பாண்டவருக்கும் பாகிஸ்தான்காரர்களுக்கும் பங்காளித் தகராறு!

mahabharat

மத நல்லிணக்கம் பேசுகிறவர்கள் பெரும்பாலும் இந்துக்கள் தான். நாஸ்திகர்கள் கூட இந்துக்களில் மட்டும் தான் இருக்கிறார்கள். நாஸ்திகம் பேசுகிற பல முஸ்லிம்களும், கிறிஸ்தவர்களும் தீவிரமான மத நம்பிக்கையாளராகத்தான் இருக்கிறார்கள். இந்துக்களின் ஒற்றுமையை குலைத்து விட்டு அவுங்க மட்டும் ரொம்ப ஒற்றுமையாக இருக்கிறார்களே?

வி. சௌமியா, காஞ்சிபுரம்.

“இந்தியாவின் இரு பெரும் இதிகாசங்கள் ராமாயணம், மகாபாரதம்” என்று சொல்கிறார்கள். நாஸ்திகர்களும் அப்படி சொல்கிறார்கள்.

அப்படி சொல்வது தவறு. அது முஸ்லிம்களையும், கிறிஸ்தவர்களையும் இந்தியர்களாகவே கணக்கில் வைத்துக் கொள்ளாமல் சொல்லப்படுகிற வாக்கியம். ‘இந்துக்களின் இருபெரும் இதிகாசங்கள்’ என்று தான் அவைகளைச் சொல்ல வேண்டும். அது தான் சரி.

அந்த இருபெரும் இதிகாசங்களில் ஒன்றான மகாபாரதத்தில் பாரதப் போர் வருகிறதல்லவா, அது என்ன பாண்டவருக்கும் பாகிஸ்தான்காரர்களுக்குமா நடந்தது? பங்காளித் தகராறு. அப்பவே இப்படி இருக்க, அப்புறம் இப்ப வந்து நீங்க இந்து ஒற்றுமையின்மைக்காக இஸ்லாமியரை குறை சொல்றது அநியாயம்.

இந்து மத வெறியர்கள் வேண்டுமென்றே இஸ்லாமியர்களை குறி வைத்துக் தாக்குவதால், இஸ்லாமிய ஒற்றுமை என்பது கட்டாயத் தேவையாய் இருக்கிறது. இஸ்லாமியர்கள் நெருங்கிப் பழக வந்தாலும் அவர்களை சுத்தம் அற்றவர்களாக, மட்டமானவர்களாக பார்க்கிற பழக்கம் ஜாதி இந்துக்களிடையே இருக்கிறது. அந்த சுயமரியாதை உணர்வின் பொருட்டே இஸ்லாமியர்களோடு மட்டும் பழக வேண்டிய அவசியம் இஸ்லாமியர்களுக்கு நேருகிறது.

மற்றப்படி இஸ்லாமியர் என்பதற்காகவே ஒற்றுமையாக இருக்கிறார்கள் என்கிற குற்றச்சாட்டு, மிகவும் திட்டமிட்டது. சன்னி, ஷியா முஸ்லிம்களிடையே நடக்கிற சண்டைகள் மதக்கலவரம் போல் தான் நடக்கிறது. இஸ்லாமிய நாடுகளின் ஒற்றுமையின்மையினாலேயே ஈராக்கை அழித்து சதாமை தூக்கிலிட்டது அமெரிக்கா. இஸ்லாமியர்களின் புனித தலமான மெக்கா, மெதினா சவுதி அரேபியாவில் தான் இருக்கிறது. அந்த சவுதி அரேபியாதான் இஸ்லாமிய நாடுகளை அமெரிக்காவிற்குக் காட்டிக் கொடுக்கும் கருங்காலி வேலையைச் செய்கிறது.

மற்றப்படி நாஸ்திகர்களாக நடிப்பவர்கள் இந்துக்களிலும் ஏராளமாக இருக்கிறார்கள். அவர்கள் தங்கள் உணர்வை ஜாதி ரீதியாக வெளிப்படுத்துகிறார்கள். இந்து உணர்வு என்பது ஜாதி உணர்வுதானே. கடவுள் மறுப்பை, ஜாதி மறுப்பை அறிவியல் பூர்வமாக புரிந்து கொள்ளாமையே. சில நேரங்களில் இந்தப் போலி நாஸ்திகர்களால் மதக் கலவரம் கூட வர வாய்ப்பிருக்கிறது.

*

வழக்குரைஞர் கு. காமராஜ் நடத்திய ‘விழிப்புணர்வு’ – 2007 ஆகஸ்ட்   மாத இதழுக்காக வாசகர் கேள்விக்கு நான் எழுதிய பதில்.

*

வே. மதிமாறன் பதில்கள் புத்தகத்திலிருந்து… என்னுடைய பிற புத்தகங்களுக்கும்..

‘அங்குசம்’ ஞா. டார்வின்தாசன்
எண்.15, எழுத்துக்காரன் தெரு
திருவொற்றியூர்
சென்னை-600 019.

பேச: 9444 337384

தொடர்புடையவை:

தமிழ்நாட்டில் முஸ்லீம் கட்சிகள் வளரவே இல்லை!

முஸ்லிம் பணம் குடுக்குறாங்களா.. எங்க?

இஸ்லாம் எதிர்ப்பு படமும் இஸ்லாமியர்களின் எதிர்ப்பும்

இந்து மதத்திற்கு ஞானஸ்நானம் செய்து கொண்ட கிறித்துவம்

தேர்தல்: மதவாதக் கட்சிக்கு எதிர்ப்பு ஜாதியக் கட்சிக்கு ஆதரவா?

votingராட்டிய பால்தாக்ரே வைப் போல், தமிழ்நாட்டு தாக்ரே ஆவதற்கு பலபேர் அலைந்து கொண்டு இருக்கிறார்கள். தாக்ரே-மோடி இவர்களின் களம் தலித்-இஸ்லாமிய எதிர்ப்பு. பார்ப்பன மற்றும் இடைநிலை ஜாதிகளிடம் செல்வாக்கு. (தலித் அல்லாத கிறித்துவர்கள் உட்பட)
இது போன்ற முறை தான், தமிழ்நாட்டிலும் இனி வருகிற தேர்தல்களில் முக்கியப் பங்கு வகிக்கும். இந்தக் கூட்டணியில் ஜாதிக் கட்சிகளோடு தமிழ்த்தேசியக் கட்சிகளும் அணிவகுக்கும்.

ஜாதி இந்துக்கள் செல்வாக்கு பெற்ற மற்ற கட்சிகளும் இந்த முறையையே ஆதரிக்கும். தனக்கு எந்தக் கட்சி அதிக  இடங்கள் தருகிறதோ அந்தக் கட்சியின் கூட்டணிக்குள் தலித் கட்சிகளும் இடம்பெறும்.

ஒவ்வொரு ஜாதி இந்துவும் கோடிக்கணக்காண தாழ்த்தப்பட்ட மக்களைவிட தன்னை உயர்வானவனாக கருதுகிறான் அவர்கள் மீது காழ்ப்புணர்ச்சியும் கொண்டிருக்கிறான். கூடுதலாக தாழ்த்தப்பட்ட மக்கள் தன்னைவிட பொருளாதார ரீதியாக உயர்ந்தால் அவனுடைய காழ்ப்புணர்ச்சி அதிக வேகம் பெற்று வன்முறையாக வடிவம் பெறுகிறது.

