பார்ப்போம்..

விநாயகர் சதுர்த்தி ஊர்வலத்தில் மசூதி மீது கல்லெடுத்து வீசுவது, இஸ்லாமியிர் கடையில் பிரியாணி குண்டானை தூக்கி கொண்டு ஓடுவது போன்ற குணாம்சம் கொண்டவர்களையெல்லாம் சிறப்பு விருந்தினர்களாக அழைத்தால், அவர்கள்;

முற்போக்காளர்களையும், ஜனநாயகவாதிகளையும், இஸ்லாமியர்களையும் கெட்ட வார்த்தையில் தான் திட்டுவார்கள். (அதோடு விட்டாங்களே அடிக்காமல்)
பெரியாரை பெண் பித்தன், டாக்டர் அம்பேத்கரை இந்த மதத் தலைவர் என்றும் அவதூறு செய்வார்கள்.

அதனால் ‘அதுபோன்ற நபர்களை அழைத்தால் என்னை அழைக்காதீர்கள்’ என்று எப்போதுமே நான் சொல்லிவருகிறேன். அவர்களும் ‘சரி அவுங்களையே கூப்பிட்டுகிறோம்’ என்று என்னைத் தான் தவிர்த்தார்கள்.

இந்த முறை பேராசிரியர் சுப. வீரபாண்டியன் தலைமையில் 28ஆம் தேதி மாலை ஒன்றுகூடி ஒருமித்த குரலாக எங்கள் மறுப்பைப் பதிவு செய்திருக்கிறோம்.

பார்ப்போம். அவர்களைக் கூப்பிடுவதை விடுகிறார்களா? இல்லை எங்களைத் தவிர்க்கிறார்களா? என்று.
whatsapp-image-2016-10-29-at-9-41-55-am

whatsapp-image-2016-10-29-at-9-51-00-am

‘தந்தி’ தொலைக்காட்சிக்கு மட்டுமல்ல..

‘ஆள்’ அதே ‘..மால்’ தானே

‘பரவாயில்லையே.. நல்ல மாற்றம்’

2 ஆண்டுகளுக்கு முன் ஒரு வழக்கில் கரகாட்டக் கலைஞரை, பத்திரிகைகள் எல்லாம் ஒரே மாதிரி, ‘கரகாட்டக்காரி மோகனாம்பாள்..கைது’ என்று குறிப்பிட்டன.
அதைக் கண்டித்து அப்போதே நான்,

‘கரகாட்டக்காரி மோகனாம்பாள் கைது’
அப்போ;

‘பரதநாட்டியக்காரி பத்மா சுப்ரமணியத்திற்கு விருது’
‘தில்’ இருந்தா போட்டுப்பாரு…
செருப்படி கிடைக்கும்.’ என்று எழுதினேன்.

இன்றைய நாளிதழ்கள் திருமதி. மோகனாம்பாள் உறவினர் கொலையை ‘கரகாட்டக்கார பெண்ணின்..’ என்று குறிபிட்டிருக்கின்றன. மகிழ்ச்சி. நன்றி.

பரவாயில்லையே.. மாற்றி விட்டாரே – ‘பிச்சைக்காரன்’

ஷிவ்ராம் அய்யர்-சௌம்யா அய்யர்-Splendor அய்யர்: ஜாதியை ஒழிச்ச HERO

மோகனம்பாள்; ஜாதி, வர்க்க கண்ணோட்டம்

பெரியாரையும் என்னையும் ஆதரிப்பதாலேயே விரோதங்களைச் சந்திப்பவர்

12742724_1025333110857365_556754387827163161_n
என் பிறந்தநாளை எனக்கும் நினைவூட்டி, நான் கூச்சபடும்படி என்னைப் பெரிய தலைவனைப்போல் வாழ்த்தி மகிழ்ந்த தோழர்கள், எல்லோரும் என்னை என் அரசியலோடு தொடர்புபடுத்தியே வாழ்த்தினார்கள்.

அதில் தோழர் லியோ ஜோசப் எழுதிய வாழ்த்து, என் அரசியலை அங்கீகரித்து மேலும் என்னை உற்சாகத்தோடு பணியாற்ற அழைத்தது.
லியோ, பள்ளி ஆசிரியர். பெரியார் – டாக்டர் அம்பேத்கரை இணைத்து சிறப்பாகத் தொடர்ந்து எழுதி வருகிறவர். அதேபோல் என் எழுத்துக்களை என்னைவிடவும் அதிகமாக இணையங்களில் தொடர்ந்து கொண்டு செல்கிறார்.

