‘ஆசை வெட்கம் அறியாது’ ஜாதி..

‘ஆசை வெட்கம் அறியாது’
ஜாதி உணர்வும்தான்.
அதுவும் ‘ஜாதி ஒழிப்பு’ பேசுகிற ‘முற்போக்காளர்’களிடமிருந்து வெளிபடுகிற ஜாதி உணர்வு – வெட்கம் மட்டுமல்ல; சூடு, சொரணை, மானம், மரியாதை எதையுமே அறியறதில்ல.

அற்பத்தனம்

தமிழன்; வர்க்க உணர்வும் – ஜாதி உணர்வும் கலந்து செய்த கலவை

‘அரசியல் நாகரீகம்’-அரியர்ஸ் இல்லாமல் ‘பாஸ்’

1

நேற்று, மருத்துவர் அய்யா வீட்டின் திருமண நிகழ்ச்சியில் சந்தித்துக் கொண்ட வைகோவும் ஸ்டாலினும் பரஸ்பரம் அன்பை பரிமாறிக் கொண்டு, பத்திரிகையாளர்களிடம் பேசினார்கள்,

‘இது அரசியல் நாகரீகம்’

அன்று கலைஞருக்கு திருமண அழைப்பிதழை தந்து விட்டு, கோபாலபுர வீட்டு வாசலில் நின்று மருத்துவர் அய்யா சொன்னார்,

‘அரசியல் நாகரீகம் தெரிந்தவர் கலைஞர்.’

அடுத்தவர்கள் அரசியல் நாகரீகம் பற்றி பாராட்டிய மருத்துவர் அய்யா, அவரும் அதை பெயரளவிலாவது கடைப்பிடித்திருக்க வேண்டும். ஆனால் அவரோ, விடுதலைச் சிறுத்தைகள் கட்சியின் தலைவர் திருமாவளவனுக்கு அழைப்பிதழே தரவில்லை.

இத்தனைக்கும் மிக அதிகமாக ‘இரட்டைக் குழல் துப்பாக்கியை’ப்போல் இருவரும் தமிழக அரசியலில் வலம் வந்தார்கள். யாருக்கு தராமல் விட்டாலும், தன் குடும்ப திருமண அழைப்பிதழை, கண்டிப்பாக திருமாவளவனுக்குத்தான் தந்திருக்க வேண்டும்.

அரசியல் நாகரீகம் பற்றி மருத்துவர் அய்யா பேசியதும், திருமாவளவனை திட்டமிட்டு புறக்கணித்ததை குறித்து கள்ள மவுனம் காத்து விட்டு;

ஸ்டாலினும் வைகோவும் திருமண நிகழ்ச்சியில் கூச்சமில்லாமல் கொஞ்சி குலாவியதை, அவர்களே ‘அரசியல் நாகரீகம்’ என்று புகழ்ந்து கொள்வதும் தான்,
அரசியல் நாகரீகமா?

*

‘கலைஞரிடம் இன்னும் நான் பாடம் கற்றுக் கொண்டிருக்கிறேன்’ – டாக்டர் ராமதாஸ்.

தெரியும். அன்புமணி அடுத்த வாரிசு என்பதே, முதல் செமஸ்டரில் அரியர்ஸ் இல்லாமல் நீங்கள் ‘பாஸ்’ ஆனதிற்கு அடையாளம் தானே.

‘புலிக்கு பயந்தவன் எம்மேல வந்து படுத்துக்க’ பாமகவின் 3 வது அணி முயற்சி

இலவசம் : ‘சின்ன அய்யா’ விற்கு ஒரு கேள்வி

‘இன்னுமா நம்பள ஊருக்குள்ள நம்புறாய்ங்க?’-அது அவுங்க தலவிதி

விஜய்; மலையாளிகளை வென்ற மாவீரன்

1413907254_kaththi-in-kerala-1

கேரளாவில் திரையரங்குகள் குறைவு. மலையாளப் படங்களை திரையிடுவதற்கே தியேட்டர்கள் கிடைப்பதில்லை.