ஆனால், தன்னிச்சையாக தலித் மக்கள் மீது வன்முறையை நிகழ்த்துவதற்கு அவன் தயார் இல்லை. அப்படி ஒரு வாய்ப்புக்காக காத்திருக்கிறான்.

இந்த மனோபாவம் கொண்ட ஜாதி இந்துவின் மனதில், உட்ஜாதி பிரிவுகளாக தனித் தனியாக இருக்கிற தலித் கட்சிகள், ஜாதிக் கட்சிகளாகத்தான் அடையாளமாகிறது. அந்தக் கட்சிகளின் வளர்ச்சி ஜாதி இந்துவின் மனதில் இன்னும் கூடுதல் காழ்ப்புணர்ச்சியாக தலித் விரோத மனோபாவத்தையே ஏற்படுத்துகிறது.

‘தன் ஜாதி’ என்கிற நிலையையும் தாண்டி, ‘தலித் அல்லாதவன்’ என்கிற நிலையாக வடிவம் பெறுகிறான்.

பொதுவாக ஜாதி இந்துக்கள், திருமணம் உட்பட தங்களுக்குள் எந்த வகையான கொடுக்கல் வாங்கல்களிலும் ஈடுபடாமல் ஒவ்வொரு ஜாதியும் தனித் தனியாகத்தான் இயங்குகிறது. பார்ப்பனரிலிருந்து பிள்ளை, செட்டி, முதலி, வன்னியர், கள்ளர்  வரை இப்படித்தான்.

இப்படி தனித்தனியாக இயங்குகிற ஜாதிகள், ஒரே ஒரு விசயத்தில் மட்டும் எல்லோரும் ஒரே ஜாதிக்கார்ர்கள் போல்  உணர்ந்து செயல்படுவது, தலித் மக்களுக்கு எதிரான காழ்ப்புணர்ச்சி வன்முறைகளின்போதுதான்.

இஸ்லாமியக் கட்சிகளை சுட்டிக் காட்டி, ‘பாத்தியா துளுக்கன் எல்லாம் எவ்வளவு ஒத்துமையா இருக்கான். நம்மகிட்ட அந்த ஒத்துமை கிடையாது’ என்று தன் கட்சிக்கு ஆள் சேர்க்கிற பா.ஜ.க., ஆர்.எஸ்.எஸ். போல்,

ஜாதி இந்துவிடம், தலித் விரோதமே அவனின் ஜாதி உணர்வாகவும், தன் ஜாதிக்கான அங்கிகாரமாகவும் அடையாளப்படுத்தப்படுகிறது. அந்தத் ‘திருப்பணியை’ சிறப்பாக செய்து முடிக்கின்றன ஜாதிக் கட்சிகளும் மற்றக் கட்சிகளில் இருக்கிற ஜாதி இந்து தலைமையும்.
மிகப் பெரும்பாலும், தலித் மக்கள் மீதான வன்முறைகள் வட்டச் செயலாளர்கள், பஞ்சாயத்துத் தலைவர்கள், கவன்சிலர்கள், முன்னாள் எம்.எல்.ஏ க்கள் இவர்களின் தூண்டுதலின் பெயரில்தான் நடந்திருக்கிறது. நடக்கிறது.

தன் ஜாதி உட்பட, எல்லா ஜாதிகளிலும் எல்லா கட்சிகளிலும் இருக்கிற சமூக விரோதிகளைப் போலவே தலித் ஜாதிகளிலும் தலித் கட்சிகளிலும் இருக்கிறார்கள். ஆனால் தலித் ஜாதிக்குள் இருக்கிற ஒரு சில ரவுடிகளை ஒட்டுமொத்த தலித் மக்களின் அடையாளமாக மாற்றுவதில்தான் ஜாதி கட்சிகள் தங்களின் அரசியல் செயல்பாடாக அடையாளப்படுத்திக் கொள்கிறது.

ஒரு ரவுடியாக இருக்கிற தலித்தின் செயலும் ஒட்டுமொத்த தாழ்த்தப்பட்ட மக்களின் மேல் வன்முறை நடத்துகிற ஜாதி இந்துக்களின் ஜாதி வெறியையும் ஒன்றாக அடையாளப்படுத்துகிற மோசடி இன்று தீவிரமான அரசியலாக வடிவம் பெறுகிறது.

‘ஏன்டா எங்க சமூகத்தில இருக்கிற மக்களை எல்லாம் தீண்டாமை செய்து அவமானப்படுத்துகிறீர்கள்?’ என்று தலித் சமூகத்தில் இருக்கிற ஒரு ரவுடி கேட்பதில்லை. மாறாக மத்த ஜாதி ரவுடிகள் என்ன செய்கிறார்களோ அதைத்தான் அவரும் செய்கிறார்.

ஆனால், நடைமுறையில், இவர்கள் அந்த சம்பந்தபட்ட ரவுடிகளிடம் எந்த பிரச்சினையும் செய்து கொள்ளாமல் அவர்களுடன் இணைந்து, இவர்களின் சொந்த லாபங்களுக்காக ‘தலித் – தலித் அல்லாத’ கூட்டிணியாக கட்டப் பஞ்சாயத்து அரசியல் செய்கிறார்கள். இந்த இரண்டு ஜாதி ரவுடிகளிடமும் தலித் மக்களே அதிக அளவில் பாதிக்கப்பட்டிருக்கிறார்கள்.

தலித் ஜாதியை சேர்ந்த தன்னுடைய ‘பாட்னரோடு’ தொழில் தகராறுகள் முற்றி விட்டால். அவர்களுக்குள் அடித்துக்  கொள்ளாமல், அந்தப் பிரச்சினையை அப்பாவியான எளிய தலித் மக்கள் மீதான தாக்குதலாக மாற்றி விடுகிறார்கள் தலித்தல்லாத ரவுடிகள். இதுதான் தர்மபுரி உட்பட அதற்கு முன்னும் பின்னும் பல ஊர்களில் நடந்தது.

திருட்டு வழக்கில் எல்லா ஜாதிக்காரர்களுமே கைதாகிறார்கள். ஆனால் அதில் ஒருவர் தலித்தாக இருந்தால் அவருக்கு மட்டும் கூடுதலாக நாலு அடி விழும். காவல் துறையினரின் இந்த தாராள மனதுக்குக் காரணம், மற்றவர்களை அடிக்கும்போது அவர்கள் போலிஸ்காரர்களாக மட்டும் இருந்து அடிக்கிறார்கள். அதுவே தலித் இளைஞனாக இருந்தால், அவர்கள் ஜாதி இந்துவாகவும் ‘டபுள் ஆக்சைனில்’ அடிக்கிறார்கள். அது போலத்தான் இந்த ஊடகங்களும் நடந்து கொள்கிறது.

கொலை, கொள்ளை போன்றவற்றில் ஈடுபடுபவர்கள் முற்படுத்தப்பட்ட, பிற்படுத்தப்பட்ட ஜாதிக்காரர்களாக இருந்தால், அவர்கள் என்ன ஜாதி என்ற யோசனைக்கே பத்திரிகைகள் செல்வதில்லை. மாறாக அவர் தலித்தாக இருந்தால் ஏதோ ஒரு வகையில் அவரின் ஜாதியை அடையாளப்படுத்தி விடுகிறார்கள் பத்தரிகைகளில் இருக்கிற ஜாதி இந்துக்கள்.

