை வெளியிட்டிருந்தார். அதுகுறித்து பாலாவின் பக்கத்தில் நான் எழுதிய கருத்து.

*

ஞாநி யின் கருத்து:

கட்சி அரசியல்வாதிகள் எதுவும் உருப்படியாக செய்வார்கள் என்று தோன்றவில்லை. எனவே சாதிமறுப்பு, சாதி கலப்புத் திருமணங்களை ஆதரிக்கும் படைப்பாளிகள், கலைஞர்கள், ஆய்வாளர்கள், விமர்சகர்கள், இதர தொழில் சார்ந்தோர் எல்லாரும் சேர்ந்து கலப்பு மணமக்களுக்கு ஒரு பாராட்டு விழாவை விரைவில் நடத்த முயற்சிக்கலாம் என்று கருதுகிறேன். காதல், கலப்பு திருமணங்களை எதிர்க்கும் அனைத்து சாதி சங்கங்களுக்கு இதுவே சிறந்த கண்டனம்.

கலப்பு மணம் செய்து சிறப்பாக வாழும் மூத்த தம்பதிகள் முதல் இப்போது மணம் செய்த இளையோர் வரை திரட்டலாம். இப்படிப்பட்ட திருமணங்களை ஆதரிப்பது, பாதுகாப்பது முதலிய கடமைகளில் அரசின் பங்கு, போலீசின் பங்கு, சமூக அறிவுஜீவிகளின் பங்கு, தடைகளை உடைக்கும் வழிமுறைகள் பற்றியெல்லாம் தனித்தனி அமர்வுகள் கூட நடத்தலாம். இசை, ஓவியம், பாட்டு, நடனம், நாடகம், என்று இதை ஒரு திருவிழாவாக நடத்தவேண்டும் என்று கருதுகிறேன்.

ஒவ்வொராண்டும் கூட டிசம்பர் அல்லது பொங்கல் சமயத்தில் இதை நாம் செய்யலாம். இப்போது உடனடியாக, சென்னையில் யாரேனும் லயோலா கல்லூரி அரங்கைப் பெற்றுத் தந்தால் நன்றாக இருக்கும். ஏற்பாடு செய்ய, பங்கேற்க விருப்பமுள்ளவர்கள் எல்லாரும் எனக்கு ஃபேஸ்புக்கில் செய்தி அனுப்பினால், ஒருங்கிணைக்க முயல்வேன். கள ஏற்பாடுகளை செய்யும் தெம்பும் சக்தியும் உடைய இளைஞர்கள் நிச்சயம் தேவை.

-ஞாநி.

கோமாவில் இருந்தவர் திடீர் என்று முழிப்பு வந்து பேசுவதுபோல் இருக்கிறது ஞாநியின் அறிவிப்பு.

இதுபோல் ஜாதி வெறி சம்பவங்கள் நடக்கும்போது மட்டும் ஜாதிக்கு எதிராக பொதுவாக கருத்து சொல்வதுதான். மோசமானது.

திராவிடர் கழகம், பெரியார் திராவிடர் கழகம், பெரியார் ஆர்வலர்கள் காதல் திருமணம், ஜாதி மறுப்பு திருமணம் செய்து வைப்பது, செய்து கொண்டவர்களுக்கு பாராட்டுவிழா நடத்துவது என்று தொடர்ந்து நடத்திக் கொண்டுதான் இருக்கிறார்கள்.

பெரியார் இயக்கங்களின் செயலை தெரிந்து கொள்ளவோ, தெரிந்து கொண்டால் அதை கல்கி போன்ற புரட்சிகரப் பத்திரிகைகளிலோ, அல்லது தன்னுடைய இணைய பக்கத்திலோ எழுத ஞாநி தான் தயாராக இல்லை.

வருகிற 25 தேதி திராவிடர் கழகம் நடத்தும், ‘ஜாதி மறுப்பு இணைத்தேடல் திருவிழா’ வை வரவேற்று கல்கியிலும் தன் இணையப் பக்கத்திலும் ஞாநி விரிவாக எழுதலாமே, அதன் மூலம் அவர் சொல்வதை இதில் இருந்து தொடங்கலாமே…

இல்லை இணையத்தில் இருப்பவர்கள் அவர் தலைமையில் திரண்டால்தான் செய்வாரா?