இந்தச் சூழலில், ‘கத்தி’ திரைப்படம் மொழி மாற்றம் கூட செய்யப்படாமல் கேரளா முழுவதும் நேரடியாக தமிழிலேயே 200 திரையரங்குகளில் வெளியாகி இருக்கிறது.

மலையாள சினிமாவின் மீதும் மலையாளிகளின் மீதும் நிகழ்த்தப்பட்டிருக்கிற இந்த ‘கத்தி’ குத்து, பெரிய வன்முறை. தமிழர்கள் மீதும் தமிழ்த் திரைப்படங்ள் மீதும் இந்தி படங்கள் ஆதிக்கம் செய்யததை விட மோசமானது.

இந்நிலையில் நேற்று திருவனந்தபுரத்தில் விஜய் கட்டவுட்டுக்கு பாலாபிஷேகம் செய்தபோது, உன்னி கிருஷணன் என்ற இளைஞர் தவறி விழுந்து இறந்து போனார்.

இறந்த உன்னி கிருஷணன் குடுபத்திற்கு மட்டுமல்ல; ஒட்டுமொத்த மலையாள சினிமாவிற்கும் மலையாளிகளுக்கும் என் ஆழந்த அனுதாபங்கள்.

*

இதையொட்டி ‘முல்லை பெரியாரில் பிரச்சினை செய்யும் மலையாளிகளை வென்ற மாவீரன்’ என்று புதிய பட்டம் எதுவும் தமிழ்த் தேசியவாதிகள் தந்து விடாமல் இருந்தால், அதுவே அவர்கள் தமிழ்த் தேசியத்திற்கு செய்யும் மாபெரும் நன்மை.

26 October எழுதியது.

கத்தி: நிறைய விமர்சனங்களோடு அதிகமாக பிடித்திருக்கிறது

அழ வைத்த 6 மெழுகுவர்த்திகள்!

கலைஞர் + பாரதிராஜா + பாக்கியராஜ் = `தனம்`- தமிழ் சினிமாவின் துணிச்சல்

இயக்குநர் ஸ்ரீதர், எம்.ஆர்.ராதா, கே.பாலச்சந்தர், எம்.ஜி.ஆர் – இது ஒப்பீடல்ல

எஸ்.எஸ்.ஆர்: தற்கொலைக்கு முயன்றேன் – பெரியார் என்னை அவமானப்படுத்தி விட்டார்

65506_10203017235453918_4643436175452068459_n
எம்.ஜி.ஆர் முதல் இன்னும் பலரும் தன்னுடைய பிரபலத்திற்காக, அதிகாரத்திற்காக அரசியலை, தான் சார்ந்த கட்சியை பயன்படுத்தியபோதும்;
தன் பிரபலத்தை, தன் பணத்தை தான் சார்ந்த கட்சியின் வளர்ச்சிக்காக பயன்படுத்தியவர் இலட்சிய நடிகர் எஸ்.எஸ்.ஆர்.

திரை நடிகர்களிலேயே இந்தியாவின் முதல் சட்டமன்ற உறுப்பினர் என்ற அரசியல் நிலைக்கு உயர்ந்த பிறகும், அதை அடுத்தக் கட்டத்திற்கு நகர்த்தி, தலைமை பதவியை நோக்கி பயணித்தவர் இல்லை என்பது அவரின் சிறப்புகளில் முக்கியமானது.

பெரியாரின் கடவுள் மறுப்புக் கருத்தில் தீவிர ஈடுபாடு கொண்டவர் என்பதால் புராணப் படங்களில் மட்டுமல்ல, திரைப்படங்களில் திருநீரு உட்பட எந்த மதத்தின் குறியீடுகளையும் பயன்படுத்தி நடிக்க மாட்டேன் என்று உறுதியாக இருந்த உலகின் ஒரே நடிகர் எஸ்.எஸ்.ஆர்.

திமுக வின் மீதும் அண்ணாதுரையின் மீதும் அளவு கடந்த ஈடுபாடு கொண்டவர். அது எந்த அளவிற்கு என்றால், அண்ணா இறந்த போது தற்கொலைக்கு முயற்சி செய்தவர். அதைப்பற்றி அவரே ஒருமுறை ஒரு கூட்டத்தில் பகிர்ந்து கொண்டார்.