பெரியாரையும் என்னையும் ஆதரிப்பதற்காகப் பலரிடம் சண்டையிட்டு அதிக விரோதங்களையும் சம்பாதித்துக் கொண்டவர்.
‘அண்ணே.. அண்ணே..’ என்று என்னை அன்போடு உருகி, உருகி அழைத்த தம்பிகள் சிலரே
‘வெறும் உட்ஜாதி உணர்வு அரசியல் அல்ல. அது ஆதிக்க ஜாதி ஆதரவாகவே முடியும்’ என்ற என் விமர்சனத்திற்காகவும் ‘போட மயிறு. நீ ஒத வாங்கப்போற’ என்று என் முகத்திற்கு நேராக பாசம் காட்டிவிட்டு போயிருக்கிறார்கள்.

ஆனால், இத்தனை ஆண்டுகள் ஆன பிறகும், லியோ வை நான் இதுவரை சந்தித்ததில்லை. போனிலும் பேசியதில்லை.

எல்லாவற்றையும் விட மிகச் சிறப்பு சமீபத்தில், டாக்டர் அம்பேத்கர் எழுத்துக்களை Blue Buddha என்றை தலைப்பில் ஆண்ட்ராய்டு அப்ளிகேஷன் முறையில் தன் தோழர்களுடன் இணைந்து கொண்டு வந்திருக்கிறார். இது தமிழுக்குப் புதிது. பெரிய அமைப்புகளே செய்யாத ஒரு செயலை தோழர்கள் செய்திருக்கிறார்கள். இது குறித்துத் தனிப் பதிவாகப் பிறகு எழுதுகிறேன்.

இப்படியான அரசியல் கண்ணோட்டத்தோடு செயல்படுகிற தோழர் லியோ என்னைக் குறித்து எழுதியிருப்பது மீண்டும் சொல்கிறேன், எனக்கான மகத்தான அங்கீகாரம். நன்றி லியோ.
-வே. மதிமாறன்.

எனக்கு மிகவும் பிடித்தமான எழுத்தாளரும் பெரியாரிய – அம்பேத்கரிய செயற்பாட்டாளருமான திருமிகு. வே. மதிமாறன் அவர்களுக்கு இதயம் நிறைந்த பிறந்த நாள் வாழ்த்துக்கள்.

மிகச் சமீபத்தில் வாடஸ்அப் குழு விவாதம் ஒன்றில் , நீயெல்லாம் மதிமாறன் சொம்பு தானே, உனக்குத் தலித் போராட்டம் பற்றி , அம்பேத்கர் பற்றிப் பேச என்ன தகுதியிருக்கிறது என்று என் மேல் கோபக் கனல் வீசினார்கள். அதே விவாத குழுவில் நீ ஒரு பதிவு அம்பேத்கரைப் பற்றிப் போட்டுவிட்டு ஒன்பது பதிவு பெரியாரைப் பற்றிப் போடுகிறாய் , நீ பேச வந்துட்டியா எனத் தூய்மைவாதம் பேசினார்கள்.

நேற்று ஒரு தோழர் உங்களுக்கு மதிமாறன் எழுதுவது தான் புரியும், ரவிக்குமார் எழுதினால் புரியாதா, அவர் மோடியையெல்லாம் புகழவில்லை, நீயெல்லாம் ரவிக்குமார் என்ன எழுதினார் என்று புரிந்து கொள்கிற அளவுக்குப் புத்திசாலியல்ல என்று மட்டம் தட்டினார்.

பெரியாரை புகழ்ந்தால் அல்ல, அவர் சாதி ஒழிப்பைப் பற்றி , பெண் விடுதலைப் பற்றி இதுவெல்லாம் பேசியிருக்கிறார் எனச் சில பதிவுகளைப் பகிர்ந்தால் கூட நான் பட்டியலின மக்களுக்கே துரோகி என்கிற அளவில் சித்தரிக்கப்பட்டு விடுகிறேன். ஆனால் என் பதிவுகளின் தொடக்கத்தில் வெறுமனே நான் அம்பேத்கர் என்று குறிப்பிட்ட போது , டாக்டர் அம்பேத்கர் என்று குறிப்பிடுங்கள் என எனக்குச் சுட்டிக் காட்டி திருத்தியவர் தோழர் மதிமாறன்.