*

தர்மபுரி ஜாதி வெறி தாக்குதல்களுக்கு எதிராக ஞாநி என்ன பதிவு செய்திருக்கிறார்?

தாக்குதல் செய்வதவர்கள் எந்த ஜாதிக்காரர்கள் என்பது பற்றியும் சொல்லாமல், யார் பாதிக்கப்பட்டவர்கள் என்பதையும் குறிப்பிடாமல் ‘தெளிவா’ எதாவது கட்டுரை எழுதியிருப்பார். அதாவது ஆதிக்க ஜாதிகளைப் பற்றி எதுவும் சொல்லாமல் ஆனால், தீவிரமாக ஜாதி வெறியை கண்டிப்பவர் போல்.

ஒரு படத்துல கவுண்டமணி, ‘ஈயம் பூசுனா மாதிரியும் இருக்கனும். பூசாத மாதிரியும் இருக்கனும்… ஆனா, பாத்தா பளிச்சுன்னு தெரியனும்.. அதான்டா தொழில் டிரிக்ஸ்.’

ஞாநியிடமிருந்து ஜாதிகளுக்கு எதிராக கடுமையான கண்டிப்புகள் வராது. காரணம், இந்து மதம், பார்ப்பனியம், ஜாதி ஒழிப்புக் குறித்து ஞாநியிடம் தெளிவான கண்ணோட்டம் இல்லை. அதற்கு பெரியார் – அம்பேத்கர பற்றிய விரிவான படிப்பும் புரிதலும் அவசியம்.

குறிப்பாக ஞாநியிடம் அம்பேத்கரிய பார்வை சுத்தமாக இல்லை. அம்பேத்கர் என்று ஒருவர் இருந்தார் என்பது ஞாநிக்கு தெரியும் என்பதே, அம்பேத்கரை அவதூறு செய்த கார்ட்டூனை அவர் ஆதரித்து பேசிய போதுதான் தெரிந்தது.

அவர் பாரதியின் மீசைக்கு ‘டை’ அடித்துக் கொண்டே இருந்தால், ஒருபோதும் அவரால் பார்ப்பனியத்திற்கு இந்துமதத்திற்கும் ஜாதிக்கும் எதிராக எழுதவே முடியாது.

அது சரி அப்படி எழுதினால்,

தினமணி, ஆனந்த விகடன், குமுதம், கல்கி வரை தொடர்ந்து அவரால் பயணித்திருக்க முடியுமா?

தொடர்புடையவை:

கொளத்தூர் மணியை காட்டிக் கொடுக்கும் ‘ஞாநி’ -இதுதான் ஞானமா?

சின்மயி விவகாரமும் ஞானி யின் பஞ்சாயத்தும்

தருமபுரி: தலித் மக்கள் மீது வன்னிய ஜாதி வெறி தாக்குதல்; மத்த ஜாதிக்காரர்கள் யோக்கியமா?

பால்தாக்ரே மரணமும் கேப்டன் டி.வி ஒப்பாரியும்; யாருமே இல்லாத டீ க்கடையில யாருக்கு டீ ஆத்துனாங்க..

ரு வழியாக பால்தாக்ரே மரணம் அடைந்துவிட்டார். மரணத்திற்கு பிறகு எவ்வளவு மோசமானவரையும் புனிதமானவராக சித்திரிக்கிற, இந்திய இந்து மரபு, பால்தாக்ரே மரணத்திலும் பிரதிபலித்தது.

தமிழகத்தில் பால்தாக்ரே மீது, பார்ப்பனர்கள், பிஜேபி போன்ற இந்து அமைப்புகள், தமிழ்த் தேசியவாதிகள் இவர்களைத் தவிர வேறு யாருமிடமும் அவர் குறித்து ஒரு மரியாதைக் கிடையாது. இன்னும் குறிப்பாகச் சொன்னால் தமிழர்களுக்கு அவர் யார் என்றே தெரியாது.

