இந்தப் பேச்சுக்கு என் மீது கொலைவெறியோடு இருக்கிறது இந்துத்துவ இலக்கியக் கும்பல்

‘இந்தக் கோட்டத் தாண்டி நானும் வரமாட்டேன். நீயும் வரக்கூடாது’ என்கிற பாணியில் ஒரு குரூப் என்னைக் கண்டித்து எழுதி வருகிறது.

அன்று நான் பேசிய பிறகு பேசியவர்கள் யாரும் எனக்கு மறுப்பு சொல்லவிலை. என்னிடம் தனிப்பட்ட முறையில் கேட்கவும் இல்லை. லைட் எல்லாம் ஆப் பண்ணி, மனுஷ்யபுத்திரன் போகும் வரை அங்கே தான் இருந்தேன்.

ஆனால், அங்கு என்னிடம் பேசுவதற்குக் கூட முயற்சிக்காதவர்கள், facebook ல் கோடு கிழித்துச் சவடால் பேசுகிறார்கள் வடிவேல் பாணியில்.

அன்று நான் கொஞ்சம் அவசரமாகப் பேசியதால் என் இயல்பிலிருந்து கொஞ்சம் விலகிதான் பேசினேன். காரணம், தோழர் சண்முகசுந்தரம், ‘நிறங்களின் நிஜம்’ புத்தகத்தில், ராமாயணம், இந்து மதம், பார்ப்பனியம், ராஜராஜசோழன், சி.பி.எம்., கீழ்வெண்மணி என்று பல செய்திகளைச் சொல்லியிருந்தார். எனக்கு ஒதுக்கப்பட்ட 15 நிமிடங்களில் இவ்வளவையும் பருந்து பார்வையில் விடுபடாமல் சொல்லிவிட வேண்டும் என்ற எண்ணம் சின்னப் பதட்டத்தைக் கொடுத்தது.

புத்தகத்தில், ‘பிராமணியம்’ என்றே பயன்படுத்தியிருந்தார். பிராமணர் என்பது ஜாதியல்ல. வர்ணம். நான்கு வர்ணத்தில் இன்றும் இருப்பது பிராமணர் வர்ணம் தான். பிராமணர் என்றால், அடுத்தவர்களைச் சூத்திரர் என்று இழிவு படுத்துவதாகும்.

அதனால் பார்ப்பனர் என்று தான் குறிக்க வேணடும். அது மரியாதைக்குறைவான சொல்லல்ல. பாரதியே பயன்படுத்தியிருக்கிறார்..’ என்றேன். அந்தப் பகுதியை இந்த வீடியோவிலிருந்து விலக்கி இருக்கிறார்கள்.

பரவாயில்லை. தம்பி Kiru Karikalan என்னைக் கண்டித்து எழுதியவர்களைப் பார்த்து கேட்டார். ‘அங்கு அமைதியாக இருந்து விட்டு facebook ல் எழுதுவது கழிவறையில் எழுதுவதைப் போல்’ என்று.

எதுக்கும் அடுத்தமுறை கவிக்கோ அரங்கத்திற்குப் போனால், முதலில் கழிவறையைத் தான் போய்ப் பார்க்கனும். என்னைத் திட்டி கக்கூஸ்ல எதவாது எழுதி வைச்சிருக்காங்கல என்று.

காதல் திருமணமல்ல என்பது கூடுதல் சிறப்பு

12810353_1153885424621815_986532201_o

12837212_1153885261288498_572620592_o

12837216_1153885451288479_1516261225_o
‘கண்டிப்பா ஜாதி மறுப்புத் திருமணம் தான் செய்யணும். அதுவும் இடைநிலை ஜாதியோ அதற்கு மேல் உள்ள ஜாதிகளுடன் கூடாது. நிச்சயம் தலித் பெண்ணைத்தான் திருமணம் முடிப்பேன்’ என்று பிடிவாதமாக இருந்து, சிறப்பாகத் தன் திருமணத்தை நடத்திக் காட்டினார் விஜயபாஸ்கர்.

இது காதல் திருமணமல்ல என்பது கூடுதல் சிறப்பு. காதலில் ஜாதி மறுப்பு தற்செயலாக நிகழ்ந்து விடும். அதை ஜாதி உணர்வாளர்கள் கூடச் சாதாரணமாக நிகழ்த்தி விடுவார்கள்.

ஆனால் இந்தத் திருமணம் திட்டமிட்டு ஜாதியை எதிர்த்து, புறக்கணித்து நடந்த திருமணம். அதுவும் ஜாதி கணகணவென்று எரிந்து கொண்டிருக்கும் தூத்துக்குடி மாவட்டத்தில் 8.7.2015 அன்று நடந்தது. மணமகள் காயத்திரி சென்னை. (படங்கள் இப்போதுதான் கிடைத்தது)

அதில் இன்னுமொரு சிறப்பு, ‘ஜாதி உணர்வு தீவிரமாகக் கொண்ட தன் குடும்பம், ஊர் மக்கள் மத்தியில் தான் நடக்க வேண்டும்’ என்று அதை நிகழ்த்தியது. மணமகனின் பெற்றோர்கள் திருமணத்தைப் புறக்கணித்தனர்.

ஆனால், ஊர் மக்கள் விஜயபாஸ்கர் மீது கொண்ட அன்பினால் கலந்து கொண்டனர். தனது ஊர் மக்களின் நலனில் அக்கறை கொண்டவன் விஜயபாஸ்கர் என்பதினால்.

ஆனாலும் ஆரம்பத்தில் துக்க வீட்டுக்கு வந்ததைப் போல் இருந்தவர்கள், பிறகு ஜாதி குறித்தும் பெரியாரின் சுயமரியாதை திருமணம் குறித்தும் பேசியதைக் கேட்டு, மெல்ல கல்யாண வீட்டின் கலகலப்பிற்கு வந்தார்கள். பெரியாரின் வெற்றி இதுதான்.
திருமணத்தைத் திராவிடர் விடுதலைக் கழகத் தலைவர் கொளத்தூர் மணி அவர்கள் நடத்தி வைத்தார்.

சூழலை புரிந்து கொண்டு, மணமகளும், மணமகளின் குடும்பத்தாரும் நடந்து கொண்ட விதம் மிக, மிகச் சிறப்பானது. மணமகளுக்கு ‘மணமகள் அலங்காரங்கள்’ பிடிக்காதபோதும் அந்தச் சூழலுக்காக பொறுத்துக் கொண்டார்.
மணமகள் குடும்பம் திராவிடர் கழகம். அங்கும் பெரியார் தான் இருக்கிறார்.

ஜாதி வெறியர்கள் எவ்வளவு ஊளையிட்டாலும், பெரியார் எதிர்ப்பாளர்கள் எவ்வளவு இழிவான நாடகம் நடத்தினாலும்,
காலத்தைத் தாண்டி ஜாதிக்களுக்கு எதிராக இளைஞர்களிடம் எப்போதும் நிற்பான் அந்த 139 வயது இளைஞன்.