தனது கடைசி மூச்சு வரை டாக்டர் அம்பேத்கர் போராடிய பிற்படுத்தப்பட்ட மக்களான சூத்திரர்களே அண்ணல் அம்பேத்கரின் சிலையை உடைக்கும் மடமையை, அவர்களின் சாதி வெறியை துகிலுரித்துத் தொடர் பதிவுகள் எழுதி , டாக்டர் அம்பேத்கர் அனைவருக்குமான தலைவர் என்பதை வெளிச்சமிட்ட , நானறிந்த ஒரே எழுத்தாளர்.
பார்ப்பனப் பெண்களின் பூஜை அறையிலும் வைத்து வணங்கப்படத் தகுதியான தலைவர் டாக்டர் அம்பேத்கர் என்பதைத் தரவுகளோடு அவர் பதிவுகள் சுட்டியிருக்கின்றன.

பாரதியின் காவி முகத்தை , வ.உ.சி.யின் ஒப்புயர்வற்ற தியாகத்தைத் தனது நூல்களின் வழி எனக்குக் கல்வி புகட்டிய ஆசானும் தோழர் தான். காந்தி நண்பரா துரோகியா என்ற தனது நூலின் மூலம் காந்தியின் துரோகங்களைப் பட்டியலிட்டு மகாத்மாவின் கோவணத்தை மீண்டும் ஒருமுறை உருவி அவரின் உண்மை சொரூபத்தைப் போட்டுடைத்தவர்.

சமீபத்திய தனது பேட்டியில் கூட, காந்தியைப் போல், நேருவைப் போல், டாக்டர் அம்பேத்கர் எப்போது அனைவராலும் பொதுவான தலைவராகக் கொண்டாடப் படுகிறாரோ , அன்று தான் இந்தியாவின் சுதந்திர தினம் என்பதை அழுத்தமாகக் குறிப்பிட்டவர் தோழர்.

எந்தச் சாதியினரிடம் காணப்பட்டாலும் சாதிப் பற்று அருவருக்கத்தக்கது, அது பட்டியலின சாதியினராக இருந்தாலும்.
பெரியாரை அந்நியமாக்கி, அண்ணல் அம்பேத்கர் மட்டுமே என்பவர்களை விடத் தோழர் மதிமாறன் அவர்களின் மூலமாகவே டாக்டர் அம்பேத்கர் எனக்குள் ஆழப் பதிந்திருக்கிறார் என்பதை நான் பெரும் மகிழ்வோடு குறிப்பிட விரும்புகிறேன்.

தந்தை பெரியார் குறிப்பிடுவது போல மொழிப் பற்று, தேசப் பற்று, இனப் பற்று ஆகிய அனைத்தையும் விட, மக்கள் நலன் என்கிற பற்றே எல்லாவற்றிலும் பிரதானமானது என்கிற உணர்வோடு தொடர்ந்து பயணிக்கும் எழுத்தாளர், பெரியாரிய – அம்பேத்கரிய செயற்பாட்டாளர் தோழர் மதிமாறன் அவர்களுக்கு மீண்டும் ஒருமுறை என் இதயம் நிறைந்த பிறந்த நாள் வாழ்த்துக்கள்!

– லியோ
16 October

‘பிரியாணி வாங்கி தின்னுட்டு எழுதுறான் மதிமாறன்’

‘மதிமாறன் பேச்சை நிறுத்தச் சொல்லுங்கள்’

மெல்லிசை மன்னருக்குதான் நம்மீது எவ்வளவு கருணை

இசை என்னும் பேரறிவை பேரன்பாக மாற்றித் தந்தவர். ஒரே பாடலை எத்தனை முறை கேட்டாலும் அத்தனை முறையும் புதுசு புதுசாக இனிமை சேர்க்கிறார். மெல்லிசை மன்னருக்குதான் நம்மீது எவ்வளவு கருணை.
21 October 2016

