சூத்திரனா? பஞ்சமனா? சுயமரியாதை வீரனா?

shudra

//ஆரியர்களுக்கும் தமிழர்களுக்கும் நடக்கும் யுத்தமே தவிர ஆரியர்களுக்கும் திராவிடர்களுக்கும் என்பது கண்கட்டி வித்தை.//

இந்த வரலாற்று சிறப்பு மிக்க வாக்கியத்தை சொல்லி முடிப்பதற்குள்ளாகவே அதற்கு எதிராகா மாறிவிடுகிறார்கள்.

‘பிராமணர் சங்கத்தோடு இணைந்து அதிமுக வை ஆதரிப்போம்’ (கண்கட்டாத வித்தை)

இதை பச்சை சந்தர்ப்பவாதம் என்றால்.. நீங்கள் தமிழன துரோகி. ‘இதுதான் பச்சைத் தமிழனின் கொள்கை’ அப்போ நீங்களும் அதேதான். அதாங்க.. பச்சை.

*

ஆரியத்திற்கு முன் தமிழன் தெலுங்கன் மலையாளி மராட்டியன் இந்திக்க்காரன்என்ற வேறுபாடுகள் கிடையாது… எல்லோரும் அவர்களுக்கு சூத்திரன், பஞ்சமர்கள்தான்.
ஒவ்வொரு தமிழன் தெலுங்கன் மலையாளி இவர்கள் உள்ளும் இருப்பது இதுவே. அதையே ஆரியர்கள் அங்கீகரிக்கிறார்கள்.

ஆரியர்கள் தனக்கு எதிராக நினைப்பது திராவிடத்தைதான். திராவிடம் என்கிற வாரத்தை சமஸ்கிருத வார்த்தையாக இருந்தாலும் அதை அவர்கள் பயன்படுத்துவதுமில்லை. விரும்புவதுமில்லை.

*

சூத்திரனா, பஞ்சமனா இருக்க வேண்டுமானால் பெரியாரை எதிர்க்கிற தமிழனா இரு.
சுயமரியாதை உள்ளவனாக இருக்க வேண்டுமானால் பெரியாரை ஆதரிக்கிற திராவிடனா இரு.

*

30.02.2014 அன்று face book ல் எழுதியது.

புலித் தோல் போர்த்திய பசு

பாரதியும் வ.உ.சி யும் தமிழ் இலக்கிய வழி வரலாற்று ஜனநாயகவாதியும்

புலித் தோல் போர்த்திய பசு

how-to-draw-a-tiger-0023

‘பசு தோல் போர்த்திய புலி’ இயல்பானது.
‘புலித் தோல் போர்த்திய பசு’ வே ஆபத்தானது.

பி.ஜே.பி யுடன் வைகோ கூட்டு.

பிராமணர் சங்க ஆதரவு பெற்ற அதிமுக விற்கு விடுதலைப் புலி ஆதரவாளர்கள் ஆதரவு.

பாரதியும் வ.உ.சி யும் தமிழ் இலக்கிய வழி வரலாற்று ஜனநாயகவாதியும்

கிரிக்கெட் பற்றி பேசலாம்..

kapildev

கிரிக்கெட்டின் அரசியல். அடிமை ஆட்டம். வெற்றி ஆட்டம். சூதாட்டம். கபில்தேவ் என்ற நாயகன். டீம் என்றால் அது வெஸ்ட் இண்டிஸ் தான்.

IPL ஆட்டத்தில் சூதாட்டம்? IPL லே சூதாட்டம்தான்.

இன்றைய கேப்டன் நியுஸ் சேனலில் பகல் 1.30 மணிக்கும் இரவு 7 மணிக்கும்.. நான் வேந்தனுடன் விவாதிக்கிறேன்.
நேரலையில் பார்க்க http://captainnews.net/

இதன் தொடர்ச்சி நாளையும் இதே நேரங்களில்.

பாரதியும் வ.உ.சி யும் தமிழ் இலக்கிய வழி வரலாற்று ஜனநாயகவாதியும்

பாரதியும் வ.உ.சி யும் தமிழ் இலக்கிய வழி வரலாற்று ஜனநாயகவாதியும்

_13729174630

திரு. பொ. வேல்சாமி என்பவர் January 5 அன்று அவருடைய facebookல் // தெலுங்கு பிராமணர் + கப்பலோட்டிய தமிழர் = தொல்காப்பிய இளம்பூரணம்.// என்ற தலைப்பில் சில தகவல்களை எழுதியிருந்தார்.