இதுபோலவே, தன் ஜாதிக்காரர்களிடம் செல்வாக்கு பெறுவதற்கும் இழந்துபோன செல்வாக்கை மீண்டும் பெறுவதற்கும் தலித் விரோதமே தன் ஜாதியின் வீரமாக சித்திரிக்கறார்கள் ஜாதிக் கட்சிகள். அதனால்தான் தன்னை இழிவாக நடத்துகிற கருதுகிற பார்ப்பன பார்ப்பனரல்லாத ஆதிக்க ஜாதிக்காரர்களிடம் அடக்கி வாசிக்கிறார்கள், இடை நிலை ஜாதிப் படியில் கடைசி நிலையில் இருக்கிற ஜாதிகள்.

இதுபோன்ற தலித் விரோத போக்கைத் தடுக்க, குறைக்க ஜாதிக் கட்சிகளின் அரசியல் ரீதியான செல்வாக்கை குறைப்பது தான்  முதல் கட்ட வழி.

இவர்களின் இலக்கு தன் ஜாதி ஓட்டை அப்படியே தனக்கு பெறுவது. அதற்காக எதையும் செய்வார்கள். தன் ஜாதிக்காரர்களிடம் செல்வாக்கு அடைந்துவிட்டால் நம்மை திமுகவோ, அதிமுகவோ அங்கீகரித்து அதிக இடங்கள் தருவார்கள் என்பதே திட்டம்.

தேர்தலில் இவர்களோடு மற்றக் கட்சிகள் கூட்டணி வைத்துக் கொள்வதே இவர்களுக்கான அங்கீகாரம்.

மதசார்பற்ற, ஜாதி சார்ப்பற்ற கட்சிகளாக தங்களை அறிவித்துக் கொள்பவர்கள், தேர்தலில் பா.ஜ.க. வோடு கூட்டணியில்லை என்று பகிரங்கமாக அறிவிப்பதைப்போல்,

ஜாதிக் கட்சிகளுடன் கூட்டணி இல்லை. அந்தக் கட்சிகளுடன் கூட்டணி வைக்கிற கட்சிகளுடனும் ஒருபோதும் கூட்டணி என்ற பேச்சுகே இடமில்லை என்று அறிவிக்க வேண்டும்

இல்லையேல் தமிழ்நாட்டில் தலித் விரோதமும் இஸ்லாமியர் எதிர்ப்பும் சாதரணமான நிகழ்ச்சியாகிவிடும்.

தர்மபுரியில் தலித் மக்கள் வீடுகள் இடிக்கப்பட்டபோது, கேப்டன் நியுஸ் டீவியில், 12.11.2012 அன்று தம்பி வேந்தன் நடத்திய நிகழ்ச்சியில்; நான், தீண்டாமை ஒழிப்பு முன்னணி தலைவர் சம்பத்திடம்,

“பா.ஜ.க. போன்ற மதவாதக் கட்சிகளுடன் கூட்டணி இல்லை அவைகளோடு கூட்டணி வைத்திருக்கிற கட்சிகளுடனும் கூட்டணி இல்லை என்று முடிவு செய்திருப்பதுபோல்-பா.ம.க போன்ற ஜாதிக் கட்சியுடனும் ஜாதிக் கட்சிகளுடன் சேர்ந்திருக்கிற அணியிலும் கூட்டணி இல்லை என்று உங்கள் கட்சி (சி.பி.எம்.) அறிவிக்க வேண்டும். அதுதான் நீங்கள் தர்மபுரி விவகாரத்தில் எடுக்க வேண்டிய நடவடிக்கை. எரியறத புடுங்குனாதான் கொதிக்கிறதை அடக்க முடியும்” என்றேன்.

அதற்கு  தோழர் சம்பத், ‘பா.ம.க வை அப்படி முற்றிலுமாக ஒதுக்கிவிட முடியாது.’ என்று ஒரே போடாய் போட்டு விட்டார்.

*

கேப்டன் டீ.வி. இந்த நிகழ்ச்சியை தனுது You Tube ல் வெளியிடவில்லை. தொழில் நுட்பக் கோளாறு காரணம் என்று சொல்லப்பட்டது.

*

கேப்டன் டீ.வி. You Tube லிருந்து வேந்தன் நேற்று (30.10.2013) இதைத் தேடி எடுத்துத் தந்தார். இது கடைசிப் பகுதி. இதில் தோழர் சம்பத் எனக்கு பேசவே வாய்ப்புத் தரவில்லை.

தொடர்புடையவை:

வன்கொடுமை தடுப்புச் சட்டமும் பிற்படுத்தப்பட்டவர்களும்

தேர்தல் கூட்டணி முடிவாகிவிட்டது!

இந்திய ராஜபக்சே! வருங்கால பிரதமரா தமிழினக் காவலரா?

தமிழருவி மணியனுக்கு M.P. சீட்டு: இதற்குதானே ஆசைப்பட்டாய் பாலகுமாரா?

தமிழ்நாட்டில் முஸ்லீம் கட்சிகள் வளரவே இல்லை!

தருமபுரி: தலித் மக்கள் மீது வன்னிய ஜாதி வெறி தாக்குதல்; மத்த ஜாதிக்காரர்கள் யோக்கியமா?

ஒருங்கிணைந்த டாக்டர். அம்பேத்கர் நற்பணி மன்றம் திறப்பு விழா

scanதொடர்புடையவை:

‘அம்பேத்கர் இந்திய தேசியத்தை ஆதரித்தார்..’ ஆமாம் இப்போ இன்னாங்குற அதுக்கு?

‘மவுனத்திற்கு’ பின் ‘சம்மதமாக’ மறைந்திருப்பது அம்பேத்கர் மீதான வெறுப்பே

அம்பேத்கர் என்னும் ஆபத்து

பிற்படுத்தப்பட்டவர்களுக்கும் தலைவர் டாக்டர் அம்பேத்கர்

தினத்தந்தியின் சாட்டையடி!

thanthieன்றைய தினத்தந்தி நாளிதழில் புத்தக மதிப்புரை பகுதியில் தமிழறிஞர் தமிழண்ணல் எழுதிய ‘இரா. நாகசாமியின் பழுதடைந்த கண்ணாடியும், பார்வைக் கோளாறுகளும்’ என்ற நூல்  இடம் பெற்றிருக்கிறது.

அதில் ஒவ்வொரு வார்த்தையும் உணர்வோடு பயன்படுத்தப் பட்டிருக்கிறது. இதுதான் அது :

“தொல்லியல் ஆராய்ச்சியாளரான இரா. நாகசாமி, ஆங்கிலத்தில் ஒரு புத்தகம் எழுதியுள்ளார். ‘தமிழையும், சமஸ்கிருதத்தையும் காட்டும் கண்ணாடி’ (THE MIRROR TAMIL AND SANSKRIT) என்பது அந்த நூலின் பெயர்.

தமிழ் தனித்தன்மையுடன் வளரவில்லை என்றும் சமஸ்கிருத சொற்களைக் கடன் வாங்கியே வளர்ந்தது என்றும் இந்த நூலில் அவர் குறிப்பிட்டுள்ளார். பொதுவில் வடமொழியை உயர்த்தியும், தமிழை தாழ்த்தியும் இந்த நூல் எழுதப்பட்டுள்ளது.