தமிழ்த் தேசியவாதிகள் இனவாத அரசியல் பேசினால், அவர்களை பிரிவினைவாதிகள் என்று பிரச்சாரம் செய்கிற பார்ப்பனர்களும், பிஜேபிக்காரர்களும் அவர்களின் ஊடகங்களும்; இனவாத அரசியலை பிறமாநில மக்கள் மேல், வன்முறையாக நிகழ்த்திய பால்தாக்ரேவை தலையில் வைத்துக் கொண்டாடும் ‘உள் அரசியல்’  மிக நுட்பமானது.

அதன் பின்ணனி இதுதான்,

‘மண்ணின் மைந்தர்கள்’ என்கிற கவர்ச்சிகரமான தலைப்பில் மராட்டிய மக்களிடம் பால்தாக்ரே அரசியல் செய்தாலும், அடிப்படையில் அவரின் சிவசேனா கட்சி இஸ்லாமியர்களுக்கும், தாழ்த்தப்பட்ட மக்களுக்கும் எதிரானது.

அம்பேத்கரின் மண்ணில் தலித் மக்கள் மீதான தாக்குதல்களை ஒரு சாதாரண நிகழ்வாக மாற்றியதுதான் பால்தாக்ரேவின் அரசியலில் முக்கியமான ஒன்று.

ஜாதி மற்றும் இந்து அரசியலின் எழுச்சி வடிவம் பால்தாக்ரே.

அதனால்தான், தேசிய ஒருமைப்பாடு பேசுகிற பார்ப்பனர்களும், பிஜேபி போன்ற இந்து அமைப்புகளும் ‘இனவாத’ பால்தாக்ரேவை ஆதரிக்கிறார்கள்.

இஸ்லாமியர்கள் அல்லாத தாழ்த்தப்பட்டவர்கள் அல்லாத இடைநிலை ஜாதிகளில், எண்ணிக்கையில் அதிகம் உள்ள ஜாதிகளை ஒருங்கிணைத்துதான் அவர் ‘மண்ணின் மைந்தர்கள்’ அரசியலை பேசினார்.

அதே காரணத்திற்காகத்தான், தமிழகத்தில் தமிழ்த் தேசியம் பேசுகிறவர்கள் பால்தாக்ரேவை ஆதரிக்கிறார்கள். அவரைப் போலவே இஸ்லாமியர்கள் அல்லாத, தாழ்த்தப்பட்டவர்கள் அல்லாத மிகப் பெருமான்மையாக இருக்கிற பிற்படுத்தப்பட்ட, மிக பிற்படுத்தப்பட்ட ஜாதிகளை ஒருங்கிணைத்து அரசியல் பண்ணும் முயற்சியால்தான்,

பரமக்குடி, தருமபுரி தாக்குதல்கள் சாதாரணமாக தெரிந்து, பால்தாக்ரேவின் மரணம் துயரமானதாக தெரிகிறது. இதே காணத்திற்காகத்தான், பால்தாக்ரேவைப் போல் பார்ப்பனர்களிடம் நற்பெயர் எடுக்கும் நோக்கத்தில், பார்ப்பன ஆதரவும் – பெரியார் எதிர்ப்பும், தங்களை பார்ப்பனர்கள் வழிமொழிய வேண்டும் என்பதற்காகவே முன்மொழியப்படுகிறது.

இனவாத தத்துவத்தின் வாழும் தெய்வமாக இருந்து, இன்று ‘தெய்வமாகவே’ மாறிவிட்ட விட்ட பால்தாக்ரே, (தெய்வம் என்பதை பெரியாரிய கண்ணோட்டத்தில் புரிந்து கொள்ளவும்.) தமிழர்களுக்கு எதிராக, இந்திக்காரர்களுக்கு எதிராக பல வன்முறைகளை நடத்தியிருக்கிறார்.

ஆனால், மராட்டிய மாநிலத்தையே பற்ற வைத்து, ஸ்தம்பிக்க வைத்த வன்முறையை பல ஆண்டுகளுக்கு முன் நடத்தினார். அவர் செய்த அந்த வன்முறையின் சாதனையை, அவர் முறியடிக்காமலே மரணித்துவிட்டார்.

அது, ‘மராட்டிய மண் மராட்டியர்களுக்கே’ என்பதற்கான போராட்டம் அல்ல; மராட்டியத்தில் உள்ள ‘மரத்வாடா பல்கலைகழகத்திற்கு’, மராட்டிய மண்ணின்மைந்தன் உலகம் வியக்கும் அண்ணல் அம்பேத்கரின் பெயரை வைத்ததினால் நடத்திய வன்முறை.