“பேரறிஞர் அண்ணா இறந்து விட்டார். என்னால் அந்தத் துயரத்தை தாங்க முடியவில்லை. என் தலைவரே இறந்து விட்டார். இனி நான் உயிர் வாழ்வதில் அர்த்தமில்லை என்ற முடிவுக்கு வந்து விட்டேன். எனக்கு மது குடிக்கும் பழக்கம் உண்டு. அதனால் அளவுக்கு அதிகமாக மது குடித்து செத்து விடுவது என்று முடிவு செய்து, அதுபோலவே குடித்து கவலைக்கிடமாக மருத்துவமனையில் அனுமதிக்கப்பட்டேன்.

நான் குடித்து தற்கொலைக்கு முயற்சி செய்ததை அறிந்த தந்தை பெரியார், என்னை பார்க்க மருத்துவமனைக்கு வந்தார். அவர் என்னிடம் ஒரு நிமிடம் கூட பேசவில்லை. கோபமும் கனிவுமாக என்னைப் பார்த்து,
“என் வயது என்ன? உங்கள் வயது என்ன? நான் மருத்துவமனையில் படுத்திருக்க வேண்டும். நீங்கள் என்னை வந்து பார்த்திருக்கவேண்டும்.’’ என்று சொல்லிவிட்டு சட்டென்று தான் அமர்ந்திருந்த வீல் சேரை வேகமாக தட்டினார். அதற்கு அர்த்தம் ‘உடனே வண்டியை தள்ளு போலாம்’ என்பது. வேகமாக கிளம்பி விட்டார்.

என்னை செருப்பால் அடித்தது போல் உணர்ந்தேன். அதற்கு மேல் மருத்துவமனையில் இருக்கவும் என்னால் முடியவில்லை. யாரிடமும் சொல்லாமல் யாருக்கும் தெரியாமல் மருத்துவமனையிலிருந்து சுவர் ஏறி குதித்து வீடு வந்து சேர்ந்தேன்.
அன்று பெரியார் என்னை அப்படி பேசாமல் இருந்திருந்தால். நான் இப்போது உயிரோடு இருந்திருக்க மாட்டேன்“ என்றார்.

திரைப்பட நடிகராக இருந்து கொண்டு இந்த அளவிற்கு, கொள்கையில் உறுதியாக இருந்தது அவரின் சிறப்பு.
நடிகராக வசனங்களில் அவர் பயன்படுத்திய மொழி உச்சரிப்பு, பாவம் அழகு. ஒரு நாட்டுப்புற மனிதனைப் போல, உடல்மொழியும், முக பாவனைகளும் அவர் வெளிப்படுத்திய விதம் யதார்த்தமானது மிக நுட்பமானது. அதை அவர் அவரிடமே இருந்து தான் கொண்டு வந்தார். அவருக்கு மட்டுமே சொந்தமானது.

இவ்வளவு சிறப்புகள் வாய்ந்த அவர், தனது இரண்டு திருமணங்களையும் ஜாதி மறுப்புத் திருமணங்களாக செய்து கொண்ட அவர்;
பின்னாட்களில் தன்னை அரசியல் அடையாளத்திலிருந்து ஜாதி அடையாளத்திற்கு மாற்றிக் கொண்டது, என்னை பொறுத்தவரை அது ஒரு துயரம்.

மிகப் பெருமான்மையான எண்ணிக்கை கொண்ட ஜாதியை சேர்ந்த பிரபலங்களை பயன்படுத்தி அவர்களின் ஜாதி ஓட்டை தன் கட்சி ஓட்டாக மாற்ற முயற்சித்த திமுக வின் மிக மோசமான தேர்தல் அரசியல் நிலைபாட்டினால் ஏற்பட்ட நீட்சியே திராவிட இயக்கத்திற்குள் ஜாதி உணர்வை தூண்டியது. அது தான் இலட்சிய நடிகர் எஸ்.எஸ்.ஆருக்கும் நேர்ந்தது.