இதற்கு பதிலடி கொடுக்கும் வண்ணம், தமிழறிஞர் தமிழண்ணல் “இரா. நாகசாமியின் பழுதடைந்த கண்ணாடியும், பார்வைக் கோளாறுகளும்” என்ற தலைப்பில் சிறந்த புத்தகம் ஒன்றை எழுதியுள்ளார். தமிழின் சிறப்பு குறித்து, மேல்நாட்டு அறிஞர்களே வியந்து புகழ்ந்து எழுதியிருப்பதை எல்லாம் சுட்டிக்காட்டி இருக்கிறார். தமிழின் சிறந்த இலக்கியங்களை வடநாட்டவர்தான் களவாடிச் சென்றுள்ளனர் என்பதை ஆதாரங்களுடன் எடுத்துக்காட்டுகிறார்.

தமிழ்ப்பகைவர்களுக்கு சாட்டையடி கொடுக்கும் விதத்தில் நூலை எழுதியுள்ள தமிழண்ணலுக்கு தமிழகம் கடமைப்பட்டுள்ளது.” – தினத்தந்தி (23.10.2013)

‘களவாடி’ – ‘பதிலடி’ – ‘வடமொழியை உயர்த்தியும், தமிழை தாழ்த்தியும்’ – ‘தமிழ்ப்பகைவர்களுக்கு சாட்டையடி’ – ‘தமிழண்ணலுக்கு தமிழகம் கடமைப்பட்டுள்ளது’

-இப்படி தமிழ் உணர்வு கொப்பளிக்க கோபத்தோடு இந்த நூலை அறிமுகம் செய்தவருக்கும் அதை அனுமதித்த அதன் ஆசிரியருக்கும் நன்றியையும் பாராட்டுதலையும் தெரிவித்துக் கொள்வோம்.

‘வணிக பத்திரிகையில் இப்படி எல்லாம் எழுத முடியாது’ என்று கதையளப்பவர்கள் மத்தியில், அதுவும் வெகுஜன இதழ்களில், முதல் இடத்தில் இருக்கிற ஒரு வணிக இதழில் ‘தமிழைப் பழித்தவருக்கு சாட்டையடி’ என்று தலைப்பிட்ட துணிச்சலுக்கு கூடுதலாக பாராட்டுவோம்.

தினமலர், தினகரன், தினமணி, தமிழ் இந்து இன்னும் பல பார்ப்பன ‘தமிழ்’ பத்திரிகைகளில் இது போன்ற மொழி நடையில் ஒரு புத்தக அறிமுகத்தை ஒருபோதும் பார்க்க முடியாது என்பதல்ல, பார்க்க முடியும். அது இந்து மதத்திற்கு எதிரான சம்ஸ்கிருதத்திற்கு எதிரான புத்தகமாக இருந்தால்..

**

தமிழ்த்தேசியவாதிகளிடமும் இதுபோன்ற தமிழ் உணர்வு கண்ணோட்டத்தை தான் எதிர்பார்க்கிறோம்.

ஆனால் அவர்களோ ‘ஆங்கிலத்தில் பேசினால் பல்லை உடைப்பேன்..  நாக்கை அறுப்பேன்..’ என்று ஆங்கிலத்திற்கு மட்டும் எதிர்ப்பு தெரிவித்துவிட்டு;

‘தமிழ் நீசமொழி, இழிவான மொழி, வழிபாட்டுக்கு தகுதியானதல்ல’ என்று அவமானப்படுத்துகிற சமஸ்கிருத்திற்கு ஆதரவாக, தன் குடும்பத்தின் திருமணங்களை தமிழ் விரோத சம்ஸ்கிருத மந்திரங்கள் முழுங்க நடத்திவிடுகிறார்கள். தங்கள் குழந்தைகளுக்கும் தமிழுக்கு எதிரான சம்ஸ்கிருத இந்து பெயர்களையே வைத்து தமிழைக் கொன்றொழிக்கிறார்கள்.

என்ன பண்ணறது…

இங்கிலீசை கண்டுபுடிச்ச வெள்ளக்காரன் வெளிநாட்ல இருக்கான். எவ்வளவு வேணுமானாலும் திட்டலாம் பிரச்சினை இல்லை.

சமஸ்கிருத்தை உயர்வா மதிக்கிறவர்கள்தானே இங்க தமிழ் பத்திரிகையாளர்களாக இருக்கிறார்கள். சமஸ்கிருத்தை எதிர்ப்பது அல்லது மறுப்பது என்பது பார்ப்பன எதிர்ப்பாக மாறிபோதே.. ‘அவுங்க’ கோவிச்சிக்க மாட்டாங்களா.. அப்புறம்.. ?

அப்புறம் என்ன..? இந்து எதிர்ப்பு கண்ணோட்டம் இல்லாத தமிழ் உணர்வு, எப்போதுமே தமிழ் விரோத சம்ஸ்கிருத அடிமைதான்.

**

தமிழணண்ல் எழுதிய ‘இரா. நாகசாமியின் பழுதடைந்த கண்ணாடியும், பார்வைக் கோளாறுகளும்’ புத்தகம் வாங்க :

 தமிழ் பேராயம் திரு. இராமசாமி நினைவுப் பல்கலைக்கழகம், காட்டாங்குளத்தூர் – 603 203, காஞ்சிபுரம் மாவட்டம், விலை – 120.

தொடர்புடையவை:

‘சமஸ்கிருத கலப்பே தமிழை மேம்படுத்தும்’

பாரதி + ஜீவா = ஜெயகாந்தன்

‘தி இந்து’ ஜெயகாந்தன் தரும் தமிழர்களுக்கான அறிவுரை; ‘புத்தி சொல்றாராமா..!’

பெரியார்தான் தமிழை வளர்த்தார்; தமிழறிஞர்கள் தமிழனுக்கு எதிரான ஜாதி, சமயத்தை வளர்த்தார்கள்

டாக்டர் அம்பேத்கரின் தமிழ் உணர்வும்; முற்போக்காளர்கள், அறிஞர்கள், தமிழனவாதிகளின் ஜாதி உணர்வும்

நாறும் தமிழ் மூச்சும் மணக்கும் சமஸ்கிருத‘வாயு’த் தொல்லையும்’ இதுதான் ஞானக்கூத்து!

ராவண தேசமும் இராவண காவியமும்

Ravana-Desam‘ராவண தேசம்’ என்ற பெயரில் சினிமா விளம்பரம் நாளிதழ்களில் வெளியாகி இருந்தது. சென்னை முழுக்க சுவரொட்டிகளும் இருந்தன.

தலைப்பை பார்க்கும்போது ‘இன்றைய சினிமா உலகில் திராவிட இயக்கப் பாணியில் எதிர்ப்பரசியல் தலைப்பா?’ என்ற வியப்புடன் ‘இது தமிழர் துயரத்தை ஈழத் தமிழர் நிலையிலிந்தே சொல்லுமா?’ என்கிற ஏக்கமும் கூடவே.