இதுதான் மண்ணின் மைந்தனின் அரசியல். இதுவேதான் ‘மைந்தர்களின்’ அரசியலும்

இஸ்லாமிய எதிர்ப்பும், தலித் விரோதமும் கொண்ட பால்தாக்ரே இறந்தற்கு பல அரசியல் கட்சி தலைவர்கள் துயரப்பட்டார்கள். தமிழகத்தின் ஊடகங்களும் முதன்மை செய்தியாக அறிவித்தது. கொள்ளி வைக்கும் நேரத்தில், சில தொலைக்காட்சிகள் நேரலை செய்தது. அது அவர்களின் சடங்கு.

ஆனால், எல்லோரையும் தூக்கி சாப்பிடுவதைப் போல, விஜயகாந்தின் கேப்டன் டி.வி மட்டும், அதிகாலையிலேயே ‘அழ’ ஆரம்பித்துவிட்டது.

மும்பையிலிருந்து சென்னைவரை அழுதது.

பால்தாக்ரே இறந்த அன்று இரவு கேப்டன் டி.வி. அவரை மாபெரும் போராளியாக, தியாகியாக சித்தரித்து, அவரைப் பற்றி ஆவணப்படம் ஒளிபரப்பியது.

மறுநாள் மாரில் அடித்துக் கொண்டு அழுவதைப் போல், அவரின் வீர, தீர பெருமைகளை வர்ணித்துக் கொண்டு அவரின் இறுதி சடங்குகளை நேரடியாக கேப்டன் நியுஸ் ஒளிபரப்பியது.

பால்தாக்ரேவின் மரணத்திற்கு கேப்டன் டி.வி. இவ்வளவு முக்கியத்துவம் கொடுப்பதற்கான காரணம் புரியவில்லை.

பால்தாக்ரே பாணியில் அரசியல் பேசுபவர்கள், விஜயகாந்தை தமிழரல்ல என்கிறார்கள். அப்படியிருக்க பால்தாக்ரே மீது கேப்டன் டி.விக்கு பாசம் வர காரணம் என்ன?

அல்லது ‘பால்தாக்ரே மரணத்தை ஒளிபரப்பினால், அதை நிறையபேர் பார்ப்பார்கள், அதனால் நம்ம டி.வி எங்கேயோ போய்விடும்’ என்ற காரணம் இருந்தாலும் கூட, சரி போய் தொலையுதுன்னு…

யாருமே இல்லாத டீ க்கடையில யாருக்கு டீ ஆத்துற என்பதுபோல், பாக்கறதுக்கு ஆளே இல்லாத பால்தாக்ரே நிகழ்ச்சியை, எதுக்கு அவ்வளவு முக்கியத்துவும் கொடுத்து ஒளிபரப்புவானேன்?

கேப்டன் டி.வியின் இந்தச் செயல் ஆர்வக் கோளாறினால் ஏற்பட்ட கோமாளித்தனம் போல் தோன்றினாலும், மிக ஆபத்தானதாக இருக்கிறது.

இஸ்லாமியர்களுக்கும், தலித் மக்களுக்கும் எதிராக தான் வாழ்நாள் முழுக்க அரசியல் செய்த பால்தாக்ரேவை தமிழக மக்களிடம் பெருமையோடு அறிமுகப் படுத்தும் மோசமான செயலாகவே இதை பார்க்க முடிகிறது.

விஜயகாந்த் கட்சிக்கு கிடைத்த வாக்குகளில், இஸ்லாமியர்கள். தலித் மக்கள் வாக்குகள் கணிசமானவை.

தனக்கு வாக்களித்த அந்த மக்களுக்கு கேப்டன் டிவி செய்த துரோகமாகவே இது பதிவாகிறது.