அதில், //தமிழ்நாட்டில் சுதந்திர வேட்கையை முன்னிறுத்தி ஆங்கிலேய அரசாங்கத்துடன் பெரும் போராட்டத்தை நடத்திய ஒரு சிலரில் பாரதியும் வ.உ.சி யும் குறிப்பிடத்தக்கவர்கள்.// என்றும் எழுதியிருந்தார். அதில் என்னுடைய கருத்தை பதிவிட்டேன். அது தொடர்பாக நடந்த விவாதம்(?)
*
வே. மதிமாறன்: //பாரதியும் வ.உ.சி யும்// என்பதற்கு பதில், வ.உ.சி யும் சுப்பிரமணிய சிவமும் என்று இருந்தால்தான் சரியாக இருக்கும்.
இந்தக் கருத்தை நேற்று இரவே எழுதியிருந்தேன். அதைக் காணவில்லை. அதன் பிறகு நண்பர்கள் பட்டியலில் இருந்து நான் விலக்கப் பட்டிருக்கறேன்
*
Po Velusamy: வே.மதிமாறன்… உங்களுடைய கருத்தை நான் ஏற்றுக் கொள்ளவி்ல்லை. அதே நேரத்தில் இப்படியான ஒரு கருத்து உங்களிடம் இருப்பதை நான் மறுக்கவில்லை. சுதந்திரப் போராட்டத்தில் ஈடுபட்ட பாரதியும் வ.உ.சியும் பிற்காலங்களில் தமிழ் இலக்கியத்துடன் தங்களை இணைத்துக் கொண்டனர். இந்தக் கருத்தைதான் என் பதிவு முன்னிலைப் படுத்துவதால், சுப்ரமணிய சிவாவை இணைப்பது பொருத்தமாக இருக்காது.

பொதுவாக நான் அறிந்தக் கொண்ட சில செய்திகளை ஆர்வமுள்ள நண்பர்களுடன் பகிர்ந்து கொள்வதற்கு மட்டுமே இந்த பதிவுகளை நான் பதிவிடுகிறேன். என்னை முன்னிலைப் படுத்துவதற்கோ என் மேதமையை நிருப்பிப்பதற்கோ இதனை நான் செய்யவில்லை.எனவே இப்பதிவுகளில் சில தவறுகள் இருந்தால் கூட நான் கவலைப்படுவதில்லை.

இப்பதிவுகளை நுட்பமான பார்வையும் சிந்தனை ஆர்வமும் உள்ள நண்பர்கள் மட்டுமே வாசிக்கிறார்கள். பெரும்பாலான மக்களுக்கும் இந்தப் பதிவுகளுக்கும் எந்தத் தொடர்பு இல்லை என்பது எனக்குத் தெரியும். என் பதிவுகளை படிக்கும் இளம் தலைமுறையைச் சேர்ந்த தோழர்கள் அடுத்தக் கட்டத்துக்கு நகர்ந்து புதிய சிந்தனைகளை வளர்த்து எடுப்பார்கள் என்ற நம்பிக்கை எனக்கு உண்டு. நான் ஒரு சில நேரங்களில் அறியாமையால் தவறான தகவல்கள் கொடுத்தால் கூட அதனைப் புரிந்து கொண்டு, அதனைத் தாண்டி செல்லும் அறிவுபடைத்தவர்கள்தான் நம் தோழர்கள்.

*
வே. மதிமாறன்: வ.உ.சி நடத்திய எந்தப் போராட்டத்திலும் பாரதி கலந்து கொண்டு கைதானதில்லை. தனியாகவும் அவர் கைது செய்யப்பட்டதுமில்லை. அவர் கடலூரில் கைதானதே கைதை தவிர்க்க தப்பிப்போன போதுதான். அதனால்தான் ‘இனிமேல் இதுபோன்ற செயல்களில் ஈடுபட மாட்டேன்’ என்று கடிதம் எழுதி கொடுத்து விட்டு, உடனே வெளியில் வந்தார்.

ஆனால், சுப்பிரமணிய சிவம் வ.உ.சிக்கு இணையான தியாகி. வ.உ.சியும் சிவமும் பல மேடைகளில் இணைந்தே பேசினர். கோரல் மில் தொழிலாளர் போராட்டம் உட்பட பல போராட்டங்களை இணைந்தே நடத்தி, சிறை சென்று கடும் தண்டனையை அனுபவித்தனர். சிறை வாழ்க்கை சிவத்திற்கு தொழு நோயை பரிசாக தந்தது.