ஆனால் படம் எப்படி இருக்குமோ?
எதிர்பார்ப்புக்கு எதிராக இருந்தால் என்ன செய்ய முடியும்? இலங்கை கொடூரத்தின் குறியீடாக ராவணன் பெயர் இருந்தால்…?

இருந்தாலும் பெரியார் கண்ணோட்டம் கொண்ட ‘ராவண தேசம்’ என்ற எழுச்சிமிக்க அந்தத் தலைப்பு எனக்குள் ஒரு அலையை உருவாக்கியது.

‘இந்துப் பார்ப்பன மேன்மையும் அடிமைத் தனமும் நிரம்பி வழிகிறது’ என்று பெரியார் இயக்கம் தமிழ் இலக்கியங்களை ‘கந்தல்’ செய்தபோது, அதற்குப் பதில் சொல்ல வக்கற்றவர்கள்,
‘பெரியார் இயக்கத்திற்கு இலக்கிய அறிவே கிடையாது’ என்று தங்கள் இயலாமையை ரசனையாக மடை மாற்றி, இலக்கிய ரசிகர்கள் வேடத்தில், தகுதி-திறமைப் பேசினார்கள்.

பெரியார் இயக்கத்தை இலக்கிய ரசனையற்றவர்களாக சித்தரிப்பதில் தீவரம் காட்டிய தமிழறிஞர்கள் யாரும் இதுவரை தமிழ் இலக்கியத்திற்கு எந்த ஒரு சிறப்பான படைப்பிலக்கியத்தையும் செய்ததில்லை.

மாறாக அவர்கள் செய்ததெல்லாம்; ‘சிலப்பதிகாரத்தில், கம்ப ராமாயணத்தில், சங்க இலக்கியங்களில் ஆஹா.. ஓஹோ.. அடடடடா.. என்னமா எழுதியிருக்கான்யா…’ என்ற திண்ணை தூங்கிகள் பாணியிலான வெத்தலைப் பாக்கு வாய், வெட்டிப் பேச்சுகள்தான். பக்தி சார்ந்த இலக்கியத்தைக்கூட அவர்கள் செய்யவில்லை.
அதாவது பழம்பெருமையைத் தவிர வேறு ஒன்றுமில்லை.

ஆனாலும் நவீன காலத்திலும், சங்க இலக்கிய காலத்தின் தமிழுக்கு இணையாக பெரியார் இயக்கம் மட்டும் தான், தன் இலக்கியப் பணியை செய்தது.

சிலப்பதிகாரம், கம்ப ராமாயணம் போன்ற காவியங்களுக்கு இணையாக; கம்ப ராமாயணத்திற்கு எதிராக ஒரு படைப்பிலக்கியத்தை தந்தது.
அந்த எழுச்சிமிக்க இலக்கியம், புலவர் குழந்தையின் ‘இராவண காவியம்’. பெரியார் இயக்கத்தின் இலக்கியச் சாதனையாக உயர்ந்து நிற்கிறது.

ஆனாலும் கொஞ்சமும் வெட்கமில்லாமல், அந்தக் காலத் தமிழறிஞர்களும் இந்தக் கால நவீன இலக்கியவாதிகளும் புலவர் குழந்தையின் காவியச் சாதனையை மூடி மறைக்கின்றனர். உண்மையில் அவர்களிடம் இருப்பது தமிழ் உணர்வு மட்டும்தான் என்றால், ஏன் இராவண காவியம் திட்டமிட்டு தவிர்க்கப் படுகிறது? ஆக, அது தமிழ் உணர்வல்ல, தமிழ்வழியில் இவர்கள் ஏற்றிக் கொண்ட மதஉணர்வே தமிழ் உணர்வாக வடிவம் பெற்றிருக்கிறது.

கம்பனின் தமிழைப் போல், பண்டார பார்ப்பன சார்பு கொண்ட அடிமைத் தமிழாக இருந்திருந்தால் கொண்டாடி இருப்பார்கள்.
ஆனால், புலவர் குழந்தையின் தமிழோ பெரியாரின் சுயமரியாதையை உள்ளடக்கமாகக் கொண்ட பகுத்தறிவுத் தமிழ்.
அறிவு எப்போதுமே பழைவாதிகளுக்கு மதவாதிகளுக்கு இனவாதிகளுக்கு அச்சமூட்டுவதாகவே இருக்கிறது.

**

Facebook ல் 11.10.2013 அன்று எழுதியது.

pulver kulanthaiபுலவர் குழந்தை

தொடர்புடையவை:

ரஜினிகாந்தும் கண்ணதாசனும் இன்னும் பிற…. இலக்கிய கூமுட்டைகளும்

கம்பராமாயணத்தில் அறிவியல்!

‘இவர்கள்தான் நவீன எழுத்தாளர்கள்’ ; நல்லாயிருக்கு ராஜா நியாயம்!

Rush: ஒளி ஒலியின் உன்னதம்

rushசெப்டம்பர் மாத நடுவில் அநேகமாக இந்தப் படம் வெளியான ஒரு வாரத்திற்குள் சென்னை எஸ்கேப் திரையரங்கத்தில் பார்த்தேன்.

வித்தியாசனமான களம். சர்வதேச அளவில் கார் பந்தயம் நடைபெறும் ஓடுகளமே களம். டபுள் ஹீரோ சப்ஜெக்ட்.

கார் பந்தயம் துவங்க சில விநாடிகளே உள்ள நேரத்தில் வெவ்வேறு கோணங்களில் காட்டுகிற அந்தக் காட்சிகளுக்கே இந்தப் படத்தை பலமுறை பார்க்கலாம். கடைசியாக ஜப்பானில் மழை நேரத்தில் நடக்கும் போட்டியில் பந்தயம் துவங்க இருப்பதற்கு சில விநாடிகளுக்கு முன், சில விநாடிகளே காட்டப் படுகிற வெவ்வேறு ஷாட்டுகள் ஆயிரம் அழகுகளை அள்ளித் தெளிக்கிறது.

கார் பந்தயம் துவங்கும் போது கார்கள் எழுப்புகிற இரைச்சல், இந்தக் காட்சிகளோடு இணையும் போது திரையரங்கம் முழுக்க பேரொலியாய் சுழல்ன்றடிக்கிறது.

1976 ஆம் ஆண்டு நடக்கும் கதை. நிக்கி லோடா, ஜேம்ஸ் அன்ட் என்ற இரண்டு ஓட்டுநர்களுக்கிடையே ஏற்படும் போட்டியை மையமிட்டு திரைக்கதை செய்யப்பட்டிருக்கிறது. உண்மையில் நடந்த சம்பவத்தை வைத்து செய்யப்பட்டதும் கூட.

முதல் இடத்துக்கு மாறி மாறி வரும் இரண்டு கார் பந்தய ஓட்டுனர்களின் வாழ்க்கையை அவர்களின் காதல், திருமணம் அதனூடாக அவர்களின் போட்டியை சொல்லுகிற நேர்த்தியான திரைக்கதையை; பிரம்மாண்டமான, எளிமையான ஷாட்டுகளோடு சொல்லப்பட்டதே Rush.

நிக்கி லோடா, இவரின் வேகத்தில் ஒரு விவேகம். எதையும்
பரபரப்பின்றி அனுகுபவர். ஆனால் உறுதியாக. தன் காதல் உட்பட அவரின் அணுகுமுறை அப்படித்தான். நகைச்சுவை உணர்வு மிக்கவர்.