கண்ணதாசன், சந்திரபாபு இவர்களுடன் மெல்லிசை மன்னரின் நட்பும் அவரின் இசை சிறப்பும் குறித்த என்னுடைய பேட்டி புதுயுகம் தொலைக்காட்சியில், பதிவு செய்யப்பட்டப் பிறகு ஒளிபரப்பானது. ‘நான் பேசியதில் எந்த இடம் எடிட் செய்யப்பட்டது’ என்று என்னாலேயே கண்டுபிடிக்க முடியாத அளவிற்குச் சிறப்பாகத் தொகுக்கபட்டிருந்தது. நன்றி புதுயுகம் பிரபு.
‘இனியவை இன்று’ என்ற நிகழ்ச்சிகளிலிருந்து என்னுடையதை மட்டும் தொகுத்து youtube ல் வெளியிட்ட தோழர் Ashok Kumar க்கும் நன்றி.
இது ஒளிபரப்பாவதற்கு முதல்நாள் ஆகஸ்ட் 1 தேதி, வேறு தொலைக்காட்சியின் நிகழ்ச்சியில், தோழர் கவிதா முரளிதரனுடன் கலந்து கொண்டேன். அவர் இந்தியா டுடேவின் ஆசிரியராக இருந்தபோது, அந்த இதழில் வெளியான பெருமாள் முருகன் விவகாரத்தையொட்டி அசோகமித்ரன், வாசந்தி கட்டுரைகளை வெளியிட்டமையைக் கண்டித்து நான் எழுதியதற்குப் பிறகு அப்போதுதான் அவரைச் சந்தித்தேன்.

என் எழுத்தை தனிமனித விமர்சனமாக பார்க்காமல், என்னோடு தோழமையாகப் பேசியதும், தோழர்.ஞாநி நடத்திய மெல்லிசை மன்னர் நினைவலைகள் கூட்டத்தில் நான் நன்றாகப் பேசியதாக நண்பர்கள் சொன்னதாகக் குறிப்பிட்டும் சொன்னார். ‘நாளை புதுயுகத்தில் மெல்லிசை மன்னர் குறித்த என் நிகழ்ச்சி வருகிறது பாருங்கள்’ என்றேன். அதைப் பார்த்துத் தனிப் பதிவாகத் தன் பக்கத்தில் வெளியிட்டிருந்தார். அவரின் நான்கு வரி பாராட்டு, என்னை அதிக மகிழ்ச்சியடைச் செய்தது.
ஆகஸ் 2 அன்று அவர் எழுதிய அந்த வரிகளோடு, இந்த இணைப்பை பகிர்கிறேன்:

‘நேற்று நிகழ்ச்சியைப் பார்க்கும்படி Mathimaran சொன்ன போது கூட அது இவ்வளவு சுவாரஸ்யமாக இருக்கும் என்று நினைக்கவில்லை. இன்று காலை புதுயுகத்தில் ஒரு மணி நேரம் அவ்வளவு விறுவிறுப்பாக எம்.எஸ்.விஸ்வநாதன் பற்றியும் தொடர்புடைய திரைப்பிரபலங்கள் பற்றியும் நம்மில் பலருக்கு தெரியாத விஷயங்களைப் பகிர்ந்து கொண்டார்.
மதிமாறனின் இசை அறிவும் உழைப்பும் பிரமிப்பிற்குரியது. மிக உற்சாகமான காலைப்பொழுது..’ – நன்றி தோழர்.கவிதா
21 October 2015

வெற்றி.. வெற்றி.. மாபெரும் வெற்றி

volkswagen-logo-evolution
போக்ஸ் வேகன் கார் கம்பெனியின் முகப்பில் ‘நமஸ்தே மதுரை’ என்று எழுதப்பட்டிருந்ததைக் கண்டித்து மதுரையில் அந்த அலுவலகத்திற்கு சென்று தோழர்களுடன் எதிர்ப்பை பதிவு செய்தோம். அதை என் பக்கத்திலும் எழுதியிருந்தேன். (ஜுலை 23)

பிறகு கோவையில் தோழர் பாலசந்தர், கோவை போக்ஸ் வேகன் நிறுவனத்தின் நிர்வாக இயக்குனரிடம் நமஸ்தேவிற்கு எதிரான கண்டனத்தைப் பதிவு செய்தார். நமஸ்தே வை மறுநாளே நீக்கினர். அதையும் எழுதியிருந்தேன்.

அதன் பிறகு மதுரையிலும் நீக்கப்பட்டது. இப்போது அநேகமாகத் தமிழகத்தின் எல்லா இடங்களிலும் போக்ஸ் வேகன் நிறுவனம் ‘நமஸ்தே’ வை நீக்கியிருக்கிறது. காஞ்சிபுரத்தில் ‘வணக்கம் காஞ்சிபுரம்’ என்று பார்த்ததாக நினைவு.