தொடர்புடையவை

சகல பொந்துகளிலும் ஒளிந்திருக்கிற ஜாதிவெறியர்களை அம்பலபடுத்துவோம்

‘மவுனத்திற்கு’ பின் ‘சம்மதமாக’ மறைந்திருப்பது அம்பேத்கர் மீதான வெறுப்பே

தமிழகத்தில் வேற்றுக்கிரக வாசிகள்

ரம், செடி, கொடி, மலை இவைகளுக்காக குரல் கொடுக்கிற பல சுற்றுச் சூழல் ஆர்வலர்கள், ஆதிக்க ஜாதிகளுக்கு எதிரான கருத்துச் சொல்வதில் அமைதிக் காக்கிறார்கள்.

குறிப்பாக, தாழ்த்தப்பட்ட மக்கள் ஆதிக்க ஜாதிக்காரர்களால். தாக்குதல்களுக்கு உள்ளாகும் போது; மரம், செடி, கொடிகளைப்போலவே மவுனம் காக்கிறார்கள்.

தாழ்த்தப்பட்ட மக்களை ‘ஈனப் பறையர்கள்..’ என்று விளித்து, “காக்கை, குருவி எங்கள் ஜாதி..’ என்று பறவைகைளைப் பாசத்தோடு, பார்த்த பாரதியைப் போல்,

‘செல்போன் போன்ற நவீன அறிவியல் வளர்ச்சியின் காரணமாக, சிட்டுக்குருவி இனமே அழிந்து விட்டது’ என்று துயரப்படுகிற சிட்டுக் குருவியின் சினேகிதர்கள், ஜாதிவெறியால் ரத்தம் சொட்ட வெட்டுப்பட்டு நிற்கிற தாழ்த்தப்பட்டவரை பார்த்தால் பதறுவதில்லை.

“நமது புராணங்களில். இந்து மரபில் காடு பற்றியும் காட்டூயிர் பற்றியும் அக்கறை இருந்தது,” என்று தனது கலை இலக்கிய விமர்சனத்தோடு, காடுகள் பற்றியும் இந்து பெருமையோடு கவலைப்படுகிற முன்னாள் தபால்காரரர்கள், தொலைபேசி இலாகவில் வேலை செய்கிற சினிமா வசனகர்த்தாக்கள், வங்கியில் இலக்கியம் வளர்ப்பவர்கள், இலக்கியவாதிகளாக இருந்து வசனகர்த்தாவாக அவதாரம் எடுத்தவர்கள் இவர்கள் யாரும்,

தாழ்த்தப்பட்ட மக்களின் மீதான தாக்குதலை கண்டிப்பதில்லை.

ஏதோ தமிழகத்திற்கு புதியதாக வந்திருக்கிற வேற்றுக்கிரக வாசிகளைப் போலவே நடமாடுகிறார்கள்.

கூடங்குளம் அணுஉலை எதிர்ப்பில் தன் கருத்தை முதன்மையாக, தீவிரமாக பதிவு செய்கிறவர்களில் பலர், ஜாதி வெறியர்களின் செய்கையில் ‘மவுனமே’ அவர்களின் பதிவாக இருக்கிறது.

இவர்களின் மவுனம் ஜாதி வெறிக்கு எதிரானதா ஆதரவானதா?

ஆனால், ‘மவுனம் சம்மதம்’ என்ற தொடர் நமக்கு நினைவுக்கு வராமல் இருந்தால், இவர்களின் மவுனத்தை ஜாதி வெறிக்கு எதிரானதாக புரிந்து கொள்ளலாம்.

சரி போகட்டும்,

ஜாதி வெறிக்கு எதிரானவர்கள் என்ற நிலையிலிருந்தல்ல; சுற்றுச் சூழல் ஆர்வலர்கள் என்கிற முறையில் கூட இவர்கள் தருமபுரியில் எரிக்கப்பட்ட, குடிசைகளுக்கு எதிராக குரல் கொடுத்திருக்கலாமே?

அதான், ‘300 குடிசைகளை ஒரே சமயத்தில் எரித்ததால், தருமபுரி பகுதிகளில் காற்று மாசுபட்டிருக்கிறது’ என்றாவது ஒரு பதிவை செய்யுங்கள்.

அதனால், உங்களின் சுற்றுச் சூழல் அரசியலுக்கு எந்த ‘மாசும்’ ஏற்பட்டு விடாது.