பிறகு அவர் அரசியலில் ஓரம் கட்டப்பட்டதால் அவரின் ஜாதிய ஆதரவு தீவிரமானது. அதுவே அவருக்கான செல்வாக்கை சேர்க்கும் என்ற எதிர்பார்ப்பால். ஜாதி அரசியலின் பின்னணியும், முத்துராமலிங்கத் தேவர் தன் உறவினர் என்பதினாலும் அவரின் தேவர் ஜாதி உணர்வு கூடுதலாக அமைந்தது.

ஆனாலும், முன்னணி நாயகனாக நடித்த காலங்களில் அவர் தன் படங்களில் முத்துராமலிங்கத் தேவரை, தன் ஜாதியின் அடையாளமாக பெருமை பொங்க சிவாஜி கணேசன் காட்டியதுபோல் காட்டியதில்லை என்றே நினைக்கிறேன்.

ஜாதியை கடந்து வந்திருந்தால் இலட்சிய நடிகர் எஸ்.எஸ்.ஆர், நடிகவேள் எம்.ஆர். ராதாவை தாண்டியும் நம்மால் கொண்டாடப்பட்டிருப்பார். (நாயக்கர் சமூகத்தைச் சேர்ந்தவர். தேவர் சமூகத்தைச் சேர்ந்தவரால் வளர்க்கப்பட்டார் என்று சொல்பவர்களும் உண்டு.)
இருந்தும், கடவுள் மறுப்பை தன் கடைசி மூச்சு வரை கடைப்பிடித்த அவரின் மரணம் கடவுள் மறுப்பாளர்களுக்கு ஒரு இழப்பல்ல; பெருமைமிகு சாட்சி.

25 October

நவீன சிந்தைனை மரபின் மூத்த அறிவாளி திருவாரூர் தங்கராசு மரணம்

இயக்குநர் மணிவண்ணனின் ‘ஆன்மா’ பாரதிராஜா-விகடனை மன்னித்தாலும் துரோகத்தை மன்னிக்காது!

கத்தி: நிறைய விமர்சனங்களோடு அதிகமாக பிடித்திருக்கிறது

Vijay-AR-Murugadoss-Movie

இந்திய சினிமாவில் பன்னாட்டு நிறுவனத்தை வில்லனாக்கி ஒரு தமிழ் சினிமாவா?

மல்டி நேஷன் கம்பெனிகளுக்கு 50 பேர்கள் மட்டுமே அடியாட்கள் அல்ல; அவர்களுக்கு அடியாள் வேலை பார்ப்பதே அரசாங்கம் தான்.

‘சிறுத்தை’ சினிமா பாணியில் ஒரே உருவம் கொண்ட இருவர் ஆள் மாறாட்டம் மூலமாக தனிமனித சாகசம் செய்து, ‘பங்கஜ்லால் அடகு கடையை’க் கூட ஒழிக்க முடியாது.. அப்படியிருக்க..?

‘இவ்வளவு ரணகளத்திலேயும் உனக்கொரு கிளுகிளுப்பு’ என்கிற பாணியில் காதல் காட்சிகள்,

இன்னும் பன்னாட்டு கம்பெனிகளின் விளம்பர மாடலும் இயக்குநருமே இந்தப் படத்தை எடுத்து இருக்கிறார்கள்..
என்பது போன்ற கேள்விகளையும் தாண்டி இந்தப் படம் எனக்கு பிடித்திருக்கிறது.

காரணம். ‘மல்டி நேஷன் கம்பெனிகள் வேலை வாய்ப்பை அதிகப்படுத்தும்`என்றும் `அதற்குள் இடஒதுக்கீடு வேண்டும்’ என்றும் பல அறிவாளிகளே வவேற்று, கோரிக்கை வைத்திருக்கிற இன்றைய சூழலில், அது முற்றிலுமாகவே ஆபத்து நிறைந்தது என்று எளிய ரசிகர்களிடம் கொண்டு சேர்த்தற்கும்,

துணிச்சலோடு ஊடகங்களின் ஊதாரித்தனத்தை அம்பலப்படுத்தியதற்கும்.