உங்களுடைய இலக்கிய முடிச்சிற்காக, தியாகியை மறைப்பதும், துரோகியை தூக்கிப் பிடிப்பதம் என்ன நியாயம்? இலக்கியத் தொடர்பிலும் சுப்பிரமணிய சிவமே, வ.உ.சியோடு தொடர்பில் இருந்தார்.

‘தமிழை சீர்திருத்த வேண்டும்’ என்று தமிழை விட சமஸ்கிருத்தை உயர்வாக மதிப்பீட்ட பாரதியை கண்டித்து, தமிழில் உள்ள ழ, ழ் போல் சமஸ்கிருத்த்தில் உள்ளதா? அதற்கேற்றால் போல் சமஸ்கிருத்தை திருத்த பாரதி முன் வருவாரா?’ என்கிற அளவில் வ.உ.சி எழுதிய கட்டுரை, சுப்பிரமணிய சிவம் நடத்திய ‘ஞானுபானு’ இதழில்தான்.

//இப்பதிவுகளில் சில தவறுகள் இருந்தால் கூட நான் கவலைப்படுவதில்லை.// என்கிற உங்களின் ‘பொறுப்பான’ பதில் ஆச்சாரியப்படுத்தவில்லை. எதிர்பார்த்ததுதான். ஆனால், தவறுகள் இருந்தால் சுட்டிக் காட்டுது கூட உங்களுக்குப் பிடிக்காது என்பது எந்த வகை ஜனநாயகம்?

//இப்பதிவுகளை நுட்பமான பார்வையும் சிந்தனை ஆர்வமும் உள்ள நண்பர்கள் மட்டுமே வாசிக்கிறார்கள்.//
//நான் ஒரு சில நேரங்களில் அறியாமையால் தவறான தகவல்கள் கொடுத்தால் கூட அதனைப் புரிந்து கொண்டு, அதனைத் தாண்டி செல்லும் அறிவுபடைத்தவர்கள்தான் நம் தோழர்கள்.//

என்கிற வரிகள், உங்கள் நண்பர்களுக்காக சொல்லப்பட்டதாக தெரியவில்லை. உங்களையும் உங்கள் எழுத்துக்களையும் உயர்த்திக் காட்டுவதற்காக உங்கள் நண்பர்களுக்கு நீங்கள் தரும் தகுதி சான்றாகதான் இருக்கிறது. அதே நேரத்தில் கேள்வி கேட்ட என்னை ஏளனம் செய்கிற தொனியும்..

அதனால்தான் என் கேள்வியையும் நீக்கி விட்டு, என்னையும் நண்பர்கள் பட்டியிலில் இருந்து விலக்கி வைத்த நீங்கள், Ramasamy Gramian Rajendran என்பவர் உங்களைப் பற்றி எழுதிய “வரலாறு தேடித்தரும் தமிழ் கூகுள் வாழ்க!” என்கிற நுட்பான பார்வையை அனுமத்தித்து அதை Like செய்தும் இருக்கிறீர்கள்.

குறிப்பு:
1. இதற்கு முன்னும் தமிழிசை சம்பந்தமாக என் கேள்விக்கு பதிலளிக்காமல், என்னை இழிவாக திட்டி எழுதிய நபரின் கருததை அனுமதித்து அதை Like க்கும் செய்திருந்தீர்கள்.
2. உங்கள் நண்பர்கள் பட்டியலில் நானாக வரவில்லை. நீங்கள் தான் என்னோடு நட்பாக விரும்பப் பட்டு அழைப்புக் கொடுத்தீர்கள்.
*

Po Velusamy: வே.மதிமாறன் ஐயா…. உங்களுடன் மயிர்பிளக்கும் வாதங்களில் ஈடுபட எனக்கு நேரமில்லை. நீங்கள் செய்யும் விவாதங்களை தயவுசெய்து உங்கள் பக்கங்களில் வைத்து கொள்ளுங்கள். மேற்படி என்னுடைய பதிவிற்கும் உங்கள் கேள்விகளுக்கும் பெரிய தொடர்பு ஏதும் இல்லை. உங்களுடைய விவாதத்தால் என்னுடைய பதிவில் எந்தக் கருத்து மாற்றமும் ஏற்படப்போவதில்லை.
என்னுடைய பக்கத்தில் உங்களை friend request கொடுத்தது என் உதவியாளர் செய்த மாபெரும் தவறுதான். அதனை நீங்கள் நினைவூட்டியமைக்கு நன்றி. கருத்துக்குப் பொருத்தம் இல்லாத விவாதங்களை வெளியே தள்ளி விடுவதில் எந்தத் தவறும் இல்லை. இதுவரையான என் பதிவுகளில் எவருடைய கருத்தையும் நான் வெளித் தள்ளியது இல்லை.