ஜேம்ஸ் அன்ட், அவருக்கு நேர் எதிர். பரபரப்பும் படபடப்பும் நிறைந்தவர். கார் ஓட்டுவதில் மட்டுமல்ல, காதலியை மணப்பதிலும் பிரிவிதிலும் கூட. பல பெண்களுடன் உறவு கொள்வதிலும். கோபக்காரர்.

நிக்கி லோடா வாக Daniel Bruhl ஜேம்ஸ் அன்ட்டாக Chris Hemsworth.

பார்வையாளர்களை கோமாளிகளாக நினைத்து கிராபிக்ஸில் படம்மெடுக்கிற சமீப ஹாலிவுட் படங்களிலிருந்து முற்றிலும் மாறுபட்ட ஒரு படத்தை தந்ததற்காகவே இயக்குநர் Ron Howard யை பாராட்டலாம்.

பொதுவாக இன்றைய படங்களில், காதல் காட்சிகளில் கூட அடுத்தடுத்த டி.வி. சேனல்களை மாற்றி மாற்றி பார்ப்பது போன்ற ‘கட், கட், கட்’ என்று கண்களுக்கு சோர்வைத் தருகிற எடிட்டிங் பாணியிலிருந்து விலகி, வேகமான கார் பந்தயத்தைக் கூட நேர்த்தியான முறையில், நிதானமாக தொகுத்திருக்கிற படத்தொகுப்பை எவ்வளவு வேண்டுமானலும் பாராட்டலாம்.

ஒரு எடிட்டருக்கு அதிக வேலை தராத இயக்குரே மிக சிறந்த இயக்குநர். அந்த வகையில் இயக்குநர் Ron Howard யை மீண்டும் பாராட்டலாம்.

ஒரு நடிகரை அடையாளம் தெரியாமல் வேறு ஆள்போல் மாற்றி விடுவதுதான் சிறந்த மேக்கப் என்கிற கமல் பாணி மேக்கப் தமிழ் சினிமாவிலிருக்கிறது. இதற்கு ஹாலிவுட்டிலிருந்து மேக்கப்மேன் வேற. வேறு ஆளாக தெரிய வேண்டுமென்றால் எதற்கு மேக்கப்? வேறு ஆளையே நடிக்க வைக்க வேண்டியதுதானே?

கார் பந்தயத்தில் ஏற்பட்ட தீ யினால் கடுமையாக பாதிக்கப் பட்ட Daniel Bruhl வின் முகத்தில் ஏற்படுகிற மாற்றம் அவ்வளவு உண்மையாக இருக்கிறது.

பார்வையாளனை காட்சிகளுக்குள் வசப்படுத்தி திரைக்கதைக்குள் பயணிக்க வைக்கிற ஒளிப்பதிவு, அதற்கு உணர்வுபூர்வமாக ஒத்துழைக்கிற இசை; Rush ஒரு முழுமையான சினிமா.

சினிமா ரசிகர்கள் மட்டுமல்ல தமிழ் சினிமா இயக்குநர்களும் குறிப்பாக பிரபல இயக்குநர்கள் பார்க்க வேண்டிய படம். ஒரு சினிமாவை எப்படி எடுப்பது என்பதை கற்றுக் கொள்ள.

தமிழ் சினிமாவின் நவீன இயக்குநர்களிடம் நாம் ‘கருத்து’ எதையும் எதிர்பார்க்கவில்லை. அவுங்க கருத்து எவ்வளவு பேராபத்து நிறைந்ததாக இருக்கிறது என்பதை அவர்கள் படங்களில் பார்த்துக் கொண்டுதான் இருக்கிறோம்.

‘கருத்து சொல்வதல்ல எங்கள் வேலை. சினிமா ஒரு கலை. தரமான சினிமாக்களாக எடுப்பதுதான் எங்கள் நோக்கம்’ என்று சொல்லிவிட்டு, தாங்கள் சொல்வதையே செய்யாத இயக்குநர்கள், இந்தப் படத்தை கண்டிப்பாக பார்க்க வேண்டும்.

‘கருத்து சொல்றேன்’ என்கிற பெயரில் எளிய மக்களுக்கு எதிராக படம் எடுப்பதற்கு பதில், கலையம்சம் நிரம்பிய Rush போன்ற வெகுஜன சினிமாக்களை எடுத்தலே போதும்.

‘அது மாதிரி சினிமா என்னங்க…? அதையே எடுத்திட்ட போது’ என்று இதை காப்பியடிச்சி எத்தனை படம் கார் ரேஸ், பைக் ரேஸ் என்று வரப்போகிறதோ?

Rush க்கு நேரப் போகிறது சோதனை. தமிழ் ரசகிர்களுக்கு கிடைக்கப் போகிறது வேதனை.

**

Facebook ல் 13.10.2013 அன்று எழுதியது.

தொடர்புடையவை:

World War Z; ஹாலிவுட்டின் உன்னதமும் சீரழிவும் அமெரிக்க மூடத்தனமும்

‘வருத்தப்படாத வாலிபர் சங்கம்’ – காமெடி கலகம்

இன்றைய ஹாலிவுட் படங்களில் இருந்து தமிழ்படங்கள் வரை ரஷ்ய பட இயக்குநர் அய்சன்ஸ்டினோட வடிவங்களை காப்பியடிச்சுதான் எடுக்குறாங்க. பொட்டம்கின் படத்துல ஒரு காட்சி…

அழ வைத்த 6 மெழுகுவர்த்திகள்!

6 candleசமீப நாட்களில் நான் பார்த்த 3 தமிழ் சினிமாக்களில் என்னை அதிகம் நெகிழ வைத்தது, ஷாம் நடித்து வெளிவந்த 6 மெழுகுவர்த்திகள் படத்தில் இடம் பெற்ற இரண்டு காட்சிகள்.

கடத்தப்பட்ட தன் மகனை தேடிப் போபால் நகரத்திற்குப் போன நாயகன், போன இடத்தில் தன் மகன் வயதொத்த ஒரு சிறுமியை அவர்கள் பாலியல் ரீதியாக தொல்லை செய்ய, அந்த சிறுமி தப்பியோட முயற்சிக்கும்போது அவள் எழுப்புகிற கூக்குரல் நம் நெஞ்சை அறுக்கிறது. வெகுடெண்ழுந்த நாயகன், அந்த சிறுமியை காப்பாற்றியதால் தன் மகனை மீட்கும் வாய்ப்பை இழந்து விடுகிறான்.

‘என்ன சார் இப்படி பண்ணிட்டிங்க..? உங்க பையானோட உயிருக்கே ஆபத்தாச்சே..’ என்று உடன் வந்தவர் கேட்க, ‘இவளும் ஒருத்தனடோ பொண்ணுதானே?’ என்று அவன் கதறி அழுதக் காட்சி.. என்னை நிம்மதியில்லாமல் செய்து விட்டது.

படத்தின் கடைசிக் காட்சியில் கல்கத்தாவிற்கு கடத்தி வரப்பட்ட பல சிறுவர்கள் கொத்தடிமையாய் வேலை செய்கிற இடத்தில், தன் மகனை தேடி நாயகன் வரும்போது அங்கிருக்கிற குழந்தைகள் பல மொழிகளில் ‘அப்பா நான்தான் உங்க பையன். என்ன கூப்பிட்டுபோங்க..’ என்று கெஞ்சுவதும் அதை தாங்க முடியாமல் நாயகன் கதறி அழுதபோது, நானும் அழுது விட்டேன். இதை எழுதும்போதும் எனக்கு கண் கலங்குகிறது.