தொடர்புடையவை:

அழகான பொண்டாட்டியும் அரசியல் பிரச்சினைகளும்

மீனவர்கள் மீது துப்பாக்கிசூடு: அன்று புரட்சித் தலைவர் இன்று புரட்சித் தலைவி

மீனவர்களுக்கான தமிழகரசின் சலுகையும், கூடங்குளம் அணு மின் எதிர்ப்பு உரிமையும்

கூடங்குளம் அணுஉலை எதிர்ப்பும் 8 மணிநேர மின்வெட்டு எதிர்ப்பும்

உதயகுமார் கைது முயற்சி; தமிழக அரசின் தந்திரம்

அணு உலை பாதுகாப்பானது; அந்த அய்யப்பனே நம்ப மாட்டான்!

பிராமணாள் கபே: என் மீதான குற்றச்சாட்டும் எனது விளக்கமும்

பிராமணாள் கபே: தலையில் பிறந்தவர்களா-தந்தை பெரியாரா? – என்ற ஒரு பதிவை எழுதியிருந்தோம். அது பற்றி திராவிடர் கழகத்தைச் சேர்ந்த நண்பர் மணிமகன் எழுப்பிய குற்றச்சாட்டும், நமது விளக்கமும்.

*

நண்பர் மதி த.பெ.தி.க.உறுப்பினர் என்ற முறையில் இப்பதிவில் கடைசியாக த.பெ.தி.க.விற்கு மட்டும் நன்றியும் வாழ்த்தும் தெரிவித்திருந்தால் நான் அளிக்கும் இவ்விளக்கத்தை எடுத்துக் கொள்ளவேண்டாம். அல்லாமல், கட்சிகளைக் கடந்த பெரியார்-அம்பேதகர் கொள்கையாளர் என்றால் ஒரு கேள்வி.

பிராமணாள் கபேவுக்கு எதிராக முதலில் அந்தக் கடையின் உரிமையாளர் கிருஷ்ணனிடம் நேரடியாகச் சென்று வலியுறுத்தியவர்கள் திருச்சி மாவட்ட திராவிடர் கழகத்தோழர்கள். அதன்பின் தி.க.தலைவர் கி.வீரமணி கண்டன அறிக்கை மற்றும் முதலமைச்சருக்கு வேண்டுகோள் அறிக்கை விடுத்தார். அவை அவ்வூர் மக்களிடமும் பரப்பட்டது. தொடர்ந்து சிறீரங்கத்தில் கண்டனக்கூட்டம் நடத்தப்படும் என்ற அறிவிப்பு- அதற்கு காவல்துறையின் அனுமதி மறுப்பு. பின்னர் மதுரை உயர்நீதிமன்றக் கிளையில் வழக்குப் பதிவு செய்து கூட்டம் நடத்த 4.11.2012 அன்று அனுமதி பெற்று தி.க.தலைவர் கி.வீரமணி உள்ளிட்டோர் கடும்கண்டன உரை நிகழ்த்தினர். ஆயிரத்துக்கும் அதிகமான தி.க.வினர் திரண்டனர்.

இதற்கு எதிராக பிராமண சங்கம் உண்ணாவிரதம் இருந்தது.கூட்டத்தில் பெயர் நீக்க கெடு நிர்ணயித்து இல்லையேல், பெயரை நீக்கும்வரை தொடர் போராட்டம் நடத்தப்படும் என அறிவிக்கப்பட்டது. அந்த மேடையிலேயே 560 தோழர்கள் பெயர்ப் பட்டியலை அளித்தனர். இச்செய்தி 5.11.2012 ஊடகங்களில் வெளியானது.6.11.2012 இரவு கிருஷ்ணன் தன் கடையின் பெயர்ப்பலகையை கழற்றிவிட்டார். இந்த நிகழ்வுகள் எதுவுமே மதிமாறனுக்குத் தெரியாதா?

த.பெ.தி.க.வின் போராட்டத்தை வாழ்த்த உங்களுக்கு உரிமை உண்டு. ஆனால்,தி.க.வின் பங்களிப்பை மறைப்பது ஏன்? த.பெ.தி.க.வின் போராட்டத்தால்தான் இந்த பெயர் நீக்கம் என்றால் அவர்களின் போராட்டம் நடந்த சில நாட்களிலேயே நடத்திருக்குமே? ஏன் இவ்வளவு நாள் கழித்து நீக்க வேண்டும்? சிந்தியுங்கள். தி.க.வின் பணியை பார்ப்பன ஊடகங்களும் மறைக்கின்றன; உங்களைப் போன்றவர்களும் மறைக்க முயலுகிறீர்கள். ஏனோ…?