நட்சத்திர இயக்குநரும், நட்சித்திர நடிகரும் இதை செய்திருக்கிறார்கள் என்பதினால் ‘கத்தி’ இன்னும் கூடுதல் கவனம் பெறுகிறது.

ஆகவே எனக்கு ‘கத்தி’ நிறைய விமர்சனங்களோடே அதிகமாக பிடித்திருக்கிறது.
வாழத்துகள் இயக்குர் ஏ.ஆர். முருகதாசுக்கு.

23 October காலை எழுதியது.

Rush: ஒளி ஒலியின் உன்னதம்

World War Z; ஹாலிவுட்டின் உன்னதமும் சீரழிவும் அமெரிக்க மூடத்தனமும்

‘வருத்தப்படாத வாலிபர் சங்கம்’ – காமெடி கலகம்

பராசக்தி படமும் பிச்சைக்காரர்களும்

‘கர்ணன்’ பிரம்மாண்ட திரைப்படம்; புராணத்திற்குள் (இதிகாசம்) மறைந்திருக்கும் அரசியல்

எல்லா அறிவாளிகளும் நம்ம நாட்லதான் இருக்காங்க..

10406898_985667034792620_4346220567795768922_n

கொலைக் குற்றத்தில் உள்ள போய் வந்த ஆளு Chair ல ஒக்கந்தும்…
மந்திய மந்திரி தரையில் ஒக்காந்தும் இருக்கிற இந்த பண்பாடு.. உலகத்துல எந்த நாட்லயும் நடக்காதது…

பார்ப்பனியத்தை விமர்சிக்க மறுக்கிற கம்யுனிஸ்டுகளும்.. இணையத்தில் இருக்கிற பாரதி போன்ற முற்போக்காளர்களும்.. இதற்கு விளக்கம் கண்டிப்பா கொடுக்க மாட்டாங்க.. அவ்வளவு ஏன்..? Like கூட பண்ணமாட்டாங்க..

காரணம் அவர்களுக்குள்ளும் இருக்கும் ஜெயேந்திரனும் ராதாகிருஷ்ணனும் தான். அதாங்க.. பார்ப்பனியமும் சூத்திரத் தன்மையும்.

20 October at 14:43

சங்கரராமன் கொலை வழக்கு தீர்ப்பும் தூக்கு தண்டனைக்கு ஆதரவாக கூட்டுப் பிரார்த்தனையும்

இது தாண்டா தீர்ப்பு! பிராமணர் கொலை பிராமணர் சங்கம் மவுனம்! மனுஷ்யபுத்திரன்!

சங்கர ராமன் கொலை – ஜெயேந்திரன் விடுதலையே விலை! திமுக வின் நிலை?

சொல்லுங்க பிராமின்.. சொல்லுங்க..

..இதுகூடவா இந்து மதத்திற்கு எதிரானது?

Garuda1

சுற்றுச் சூழல் ஆர்வலர்களாக காட்டுயிர்கள் மீது அக்கறை கொண்டவர்களாக பறவைகள் மொழி தெரிந்தவர்களாக நவீன இலக்கியவாதிகளாக

இன்னும் கம்பனிடம் கம்யுனிசம் காண்பவர்கள் பாரதியிடம் உலகின் ஒட்டு மொத்த தீர்வையும் தரிசிப்பவர்கள் பெரியாரை தவிர்ப்பதற்காகவே தலித் மக்கள் துயரம் நினைத்து தூக்கம் வராமல் தவிப்பவர்கள்

சுற்றுச் சூழல் முதல் பெண்ணிய விடுதலை வரை ஆண்டாளின் திருப்பாவையில் ‘பேன்’ பார்ப்பவர்கள்
இந்து வேத, புராண, இதிகாச கதைகளில் காட்டுயிர், இயற்கை பராமரிப்பு வரை தேடிப் பிடித்து சிலாகிப்பவர்கள்

இப்படியாக தூணிலும் துரும்பிலும் சுற்றுச் சுழலை பாதுகாக்கவே அவதரித்திருக்கிற அறிவாளிகள்..
‘தீபாவளி ஒரு பகுத்தறிவற்ற பண்டிகை’ என்று சொல்ல வேண்டாம். சொல்லவும் மாட்டிர்கள்.