*
வே.மதிமாறன்:
//வே.மதிமாறன் ஐயா….உங்களுடன் மயிர்பிளக்கும் வாதங்களில் ஈடுபட எனக்கு நேரமில்லை. ….. மேற்படி என்னுடைய பதிவிற்கும் உங்கள் கேள்விகளுக்கும் பெரிய தொடர்பு ஏதும் இல்லை. உங்களுடைய விவாதத்தால் என்னுடைய பதிவில் எந்தக் கருத்து மாற்றமும் ஏற்படப்போவதில்லை. //

நல்ல ஆழமான பதில்..

//நீங்கள் செய்யும் விவாதங்களை தயவுசெய்து உங்கள் பக்கங்களில் வைத்து கொள்ளுங்கள்.///

இதை உங்கள் முகப்பு பக்கத்தில், ‘இவ்விடத்தில் விவாதங்களுக்கு இடமில்லை, புகழுரைக்கு மட்டும்தான்’ என்று முன்பே அறிவித்திருந்தீர்கள் என்றால் எனக்கு இந்த வெட்டி வேலை தேவைப் பட்டிருக்காது…

//என்னுடைய பக்கத்தில் உங்களை friend request கொடுத்தது என் உதவியாளர் செய்த மாபெரும் தவறுதான்.//
இதையும் உங்கள் உதவியாளர்தானே எழுதியிருப்பார். இதை யார் கருத்தாக எடுத்துக் கொள்வது?
அதன் பிறகு அது தெரிந்தும் என்னை நீங்கள் நண்பராக வைத்திருந்ததும், பிறகு வேறு ஒரு சமயத்தில் எனக்கு பதில் தர முயற்சித்ததும் நீங்கள்தானா அல்லது அதுவும் உங்கள் உதவியாளர் செயலா?
ஆனாலும் உங்களுக்கு நன்றி சொல்கிறேன்..
எனக்கு friend request கொடுத்த உங்கள் உதவியாளரை நீங்கள் வேலையை விட்டு தூக்காததற்கு… காலையிலிருந்து என் கருத்துக்களை நீக்காததற்கும்…
நன்றி. வணக்கம்.

*

January 5 அன்று facebook ல் திரு. Po Velusamy பக்கத்தில் நடந்த விவாதம்.

*

ஆனாலும் என் விளக்கங்கள் அனைத்தையும் நீக்கிவிட்டு, எனக்கு ‘பதில்’ சொன்னதை மட்டும்  அவர் பக்கத்தில் வைத்திருக்கிறார். ‘படிக்கிறவங்களுக்கு குழப்பமாக இருக்காதா?’ என்று உங்களுக்கு தோன்றலாம். சாமான்யமானவர்களுக்குத்தான் குழப்பம் ஏற்படும் அவர் எழுத்துக்களைப் படிக்கிற அமானுஷ்யமானவர்களுக்கு தோன்றாதே..
அதனால் நான் என்ன எழுதினேன் என்பதை அவரின் பதிலிலிருந்து புரிந்து கொள்வார்கள் என்ற நம்பிக்கை காரணமாக எனக்கான அவரின் பதிலை மட்டும் விட்டு வைத்திருக்கிறார்.

**

இதுபோலவே இதற்கு முன்பு அதவாவது, November 30, 2013 அன்று,
//இசைத் தமிழை ஒழித்துக் கட்டிய சாதியம்………..// என்ற தலைப்பில் சில தகவல்களைத் தந்திருந்தார்.

அதில் நான், //இசைத் தமிழை ஒழித்துக் கட்டிய சாதியம்………..// எந்த ஜாதி?
கண்டிப்பாக பார்ப்பனர்களாக இருக்க மாட்டார்கள்… தமிழுக்கு அவர்கள் செய்த சேவையை நீங்கள் facebook ல் எழுதிய பல கட்டுரைகளில் படித்திருக்கிறேன்..// என்று எழுதியிருந்தேன்.