மணிமகன்.

மணிமகன் என்ற புனைப் பெயரில் இருக்கிற நீங்கள் யார் என்பது எனக்கு தெரியும் என்பதுபோலவே, நான் த.பெ.தி.க.உறுப்பினரா இல்லையா என்பதும் உங்களுக்கு நன்றாக தெரியும்.

தெரிந்து கொண்டே கிண்டலான தொனியில், நீங்கள் கேட்ட முறை, முறையாக இல்லை.

சரி,

முதலமைச்சருக்கு வேண்டுகோள், ஓட்டல் உரிமையாளரிடம் கோரிக்கை, போராட்டம் நடத்தப்படும் என்ற எச்சரிக்கை, பொதுக்கூட்டத்திற்கு நீதிமன்றம் சென்று அனுமதி, பிறகு ஸ்ரீரங்க பிரச்சினையை ஒட்டி, திருவானைக்காவலில் பொதுக்கூட்டம்; இவைகளால் ‘பிராமணாள் கபே’ பெயர் நீக்கப்படவில்லை.

ஸ்ரீரங்கத்தில் உள்ள அந்தக் கடைக்கு முன்னால் முற்றுகைப் போராட்டம், ஆர்ப்பாட்டம் நடத்தியதால்தான் அது காலி செய்யப்பட்டது. அதை திராவிடர் கழகம் செய்திருந்தாலும் இது நடந்திருக்கும்.

போராட்டம் நடத்திய மறுநாளே, அந்தக் கடை மூடப்பட்டது. அதன் பிறகு மூடிய அந்தக் கடைக்கு நமது வேண்டுகோளை எல்லாம் தாண்டி, தமிழக முதல்வர், காவல் துறையின் பாதுகாப்பை பலப்படுத்தியிருந்தார்.

மீண்டும் நமது வேண்டுகோளை புறந்தள்ளி, நமது பொதுக்கூட்டத்திற்கு அனுமதி மறுத்த முதல்வர், பிரமணர் சங்கம் உண்ணாவிரதம் இருக்க அனுமதி கொடுத்தார்.

‘பிராமணாள் கபே’ பெயர் பலகையை கழட்டச் சொல்லி, காவல் துறையோ, முதல்வரோ எந்த வகையிலும் நெருக்கடித் தரவில்லை என்பது மட்டுமல்ல; பெயர் பலகை தொடர்ந்து இருக்க பாதுகாப்பத்தான் தந்தார்கள்.

‘பிராமணாள் கபே’ அமைந்திருந்த இடம் பல கடைகள் உள்ள ஒரு கட்டிடத்தில். அங்கு அந்தக் கடை வாடகைக்குத்தான் இருந்தது. ஆர்ப்பட்டத்திற்கு பின், ‘பிராமணாள் கபே’ பெயர் பலகைக்கு முன்னால், தினமும் காவல்துறையினர் கும்பலாக நின்று கொண்டிருந்ததால், அதன் அக்கம் பக்கம் உள்ள கடைகளுக்கு மக்கள் செல்வது குறைந்து, அவர்களுக்கு வர்த்தகம் பெரும் அளவில் பாதிக்கப்பட்டது.

மற்றக் கடைக்காரர்களின் நெருக்கடியும், அந்தக் கட்டிட உரிமையாளர், ‘பிராமணாள் கபே’ வை காலி செய்ய சொன்னதினாலும்தான், அது காலி செய்யப்பட்டது.

இப்படி ஒரு நெருக்கடியை அங்கு நடந்த ஆர்ப்பட்டமே உருவாக்கியது.

அதனால்தான் தந்தை பெரியார் திராவிடர் கழகத் தோழர்களுக்கு நன்றியும், வாழ்த்துகளையும் தெரிவித்தேன். மற்றபடி திராவிடர் கழகத்தின் பெயரை இருட்டடிப்பு செய்ய வேண்டும் என்ற நோக்கம் இல்லை.