பட்டாசு வெடிப்பது சுற்றுச் சுழலுக்கு மாசு ஏற்படுத்தும், மனிதர்களுக்கு மட்டுமல்ல, எல்லா உயிரனங்களுக்கும். மிக குறிப்பாக பறவைகளுக்கு பேராபத்தை ஏற்படுத்தும். (விஷ்ணுவின் கருடனுக்கே வேட்டு வைக்கும்)

அதனால் பட்டாசு வெடிப்பதை தவிர்த்து, நரகாசூரன் என்ற கொடியவனை கொன்று ஒழித்த, பாரதியின் கண்ணனை பக்தியோடு நினைத்து, தீபாவளித் திருநாளை எண்ணெய் தேய்த்து குளித்து, பட்சணம் சாப்பிட்டு சுற்றுச் சுழலை பாதுகாப்போம், என்றாவது அறிவிக்கலாமே.

பட்டாசு வெடிக்கக் கூடாது என்று சொல்வது கூடவா இந்து மதத்திற்கு எதிரான செயலாகி விடும்?

21 October at 10:06

அழகான பொண்டாட்டியும் அரசியல் பிரச்சினைகளும்

தமிழகத்தில் வேற்றுக்கிரக வாசிகள்

ஹுத்ஹுத் – பட்டாசு

தமிழ் முதலாளிகளின் தாக்குதல்களும், தமிழர்களின் படுகொலைகளும்

பிண ‘வாசத்தை’ மீறும் பூ நாற்றம்

பட்டாசு: வெடித்து சிதறும் தொழிலாளர்கள்

ஹுத்ஹுத் – பட்டாசு

Made-in-China-crackers

உள்ளூர் தொழிலை ஒடுக்கும் சீன பட்டாசும் வேண்டாம்,

உள்ளூர் தொழிலாளியின் உயிரை உறிஞ்சும் சிவகாசி பட்டாசும் வேண்டாம்;

எங்களுக்கு தீபாவளியே வேண்டாம்.

19 October at 10:06

ஹுத்ஹுத் புயல் /புரட்சிப்புயல், இளம்புயல், இசைப்புயல்/

புயல் மக்களுக்கு உயிரினங்களுக்கு நிறைய தீங்கு மட்டுமே செய்யும்.. என்று தெரிந்தும் இப்படி பட்டம் வைத்துக் கொண்டவர்களை என்ன சொல்வது? மறைமுக சுய விமர்சனமா?

15 October at 10:06

தமிழ் முதலாளிகளின் தாக்குதல்களும், தமிழர்களின் படுகொலைகளும்

பிண ‘வாசத்தை’ மீறும் பூ நாற்றம்

பட்டாசு: வெடித்து சிதறும் தொழிலாளர்கள்

ஜீவா: நான் கலந்து கொள்ள மாட்டேன்

Jeeva-Movie-Posters

ஒரு வாரத்திற்கு முன் ‘பனுவல் சார்பாக ஜீவா திரைப்படம் குறித்த கலந்துரையாடலில் கலந்து கொள்ள வேண்டும்‘ என்று தோழர் செந்தில் நாதன் கேட்டுக் கொண்டார். எத்தனைப் பேர்? யார்? யார்? என்றேன்.