நன்றி இனிய தோழர்களுக்கு. குறிப்பாக தம்பி அமர்நாத் (Amarnath Pitchaimani) அவர்தான் இதைக் கவனத்திற்குக் கொண்டு வந்து மதுரையில் நமஸ்தே வை கண்டிப்பதற்குக் காரணமாக இருந்தவர்.

‘Volkswagen’ என்றால் மக்களின் வாகனமாம். மக்களின் உணர்வுக்கு மரியாதை கொடுத்த அந்த நிறுவனத்திற்கு தோழர்கள் சார்பாகவும் நன்றியை தெரிவித்துக் கொள்கிறேன்.
18 October

நமஸ்தே மதுரை

‘நமஸ்தே கோவை’ யை மாற்றிய பெரியார் தொண்டர்

ஷிவ்ராம் அய்யர்-சௌம்யா அய்யர்-Splendor அய்யர்: ஜாதியை ஒழிச்ச HERO

Splendor பறையர்; விளம்பரபடுத்த தயாரா? அல்லது Splendor அய்யருக்கு முடிவு கட்டிய பெரியார் தொண்டர்கள்

மகிழ்ச்சி

14361388_1219914108070764_5578283333807708539_o
டாக்டர் அம்பேத்கர் டி சர்ட், திரைப்பட வெளியீடு என்று என்னோடு இணைந்து செயல்பட்ட அன்பு தம்பி சுவன் – ரேவதி திருமணம் ஆகஸ்ட் 21 அன்று மாலை சென்னையில் என் தலைமையில் நடந்தது.

விடுதலைச் சிறுத்தைகளின் தலைவர் திருமாவளவன் அவர்கள் திருமணத்தை நடத்தி வைப்பதாக இருந்தது. ஆனால், அவரால் வர இயலாமல் போனதால் நானே திருமணத்தை நடத்தியும் வைத்தேன்.

டாக்டர் அம்பேத்கரையும் பெரியாரையும் இணைத்து தொடர்ந்து செயல்படுகிற சுவன், இல. வேந்தன் இவர்கள் இருவரும் தான், கடந்த 5 ஆண்டுகளுக்கு முன்பே சென்னை சந்தோஷ் நகரில் என்னை வைத்துக் கருத்தரங்கங்கள் நடத்தினர். நான் பேச்சாளனாக உருவானதற்குச் சந்தோஷ் நகர் தோழர்கள் முக்கியக் காரணம்.

நான் பெற்ற முதல் விருது அண்ணல் அம்பேத்கர் விருதுதான். டாக்டர் சந்தோஷ் நகரில் மக்கள் நல இளைஞர் சங்கம் அதை எனக்கு வழங்கி பெருமை படுத்தினர்கள். அதே சந்தோஷ் நகரிலேயே சுவன் – ரேவதி திருமணம் நடந்தது மகிழ்ச்சி.

என் கதி அதோ கதியாகியிருக்கும் ‘ஜஸ்ட் மிஸ்சு..’

1476278704-2353
இப்படிப்பட்டவரை ஜனநாயகவாதியாகச் சித்தரித்துத் தொடர்ந்து முக்கியத் துவம் கொடுத்த ‘ஜனநாயக தூண்களின்’ (ஊடகங்கள்) யோக்கியதையை நாற அடித்தியிருக்கிறார் அர்ஜுன் சம்பத்.

அது சரி, இவ்வளவு ஆயுதம் வைச்சிருக்கிறது தெரியாம, நான் பாட்டுக்கு இவரிடம் சவுண்டு குடுத்து பேசியிருக்கேனே.. பொசுக்குன்னு துப்பாக்கிய தூக்கியிருந்தால்.. ‘ஜஸ்ட் மிஸ்சு..’
13 October

தந்தி டி.வி. ரங்கராஜ் (பாண்டே) தான் விளக்க வேண்டும்

ஒரு வருடம் ஆகிறது ஆயுத எழுத்தில் கலந்து கொண்டு. நிகழ்ச்சிக்கு அழைத்தவரிடம், ‘பேசும்போது குறுக்கீடுகள் அதிகம் இருக்கும். என் கருத்தை சொல்வதற்கு வாய்ப்பிருக்காது. அதனால் நான் கலந்து கொள்ள இயலாது’ என்று மறுத்தப் பிறகும்

‘அப்படி எதுவும் நடக்காது. நம்புங்கள்’ என்று கட்டாயப்படுத்தி அழைத்ததின் பேரிலேயே சென்றேன்.