இந்தப் பிரச்சினை இதோடு முடியவும் இல்லை.

‘பிராமணாள் கபே’ திருமாலின் அவதாரம் போல் மீண்டும், பிராமணர் சங்க ஆதரவுடன் பிரம்மாண்டமாக சொந்தக் கட்டிடத்தில் வரலாம்?

முன்னதாக, தோழர் கொளத்தூர் மணி தலைமையிலான திராவிடர் விடுதலைக் கழகத்தின் சார்பாக அங்கு போராட்டம் நடத்தப்படும் என்று அறிவித்திருந்தார்கள். அவர்களின் பெரியார் முழக்கம் இதழிலும், இணையத்திலும் ‘பிராமணாள் கபே’ எதிர்ப்பு விளக்கத்தை மிக சிறப்பாக எழுதி இருந்தார்கள்.

அவர்களைப் பற்றிக்கூட நான் எதுவும் குறிப்பிடவில்லை.

சரி, நான் தி.க வின் பணியை பார்ப்பனர்கள் போல் இருட்டடிப்பு செய்வதாக குறிப்பிட்டிருக்கிறீர்கள்.

பெரியார் தொண்டர் என்கிற முறையில் நீங்கள் (தி.க) ‘பிராமணாள் கபே’ எதிர்ப்பில் ஈடுபட்ட பெரியார் தொண்டர்களை கைது செய்ததை கண்டித்தீர்களா? முதல்வருக்கு விடுதலைச் செய்ய சொல்லி வேண்டுகோள் விடுத்தீர்களா?

கருத்து வேறுபாடின் காரணமாக தனித் தனியாக பிரிந்த பிறகும், தோழர் கொளத்தூர் மணி, பெரியார் தொண்டர்களை விடுதலை செய்யச் சொல்லி அறிக்கை கொடுத்தார்.

திராவிடர் விடுதலை கழகத்தின் சார்பாக சுவரொட்டிகள் ஒட்டப்பட்டன.

மக்கள் கலை இலக்கிய கழகமும், தந்தை பெரியார் திராவிடர் கழகத் தோழர்கள் கைது செய்யப்பட்டதற்கு, அதிமுக அரசைக் கண்டித்து சுவரொட்டி ஒட்டினார்கள்.

நீங்கள் என்ன செய்தீர்கள்?

ஊழல் குற்றச்சாட்டில் கைதாகிற திமுக முன்னாள் அமைச்சர்கள் கைதை கண்டிக்கிற நீங்கள், பெரியார் தொண்டர்கள் கைதை கண்டித்தீர்களா?

தி.க வின் பொதுக்கூட்டத்திற்கு அனுமதி மறுத்த காவல் துறை சொன்னக் காரணம்: ‘தந்தை பெரியார் திராவிடர் கழகத்தைச் சேர்ந்தவர்களால், ஸ்ரீரங்கத்தில் சட்டம் ஒழுங்கு பாதிக்கப்பட்டிருப்பதால் உங்களுக்கு பொதுக்கூட்டத்திற்கு அனுமதி மறுக்கப்படுகிறது’ காவல் துறையின் இந்த விளக்கத்தை விடுதலையும வெளியிட்டு இருந்தது.

இந்தப் பிரச்சினைக்காக திருவானைக்காவலில் நடந்த பொதுக் கூட்டத்தில், திராவிடர் கழகத் தலைவர் வீரமணி அவர்களும், காவல் துறையின் இந்த அறிவிப்பை ஒட்டித்தான்,

‘யாரோ சட்டத்திற்கு புறம்பாக நடத்திய ஆர்ப்படத்திற்காக, எங்களுக்கு அனுமதி மறுப்பது என்ன நியாயம்..?’ என்றே பேசியிருக்கிறார்.

‘பிராமணாள் கபே’ பெயர் பலகைக் கூட சட்டத்திற்கு உட்பட்டுத்தான் இருந்தது.

*

10-11-2012 அன்று எழுதியது.
வேறு தீவரமான பிரச்சினைகள் போனதால், காலதாமதமாக இன்று (15-11-2012) வெளியிடப்படுகிறது.

தொடர்புடையது:

பிராமணாள் கபே: தலையில் பிறந்தவர்களா-தந்தை பெரியாரா?