காரணம், நான் சிறப்புரையாக பேசுகிற கூட்டங்களில் மட்டுமே கலந்து கொள்வேன். சம்பிரதாயமாக பேசுவதை தவிர்ப்பதும்… கூடுதல் நேரம் பேசினால் தான் ஓரளவுக்கு நம் கருத்தை புரிய வைக்க முடியும் என்பதினாலும்,

வேறு யாரும் கலந்து கொண்டால்.. கூட்டம் நடத்துகிறவர்களுக்கு யார் முக்கியமாக தெரிகிறார்களோ, அல்லது அவர்கள் மூலம் அவர்களுக்கு உள்ள லாபம், பிரபலத்தன்மை, அவர்களின் தொழில் குறிப்பாக திரைப்படத்துறை சார்ந்தவராக இருந்தால்.. அவர்களுக்கே அழைப்பிதழில் பெயர் வரிசைப்படுத்தும் போது முதலில் சேர்ப்பதும், பேசுவதற்கு அதிக நேரம் கொடுப்பதும் போன்ற அற்பத்தனங்கள் நடக்கும் என்பதாலேயே.

‘உங்களிடம் தான் முதலில் கேட்கிறேன்‘ என்றார் செந்தில். சரி கலந்து கொள்கிறேன், என்றேன். சில நாள் கழித்து நானே தேதியையும் கேட்டு தெரிந்து கொண்டு என் பேச்சையும் தயார் செய்து இன்று (17-10-2014) கலந்து கொள்வதற்காக தயாராக இருந்தேன். ஆனால் நிகழ்ச்சிகான அழைப்பு இன்று வரை எனக்கு வரவேயில்லை.

நானாக இணையத்தில் தேடிப் பார்த்தபோது, இயக்குனர் கேபிள் சங்கர் என்று ஆரம்பித்து என்னுடைய பெயர் 3 ஆவதாக இருந்தது.
அதனால் தோழர் செந்திலிடம் தொலைப்பேசியில் இதே காரணத்தைச் சொல்லி, இன்று நடக்கும் ஜீவா திரைப்படம் குறித்த கலந்துரையாடலில் நான் கலந்து கொள்ள முடியாது என்று தெரிவித்துவிட்டேன்.

‘பெயர் கொடுத்து விட்டு வராமல் போய்விட்டான்‘ என்று மற்றவர்கள் என்னை தவறாக கருதக் கூடாது என்பதற்காகவே இந்த விளக்கம்.

ஆக, நான் இன்று சென்னை பனுவல் புத்தக் கடையில் நடக்கும் நிகழ்ச்சியில் கலந்து கொள்ள மாட்டேன்.

மக்கள் ஜாமீனை விரும்பவில்லையா?

?????????????

‘மக்களே முன் வந்து அவர்களேதான் தீ மிதி.. மண் சோறு, கடையடைப்பு – உடைப்பு, மறியல் போன்ற போராட்டங்களை நடத்தினார்கள்…’

அப்போ, ‘எங்ககிட்ட உங்களுக்கு தருவதற்கு சுத்தமா ஜாமீனே இல்ல..’ என்று கர்நாடக உயர்நீதி மன்றம் கை விரித்தப் பிறகு.. இன்னும் அதிகமாக அல்லவா மக்கள் போராடியிருக்க வேண்டும். ஏன் இப்போது அமைதியாக இருக்கிறார்கள்?
அப்போ இப்போ, மக்கள் ஜாமீனை விரும்பவில்லையா?

10 October at 21:09

நான் 66 வயது நிரம்பிய பெண். எனக்கு உடல்ரீதியாக பல்வேறு உபாதைகள் உள்ளன. ………. கருணை அடிப்படையில் ஜாமீன் வழங்குமாறு கேட்டுக்கொள்கிறேன் – ஜெயலலிதா.

பாவம் இப்படி சிரமப்படுகிற இவரை, பலபொறுப்புகளை உள்ளடக்கிய அதிக வேலையும் டென்சனும் நிறைந்த முதல்வர் பதவிக்கொடுத்து எவ்வளவு கொடுமை செய்திருக்கிறார்கள்; மனசாட்சியே இல்லாத பாவிகள்.

12 October at 09:08

தீர்ப்பை எதிர்த்து சிறப்பாக நடக்கும் பெரியார் பணி

 வண்டு முருகன்

சன்-கலைஞர்:சொத்துக் குவிப்பு ‘திரும்ப திரும்ப பேசுற நீ’

வின்னர் பட வடிவேலுவையே வீழ்த்திட்டாங்க

நன்றி:அதிமுக வினருக்கும் இன்னும் சில..