கல்கத்தாவில் நாயகன் அநாதையாக வீதியில் படுத்துக் கிடக்கும்போது அவனை பாதுகாத்து அவன் மகனை தேடித் தருவதில் உறுதுணையாக மிகுந்த அன்பானவராக ஒரு தமிழ் முஸ்லிமை காட்டியிருக்கிறார் இயக்குநர் V.Z. துரை.

முஸ்லிம்களை தீவிரவாதிகளாகவே காட்டிய தமிழ் சினிமாவில், இப்படி நல்ல முஸ்லிம் காதாபாத்திரம் பல ஆண்டுகள் கழித்து திரையில் பார்த்து மகிழ்சியாய் இருந்தது.
நடிகர் ஷாமின் நடிப்பும் முதிர்ச்சியோடு பக்குவப்பட்ட நிலையிலிருந்தது.

**

Facebook ல் 5.10.2013 அன்று எழுதியது.

தொடர்புடையவை:

‘வருத்தப்படாத வாலிபர் சங்கம்’ – காமெடி கலகம்

ஓநாயின் முட்டாள்தனமும் அதனால் பலியான ஆட்டுக்குட்டிகளும்

பகுத்தறிவு கமலின் மதவெறி, பக்திமான் ஏ.பி.நாகராஜனின் மதநல்லிணக்கம்-அழகிகள்-திராவிட இயக்க சினிமா-எது வீரம்?

இளையராஜா வை விட ‘Iyer Sisters’ great!

Vidhya and Vandhanaஅவரு அப்படி சொல்லல; ஆனா, அதுக்கு அதுதான் அர்த்தம்.

*

‘கர்நாடக சங்கீதம், சாஸ்திரிய இசை பார்ப்பனத் தன்மை நிறைந்தது. அதைத்தான் இளையராஜா இசையாகத் தருகிறார், இளையராஜாவின் இசையும் சனாதனத் தன்மை நிறைந்தது’
என்று ராஜாவை தொடர்ந்து அவதூறு செய்த அ. மார்க்ஸ்,

Facebook ல் தனது பிறந்தநாளுக்கு வாழ்த்துச் சொன்ன, நண்பர்களுக்கு நன்றி தெரிவித்து நேற்று (4.10.2013) அவர்களுக்கு ஒரு பரிசு தருகிறார்:

பிறந்த நாளை நினைவுறுத்தி வாழ்த்துச் சொன்ன நண்பர்கள் அனைவருக்கும் நன்றிகள்…
நன்றி தெரிவிக்கும் முகமாக மகாகவி பாரதியின் “ஆசை முகம் மறந்து போச்சே… இதை யாரிடம் சொல்வேனடி தோழி… நேசம் மறக்கவில்லை நெஞ்சம்.. நினைவு முகம் மறக்கலாமோ…”
“வித்யா வந்தனாவின் இனிய குரலில்…”

பெருமிதத்தோடு தன்னுடைய பிறந்தநாள் பரிசை அள்ளி வழங்குகிறார் பேராசிரியர் அ. மார்க்ஸ்.

அ. மார்க்ஸ்க்கு இனிமைத் தருகிற வித்யா – வந்தனாவின் குரல்களில், கர்நாடக சங்கீதத்தில் உள்ள சனாதன நெய், இசையாக உருகி ஓடுகிறது. அது மட்டுமல்ல தமிழை அவர்கள் பார்ப்பன உச்சரிப்பில் போட்டு அரைக்கிற அரைப்பு தாங்க முடியல… ‘மெல்ல தமிழ் இனி சாகும்…’ என்ற பாரதியின் வரிகளை நினைவுப்படுத்துகிறது.

‘ஆசை முகம்..’ என்பதை ‘ஆஸை முகம்..’ என்றும் ‘யாரிடம் சொல்வது..’ என்பதை ‘யாரிடம் ஸொல்வது..’ என்றும் ‘நேசம் மறக்கவில்லை..’ என்பதை ‘நேஸம் மறக்கவில்லை..’ என்றும் உச்சரித்து ‘ச’ வை ‘ஸா’ வடிக்கிறார்கள்.

முழுக்க முழுக்க பார்ப்பன நெய்யினால் தயாரிக்கப்பட்ட வித்யா – வந்தனாவின் இசையை, குரல்களை; ‘சனதான எதிர்ப்பும் சமூகநீதி அரசியலும் கலந்த ‘இனிமையாய்’’ ரசிக்கிற அ. மார்க்ஸ்தான், இளையராஜாவின் இசை பார்ப்பனத் தன்மை நிறைந்தது என்று நிராகரித்திருக்கிறார்.

இளையராஜாவை அவர் நிராகரிப்பது முக்கியத்துவம் வாய்ந்ததல்ல, ஆனால் இளையராஜாவிடம் இல்லாததை தவறாக சுட்டிக் காட்டி, அவரை என்ன காரணத்திற்காக நிராகரிப்பதாக சொன்னாரோ,
அதே காரணத்திற்காக வித்யா – வந்தனா சகோதரிகளின் குரல்களையும் பாடலையும் அ. மார்க்ஸ் சிலாகிப்பது வேடிக்கையாக இல்லை, அதைவிட மோசமாக இருக்கிறது.

இந்தச் சனாதன சிலாகிப்பு, ‘தமிழ் இந்து’ வில் ஒரே ஒரு கட்டுரை வந்ததாற்காகவா? இல்லை இதுவரை ‘ஆனந்த விகடன்’ ‘குமுதம்’ இவைகளில் தொடர்ந்து கட்டுரைகள் வந்து கொண்டிருப்பதற்கும் சேர்த்தா?

சரி ஆகட்டும். இரண்டில் ஏதோ ஒன்று. அல்லது இரண்டுமே.
நானும் பேராசிரியர் அ. மார்க்ஸ் அவர்களுக்கு வாழ்த்துகளோடு வருத்தத்தையும் தெரிவித்துக் கொள்கிறேன்.
வாழ்த்து பிறந்தநாளுக்கு. வருத்தம் அவருடைய இளையராஜா பற்றிய மதிப்பீடுக்கு அல்ல, வித்யா – வந்தனாவின் பரிந்துரைக்கு… முடியில.. காதக் கட்டுது..

இருந்தாலும் அவர் இப்படி பண்ணியிருக்கக் கூடாது. அன்போடு வாழத்துச் சொன்ன நண்பர்களுக்கு இப்படியா…?

(‘வித்யா வந்தனா என்பது இருவர். சகோதரிகள். சூலமங்கலம் சகோதரிகள் போல். அவர்களுக்கு Iyer Sisters என்ற பெயரும் உண்டு. ஆனால் அ. மார்க்ஸ் அவர்களை ஒருவராக மட்டும் நினைத்திருக்கிறார் போலும்.)

அ. மார்க்ஸ் வழங்கிய பரிசு இதோ….
http://youtu.be/ib3r6mPD3aY

Facebook ல் 5.10.2013 அன்று எழுதியது.