அதற்கு December 1, 2013 அன்று திரு. பொ. வேல்சாமி:
//தமிழிசை பற்றிய நேற்றைய பதிவு குறித்து சென்றாயப்பெருமாள், வே.மதிமாறன், அஜித்பத்மநாபன் ஆகிய மூன்று நண்பர்களும் சில ஐயங்களை எழுப்பியிருந்தனர். ………..

நண்பர் வே.மதிமாறன் நான் பார்ப்பனர்களுக்கு ஆதரவானவன் என்று கருதுவதுபோலத் தெரிகிறது. என்னுடைய கட்டுரைகளில் ஆதாரம் இல்லாத எந்தக் கருத்தையும் நான் கூறுவதில்லை. உதாரணமாக சங்க இலக்கியங்களில் கலித்தொகை தவிர மற்ற எல்லா நூல்களையும் (சிலப்பதிகாரம், மணிமேகலை, சீவகசிந்தாமணி, பெருங்கதை) தமிழ் மக்கள் படிக்கும்படியாக உழைத்து முதன்முதலில் வெளியிட்டவர்கள் பார்ப்பனர்கள்தான் என்று கூறினால் அதில் என்ன தவறு காணமுடியும்… கலித்தொகையையும் ஆராய்ச்சிக் குறிப்புகளுடன் வெளியிட்டவர் இ.வை.அனந்தராம அய்யர்தானே?// என்று எழுதியிருந்தார்.

அதற்கு நான்..(வே. மதிமாறன்)
நல்லது. தமிழுக்கான பார்ப்பனர்களின் பங்களிப்பை நான் மறுக்கவில்லை. உங்களின் அந்தக் கட்டுரைகளில் தெளிவாக யார் என்பதை ஆதாரோத்தோடு நீங்கள் குறிப்பிடுகிறீர்கள். இப்போதும் இந்த விளகத்திலும் //தமிழ் மக்கள் படிக்கும்படியாக உழைத்து முதன்முதலில் வெளியிட்டவர்கள் பார்ப்பனர்கள்தான்// என்பதை உறுதியாக, தெளிவாக சொல்லியிருக்கறீர்கள்.

அந்த உறுதியையும் தெளிவையும் ஆதராத்தையும் //இசைத் தமிழை ஒழித்துக் கட்டிய சாதியம்………..// என்பதிலும் எதிர்ப்பார்த்தேன். அதனால்தான் ‘எந்த ஜாதி?’ என்றும் கேட்டிருந்தேன்.
அதில், //உயர்ஜாதிக்காரர்கள்..// என்று பொதுவாகப் பயன்படுத்தப்பட்டிருந்து.
யாரு அந்த உயர்ஜாதிக்காரர்கள்…?

பிள்ளை, கவுண்டர், முதலி, செட்டி இவர்களில் யார்? அல்லது இவர்கள் எல்லோருமே வா?
கண்டிப்பாக நாயுடு, நாயக்கர்களாக இருக்க முடியாது. ஏனென்றால்…//இவற்றையெல்லாம் மற்ற மொழியினர் அழித்துவி்ட்டதாக கதை கட்டினார்கள்//என்றும் குறிப்பிட்டு இருக்கிறீர்கள்.

என்று எழுதினேன்.

இதற்கும் திரு பொ. வேல்சாமி எந்த பதிலும் தரவில்லை.

*

8.11.2003 ஆம் ஆண்டு தமிழ்நாடு முற்போக்கு எழுத்தாளர்கள் சங்கம் சார்பில் விமர்சனக் கூட்டம் என்ற பெயரில் எனது ‘பாரதி’ய ஜனதா பார்ட்டி’ புத்தகத்திற்கு நடந்த கண்டனக் கூட்டத்தில் என்னை மிக இழிவாக பேசிய வேல்சாமி தான் போதிக்கிறார் முறையாக விமர்சிப்பதைப் பற்றி. -வே. மதிமாறன்.

புரட்சிகர பாரதியும் பிற்போக்கு பெரியாரும்

பெரியாருக்கு ஒரு நியாயம்; பாரதிக்கு ஒரு நியாயமா?