எனக்கும் திரு. மாலனுக்கும் அன்றுதான் தந்தி டி.வி.யில் முதல் நிகழ்ச்சி. அதற்குப் பிறகு நான் ஒரே ஒரு நிகழ்ச்சியில்தான் கலந்து கொண்டேன். அதுவும் ஆயுத எழுத்தல்ல. நடுவில் இரண்டுமுறை அவர்கள் அழைத்தபோது என்னால் கலந்து கொள்ள முடியாமல் போனது.

மற்றபடி அதற்குப் பிறகு மாலன், தந்தி டி.வி யின் நிலைய வித்துவான் போலவே ஆகிவிட்டார். அது மட்டுமல்ல அவரை மட்டுமே வைத்துச் சிறப்பு நிகழ்ச்சிகளும் தந்தியில் நடத்துகிறார்கள்.

அன்று நாங்கள் கலந்து கொண்ட நிகழ்ச்சியில், எல்லோரையும் விட என் பங்களிப்பே சிறப்பானதாக இருந்தது என்று பலராலும், பரபரப்பாக என்னைக் குறித்து எதிர்ப்பாளர்களாலும் விமர்சிக்கப்பட்டது. இத்தனைக்கும் அதில் நான் தனி. (4 Vs 1)

‘மாலனின் பங்களிப்பு மிக மோசமானதாக இருந்தது’ என்று பலர் குறிப்பிட்டதற்குப் பிறகும்
மாலனை நிரந்தர விருந்தினராக உபசரிப்பதற்கும், என்னை ஒரே நிகழ்ச்சியோடு நிறுத்திக் கொண்டதற்கும் காரணம்,
நிச்சயம் பெரியார் சொன்ன அரசியல் இல்லாமல் வேறென்ன?

வேறு இருந்தால் திரு. ரங்கராஜ் (பாண்டே) தான் சொல்ல வேண்டும்.
12 October

‘புரட்டாசி மாதம் வெஜிடேரியன் சாப்பிடறதில்ல’

அன்று தந்தி டி.வி. ஆயுத எழுத்து நிகழ்ச்சியின் போது, எனக்கும் திரு ராகவனுக்கும் இடைவேளையில் சாப்பிடுவதற்கு உணவு பாக்கெட் வைத்திருந்தார்கள்.

திரு. மாலனுக்கு அந்தப் பாக்கெட் வைக்கப்படாததால் அதை அவருக்குத் தந்தேன்.
உடனே திரு. ரங்கராஜ் (பாண்டே) என்னிடம், ‘நீங்க சாப்பிடுங்க.. அது veg sandwich தான்’ என்றார்.

‘இல்ல.. நான் புரட்டாசி மாசம் வெஜிடேரியன் சாப்பிடறதில்ல’ என்றேன்.
12 October

தனி ஒருவன்..

ஆட்டோக்காரர்களை ஆட்டையப்போடும் ஆயுதபூஜை – அல்லது –

நீங்கள் ‘கல்வி’ கடவுள் சரஸ்வதியை பய பக்தியோடு வணங்கிக் கொண்டிருக்கிற இதே நேரத்தில்;

‘உங்கள்’ சரஸ்வதியோ, மோடி அரசோடு இணைந்து ‘புதிய கல்விக் கொள்கை’ என்ற பெயரில் உங்கள் குழந்தைகளின் கல்வியைக் குழித் தோண்டிப் புதைக்கும் வேலையில் ஈடுபட்டுக் கொண்டிருக்கிறார்.
*

மே நாளை அடகு வைத்து ஆயுதபூஜை கொண்டாட்டம்
*
இந்து பண்டிகைகள் ஜாதி வேறுபாடுகளை பாதுகாப்பதில் நுட்பமான அணுகுமுறையை கொண்டவை. ஜாதியும் பண்டிகையும் மனு காலத்தில் எப்படி இருந்ததோ அப்படியேதான் இன்றைய நவீன காலத்திலும் இருக்கிறது.