தொடர்புடையவை:

பார்ப்பன எதிர்ப்பா? இளையராஜா மீதான வெறுப்பா?

அ.மார்க்சை அழைத்த; ‘பெரியார் அவதூறு’ பேர்வழிகளை அழைக்காத திராவிடர் கழகத்திற்கு பாராட்டுகள்

தியாகராஜ சுவாமிகள் சக்கிலியராகவோ, நாயுடுவாகவோ இருந்திருந்தால்…?

தெலுங்கு சினிமா புகழும் என்னை திட்டுபவர்களும்

simhaநீங்கள் எழுதிய சினிமா விமர்சனங்களுக்கு அரசியல் கட்டுரைகளுக்கு கேள்விகளுக்கான பதில்களுக்கு எதிர் வினையாக, பலர் உங்களை திட்டி எழுதிக் கொண்டிருக்கிறார்கள். அதற்கு நீங்கள் பதில் எழுதலாமே?

-தமிழ்க்கனல்

பத்திரிகை நிர்வாகத்தின் தலைமை பொறுப்பிலிருப்பவர், தெலுங்குகாரர் என்பதால், குறைந்த பக்கங்களே உள்ள பத்திரிகையில் மட்டமான தெலுங்குப் படங்களையும் தெலுங்கு நடிகர்களையும் பற்றி 3 பக்கங்களுக்கு அதுவும் A4 Size ல் புகழ்ந்து எழுதி, தமிழ் வாசகர்களை சித்திரவதை செய்கிற; ஒரு பத்திரிகையாளரின் செயலைப்போல்,

என்னை கண்டபடி திட்டுவதின் மூலமாக அவர்கள் யாரிடமோ நல்ல பெயர் வாங்க விரும்புகிறார்கள். அதை எதுக்கு நான் கெடுப்பானேன். ஏதோ என் மூலமாக அவர்களுக்கு உதவி.

நடக்கட்டும். தெலுங்க சினிமா புகழும் என்னை திட்டுவதும்.

தொடர்புடையவை:

வே. மதிமாறனை விரட்ட வேண்டும்

ஜெனியூனானவர்கள் என்றால் சுயஜாதி அபிமானம் இல்லாதவர்கள்தான்

உயிரா உணர்வா? : தடைகளைத் தகர்த்து, தொடர்கிறார் தியாகு

thiyaguஇந்திய அரசே ! மன்மோகன் சிங்கே கொழும்பு உச்சி மாநாட்டிற்குச் செல்லாதே! காமன்வெல்த்திலிருந்து இலங்கையை நீக்க வலியுறுத்து!’ என்ற கோரிக்கையை வலியுறுத்தி ‘வெற்றி அல்லது வீரச் சாவு…’ என்ற முழக்கத்தோடு பட்டினிப் போராட்டத்தை தொடங்கிய தோழர் தியாகு, இன்றோடு, பத்து நாட்களை கடந்திருக்கிறார்.

முன்னதாக அக்டோபர் 7 ஆம் தேதி, தமிழக அரசு அவரை உண்ணாவிரதப் பந்தலிலிருந்து கைது செய்து, சென்னை ராயப்பேட்டை அரசு மருத்துவமனைக்கு கொன்று சேர்த்தது. அங்குப் போன பிறகும் தனது பட்டினிப் போராட்டதை தொடர்ந்தார். தொடர்கிறார்.

4 ஆம் தேதி அவரை நான் உண்ணாவிரத பந்தலில் சந்தித்தேன். இன்றும் (10.10.2013) மருத்துவமனைக்கு சென்று பார்த்தேன். அன்று இருந்த மன உறுதி இன்னும் கூடுதலாகி இருக்கிறது அவரிடம்.

ஆனால் அரசுக்கு அதுதான் பிரச்சினையாக இருக்கிறது. தோழர் தியாகு சாப்பிடாமல் இருக்கிறாரே என்கிற ‘அக்கறையில்’ அரசு அவரை சாப்பிடச் சொல்லி வற்புறுத்துகிறது. குளுக்கோஸ் ஏற்றிக் கொள்வதற்கும் முற்றிலுமாக மறுத்து விட்டதால், இன்று அவரை மருத்துவமனையிலிருந்து வெளியேற சொல்லியிருக்கிறார்கள்.

‘வெளியேற்றுவதாக இருந்தால் டி சார்ஜ் சம்மரி தாருங்கள்’ என்று கேட்டிருக்கிறார் தோழர். அது மட்டுமல்ல, வெளியேறினால் வெளியில் உண்ணாவிரத்தை தொடர்வதற்கு உரிமையிருக்கிறது என்றும் கமிஷனர் அலுவலகத்திற்கு கடிதம் எழுதியிருக்கிறார்.

தோழர் தியாகுவின் உறுதியைப் பார்த்து, மருத்துவமனையிலிருந்து வெளியேற சொன்னதை, கொஞ்ச நேரத்திற்கு முன்புதான் மருத்துவமைனை நிர்வாகம் திரும்பப் பெற்றிருக்கிறது.

சென்னை ராயப்பேட்டை அரசு மருத்துவமனையிலேயே தன் போராட்டத்தை தொடர்கிறார் தோழர்.

‘மன்மோகன் சிங்கே கொழும்பு உச்சி மாநாட்டிற்குச் செல்லாதே’ என்று தன் உயிரை அர்ப்பணித்து போராடுகிறார் தமிழ்த் தேசிய அரசியலில் தீவிரமாக இயங்கும் தோழர் தியாகு.

ஆனால் இன்னொருபுறம், மோடியை பிரதமாராக்குவதற்காக ராப்பகலா பாடுபடுகிறார்கள். அவர்களும் தமிழ்த் தேசியவாதிகள் தானம்.

அடுத்த மாதம் இலங்கையில் நடக்கப் போகிற காமன்வெல்த் மாநாட்டை எதிர்ப்பதை விட, அடுத்த ஆண்டு நடக்கப் போகிற நாடாளுமன்றத் தேர்தல்தான் அவர்களுக்கு நாட்டம் அதிகம் இருக்கிறது.

அதாங்க அவரு பிரதமாராயிட்டாருன்னா.. இலங்கை தமிழர்களுக்கு சொல்ல முடியாத அளவிற்கு நன்மை செய்துவிடுவாராம்.

வானம் ஏறி வைகுண்டம் போறது இருக்கட்டும். மொதல்ல கூரை ஏறி கோழி புடிக்கச் சொல்லுங்க..

குறைந்தப் பட்சம் எதிர்க்கட்சி நிலையிலிருந்தாவது, மன்மோகன் சிங்கின் இலங்கை பயணத்திற்கு எதிராக ஒரு அறிக்கை விடுவாரா மோடி? அதையாவது செய்ய வைப்பார்களா மோடியின் தமிழ்த் தேசிய பிரிவு.

தோழர் தியாகுவின் போராட்டத்திற்கு துணை நிற்போம்.

இந்துத்துவ தமிழ்த் தேசிய சந்தர்ப்பவாதிகளை அம்பலப்படுத்துவோம்.

தொடர்புடையவை:

இந்திய ராஜபக்சே! வருங்கால பிரதமரா தமிழினக் காவலரா?

தமிழருவி மணியனுக்கு M.P. சீட்டு: இதற்குதானே ஆசைப்பட்டாய் பாலகுமாரா?