பிராமணர் சங்கம் அழைக்கிறது: ’வாங்க தமிழ் உணர்வை ஊட்டலாம்..’

hanuman5

தமிழ்த்தேசிய உணர்வாளர்கள் திராவிட இயக்க எதிர்ப்பு என்கிற பெயரில் தொடர்ந்து திமுக வை மட்டும் கடுமையாக எதிர்த்து வருகிறார்கள். அதில் ஒரு ‘பார்ப்பன பிண்ணனி இருக்கிறது’ என்று பலர் குற்றம்சாட்டினால்… உடனே அனுமார் போல் தங்கள் இதயத்தை பிளந்து காட்டி.. ‘யாரு நானா?’ என்றும் சீறுகிறார்கள்.

ஆனாலும் இவர்களுக்கு தொடர்ந்து சோதனை வைக்கும் முயற்சியில் இம்முறையும் பிராமணர் சங்கம், அதிமுகவை ஆதரிப்பதாக அறிவித்திருக்கிறது. அதுவும் ‘பெரியாரை செருப்பால் அடிப்பேன் என்று சொன்ன எச். ராஜாவை மட்டும் சிவகங்கையில் ஆதரிப்பது’ என்றும் சிறப்பு சலுகை செய்திருக்கிறது?

இது குறித்து திராவிட இயக்க எதிர்ப்பாளர்கள், அதிமுகவை அல்ல.. பிராமணர் சங்கத்தையாவது கேலி செய்திருக்கிறார்களா?
அதிமுகவை கூட விமர்சித்து விடுவார்கள். ஆனால், பிராமணர் சங்கத்தை..? ‘பார்ப்பான்’ என்கிற வார்த்தையே வராது.. அப்புறம்…?

திராவிட இயக்க அரசியல் என்கிற பெயரில் பார்ப்பன எதிர்ப்பு பேசுகிறவர்களின் சுயஜாதி உணர்வை கேள்விக் கேட்டதின் மூலம், பார்ப்பனர்களின் கவனத்தை கவர்ந்த இவர்கள்…

தமிழ்த்தேசியத்தின் பெயரில் சுயஜாதி பாசத்தோடு இருந்து கொண்டு.. தீவிர பார்ப்பன அடிமைகளாக இருப்பதை கண்டித்ததில்லை.. ஏனென்றால் இவர்களே அப்படித்தானே?

‘இதுதான் பெரியார் மண்ணிண் யோக்கியதையா?’ என்று பிராமணர் சங்கத்தின் அதிமுக ஆதரவையும் ‘பார்ப்பன கவன ஈர்ப்பு தீர்மான’த்தில் கொண்டு வந்து விடுவார்களோ? அப்படியாவது கொண்டு வாங்களேன் பாக்கலாம்..?
*
எதுவாக இருந்தாலும் பயணப் படி, Increment எல்லாம் உண்டு. job confirm பண்ணி ரொம்ப நாளாச்சுங்க..

பத்திரிகையாளர்களுக்கு ஆபத்தா?; ஜெயேந்திரன் விடுதலை..

சங்கரராமன் கொலை வழக்கு தீர்ப்பும் தூக்கு தண்டனைக்கு ஆதரவாக கூட்டுப் பிரார்த்தனையும்

இது தாண்டா தீர்ப்பு! பிராமணர் கொலை பிராமணர் சங்கம் மவுனம்! மனுஷ்யபுத்திரன்!

சங்கர ராமன் கொலை – ஜெயேந்திரன் விடுதலையே விலை! திமுக வின் நிலை?

சொல்லுங்க பிராமின்.. சொல்லுங்க..

புரட்சிகர பாரதியும் பிற்போக்கு பெரியாரும்

Religious Belief of Periyar E. V. Ramasamy

தாலுகா போர்ட் பிரசிடெண்ட், ஜில்லா போர்ட் மெம்பர், யுத்தக் கமிட்டி கார்யதரிசி, ஹானரரி ரிக்ரூடிங் ஆபிசர், வணிகர் சங்கம், விவசாயிகள் சங்கம், தேவஸ்தானம், சங்கீத சபை முதலிய 28 பொது அமைப்புகளில் இருந்த பொறுப்புகளையும்,
1919 ஆம் ஆண்டு ஏற்ற சேர்மன் பதவியையும் அதே ஆண்டில் ராஜினமா செய்து விட்டு காங்கிரசில் சேர்ந்தார் பெரியார்.

காரணம் 1919 ஆம் ஆண்டு ஏப்ரல் 13 அன்று ஜாலியன்வாலா பாக் படுகொலைகளை செய்த பிரிட்டிஷ் அரசை கண்டித்தே பெரியார் அந்த முடிவுக்கு வந்தார்.

ஆனால், தன் வாழ்நாளையே பிரிட்டிஷ் அரசுக்கு எதிராக அர்பணித்தவர் என்று போற்றப்படுகிற மஹாகவி சுப்பிரமணிய பாரதியார்,

இந்தியாவையே உலுக்கிய ஜாலியன்வாலா பாக் படுகொலைகளுக்காக வெள்ளை அரசை எதிர்த்து, கண்டித்து ‘சுதேசமித்திரன்’ பத்திரிகையில் அல்ல,

திருவல்லிக்கேணி அக்ரகாரத்து ‘சந்து’ முனையில் நாலுபேரிடம் ரகசியமாககூட பேசவில்லை. பேசியிருந்தால் பாரதி பக்தர்கள் இந்நேரம் அதை புத்தகம்போட்டு புரட்சி ஏற்படுத்தியிருப்பார்களே?

ஆனால் அப்போது பாரதி தீவிரமாக எதைக் கண்டித்தார்? யாரை கண்டு பொங்கி எழுத்தார் தெரியுமா?
பார்ப்பனரல்லாதார் அமைப்பான ‘நீதிக் கட்சி’யை உண்டு இல்லை என்று கண்டித்து ‘நீர்துளி’யாக்கினார். அதுவும் ‘பிரமணர் சங்க’ கூட்டங்களில் கலந்து கொண்டு.

குறிப்பு:
பாரதியை தன் வழிகாட்டியாக, குருவாக போற்றும் ‘ஞாநி’ போன்ற பெரியாரிய, புரட்சிகர ஆதரவாளர்கள் வழக்கம்போல் இதற்கு பதில் சொல்ல வேண்டாம்.

February 28

‘மனு’ விற்கு மறுபெயர்

பெரியாருக்கு ஒரு நியாயம்; பாரதிக்கு ஒரு நியாயமா?

அசுரனின் தாடி மயிரைக்கூட அசைக்க முடியாது

‘மனு’ விற்கு மறுபெயர்

sampu

//சாதி என்பதைவிட குடும்பம் என்று சொல்லலாம்//

சாக்கடைக்கு ரோஜா பூ என்று பெயர் வைத்தால் வாசனையா வீசப்போவுது?

March 18

ஜாதியை துண்டாக்கினால் அதற்குள்ளும் ஜாதி..

தமிழனின் ஆண்ட பரம்பரைக் கனவு – தொடரும் ஜாதியின் நிழல்

பா.ஜ கூட்டணி: களிமண்ணும் உமியும் கலந்து செய்து கலவை

JK06-20-03-14

ஒருத்தன் களிமண்ணை துணியில் கட்டி சோத்து மூட்டை போல்… எடுத்துக் கொண்டு காட்டுக்கு வந்தான். இன்னொருத்தன் உமி யை அதுபோலவே கட்டிக் கொண்டு வந்தான். இருவரும் மதிய உணவு நேரத்தில் தற்செயலாக சந்திக்கிறார்கள்.
உடனே அவர்கள் தங்களுக்குள் ஒரு கூட்டணி ஏற்படுத்திக் கொண்டு பேச்சு வார்த்தையை தொடங்கினார்கள்.

”நீ என்ன சாப்பாடு?“ என்றான் உமி வைத்திருந்தவன்.
அதற்கு களிமண்ணு மூட்டையை காட்டி ”தயிர் சோறு.. தினமும் அதை சாப்பிட்டு சலிச்சுப்போச்சு… அதான் சாப்பிடாம இருக்கேன்“ என்றான்.

அதைக் கேட்ட ‘உமி’, தன்னுடைய உமி மூட்டையை காட்டி, “நான் புளிசோறு கொண்டு வந்திருக்கேன். எனக்கு அது புடிக்காது.. அதான் நானும் சாப்பிடமா இருக்கேன்..’ என்றான்.

உடனே இருவரும் ஒரு ஒப்பந்தம் போட்டுக் கொண்டார்கள்.
”அப்போ நீங்க தயிர் சோறு சாப்பிடுங்க.. நான் புளி சோறு சாப்பிடுறேன்..”
மகிழ்ச்சியோடு மாற்றிக் கொண்டு அவசர அவசரமாக பிரிந்தார்கள்.
*
ஒரு வழியாக பா.ஜ.க கூட்டணி சுமுகமாக முடிவுக்கு வந்து, அவரவர் பங்கை பிரித்துக் கொண்டு அவசர அவசரமாக தலைவர்கள் பிச்சாரத்திற்கு கிளம்பி விட்டார்கள்.

March 21 அன்று எழுதியது.

வைகோ வின்.. தொகுதி

‘உதிரிப்பூக்கள்’ விஜயனும் வைகோ வை ஆதரிப்பதும்..

அம்மா வியூகமும் காங்கிரஸ் – கம்யுனிஸ்ட்டுகளின் கையறுநிலையும்

தமிழருவி மணியனுக்கு M.P. சீட்டு: இதற்குதானே ஆசைப்பட்டாய் பாலகுமாரா?

முள்ளிவாய்க்கால் முற்றம் இடிப்பு: வைகோவின் சீற்றம்!

‘மோடி பிரதமரானால் தனி ஈழ அமையும்’

இந்திய ராஜபக்சே! வருங்கால பிரதமரா தமிழினக் காவலரா?

இன்றைய சூழலில் பெரியார்-அம்பேத்கர் தொண்டர்களின் பணி

Ambedkar Periyar Wall Painting

கருத்துரை
வே. மதிமாறன்

இடம்: வள்ளுவர் மன்றம், சேரன் தெரு, எண்-1, மறைமலைநகர்.

நாள்: 23.03.2014 ஞாயிற்றுக்கிழமை மாலை 5.00 மணி

நிகழ்ச்சி ஒருங்கிணைப்பு
பெரியார்-அம்பேத்கர் இளைஞர் முன்னணி
மறைமலைநகர், கூடுவாஞ்சேரி.
பேச : 7871115115

ஜாதிய சொல்லு-தேர்தல் அறிக்கை-மன உளைச்சல்

???????????????????????????????

திமுக வின் தேர்தல் அறிக்கையை பார்த்தால்,
அது எதிர்கொள்ளும் முதல் நாடாளுமன்றத் தேர்தல் இதுதானோ என்ற சந்தேகம் வருகிறது.

March 16

 ‘உன் ஜாதிய சொல்லு. நீ தமிழனா இல்லையா என்பதை சொல்கிறேன்’ என்பதாகதான் இருக்கிறது தீவிர தமிழ்த்தேசியம்.
சிலர் வெளிப்படையா கேட்கிறார்கள்.
பலர் அதையே உள்அரசியலாக வைத்து புழங்குகிறார்கள்.

அப்படியானால் தன் ஜாதிக்காரனைப் பார்த்தால் இவர்கள் எப்படி பொங்கி பூரிப்பார்கள்?

March 17

மன உளைச்சலால் யாருக்கும் ஆதரவாக பிரச்சாரம் இல்லை; ‘சுயநலத்துக்காக அமைக்கப்பட்டது பாஜக கூட்டணி’: தமிழருவி மணியன்

என்னங்க இது அநியாயம்? இவ்வளவு வேலை பாத்தவருக்கு ஒரு சீட் கொடுக்கக்கூடாதா? நன்றி கெட்ட உலகம்.

March 17

வைகோ ஏழுல ஒண்ணு குடுப்பாருன்னு நினைச்சா.. ச்சே.. இப்படி பண்ணிட்டாரே.. இதுக்கா நான் இவ்வளவு கஷ்டப்பட்டேன்.

‘அவர நான் முதல்வராக்க மாட்டேன்.’

March 18

‘காங்கிரஸ், திராவிடக் கட்சிகளுக்கு மாற்றாக பாஜக தலைமையில் புதிய அணியை உருவாக்க வேண்டும் என்று முயற்சித்தேன். அதன் விளைவாகவே தேமுதிக, பாமக, மதிமுக ஆகிய கட்சிகளை கூட்டணியில் இணைக்கச் செய்தேன்’: தமிழருவி மணியன்.

மதிமுக திராவிடக் கட்சி இல்லதான். சரியான மதிப்பீடு. ‘அருவி அய்யா’ அதிமுகவையும் ஆதரிப்பவர்தான். திமுக வை மட்டும்தான் தீவிரமாக எதிர்ப்பவர்.
அய்யா அருவியும் பார்ப்பனர்களும் பார்ப்பன பத்திரிகைகளும் பார்ப்பன பத்திரிகையில் இருக்கிற பச்சைத் தமிழர்களும் என்ன காரணத்திற்காக திமுக வை எதிர்க்கிறார்களோ..
அதே காரணத்திற்காகவே நாம் திமுக வை ஆதரிச்சிதான் ஆகணும்.