புதிய தொழில்துறைகள், முதலாளிகள், தொழிலாளர்கள் என்று உருவான பிறகு நிலப்பிரபுத்துவக் காலத்தில் இருந்த பல மோசமான விசயங்களை முதலாளித்துவம் ஒழித்துக் கட்டி கொஞ்சம் மேன்மையான நிலைக்கு மாற்றியபோதும்,
அதனால் ஜாதியை ஒன்றும் செய்ய முடியாததைப் போலவே, ஜாதியக் கட்டமைப்பை பலப்படுத்துகிற இந்து பண்டிகைகளை வர்த்தகமாக மாற்றி கொள்ளையடிப்பதைத் தாண்டி ஒன்றும் செய்ய முடியவில்லை.

இதில் வேடிக்கை ‘இந்து-ஜாதி பண்டிகை’களை ஆதிக்க ஜாதிகள் தீண்டாமையோடு தங்கள் ஜாதிக்கான செல்வாக்காக கொண்டாடுவதைப்போல்,
அடிமை ஜாதிகளும் தங்களுக்கான அடையாளமாக கொண்டாடுகிறார்கள்.

அதுபோலவே, முதலாளிகள் இந்து பண்டிகைகளை எப்படி வியாபாரம் மற்றும் பண்பாட்டின் அடையாளமாக பார்க்கிறார்களோ, அப்படியே கம்யுனிஸ்டுகளும் பார்க்கிறார்கள்.

அதனால்தான் போனஸ் தொகை கூடுதல் குறைவு என்பதுதான் கம்யுனிஸ்டுகளால் நடத்தப்படுகிற தொழிற்சங்கங்களின் பிரச்சினையாக இருக்கிறதே தவிர, அது ‘தீபாவளி’ என்ற பாண்பாடற்ற பண்டிகையை முன்னிட்டு தரப்படுவதை பெருமையாகவே கருதுகிறார்கள்.

பெரியார் இயக்கங்கள், தமிழ் உணர்வாளர்கள் கூட ‘தீபாவளிக்கு பதில் பொங்கலுக்கு போனஸ் தர வேண்டும்’ என்கிறார்கள். ஆனால் கம்யுனிஸ்டுகளோ தீபாவளியை பொங்கலை விட மட்டுமல்ல, மே நாளை விடவே சிறப்பாக பார்க்கிறார்கள்.

‘தீபாவளிக்கு பதில் மே தினத்திற்குதான் போனஸ் தர வேண்டும்’ என்ற கோரிக்கை கம்யுனிஸ்டுகளிடமே ஒரு சிந்தனையாகக் கூட இல்லாத தேசத்தில், ஒரு போதும் தொழிலாளர்களிடம் வர்க்க மனோபாவம் உருவாக வாய்ப்பே இல்லை.

ஆக, நவீன தொழில்துறைகள் அதிகமாக உருவான பிறகும், தொழிலாளர் வர்க்க உணர்வுக்கு அல்லது தொழிலாளர் மனோபாவத்திற்கு தொழிலாளர்கள் மாறாமல் இருப்பதில் இந்து பண்டிகைகள் மிக முக்கியப் பங்கு வகிக்கிறது.

அதில் குறிப்பாக ஆயுதபூஜை, தொழிலாளர்கள் மே தினத்தை கொண்டாடாமல் தடுப்பதில் மிகத் தீவிரமாக வினையாற்றுகிறது.

ஆயுதபூஜையில் ஆட்டோ ஸ்டாண்டு பாட்டு கூத்துமாக களைக்கட்டியிருப்பதினால் தான், அவர்களின் தினமான மே நாளை ஒரு நாளாகவே அவர்களே மதிப்பதில்லை.

ஆயுதபூஜையை கொண்டாடி விட்டு, மே நாளை கிடப்பில் போட்டால், ஆட்டோ மார்வாடியிடம்தான் அடமானத்தில் கிடக்கும்.
11 October

எச்சரிக்கை

‘கண்டவர் விண்டிலர் விண்டவர் கண்டிலர் ’ அதாகப்பட்டது பாத்தவன் எவனும் சொல்லமாட்டான். சொன்னவன் எவனும் பாத்திருக்க மாட்டான்.
7 October at 11:12 ·

எச்சரிக்கை

விரைவில் ‘கிரண் பேடி’ யைப் போல் தமிழகத்தை மட்டும் ‘கவனி’த்துக் கொள்கிற கவர்னர் நியமிக்கப்படலாம்.
7 October at 17:30

‘தமிழர்கள் தாக்கப்பட்டபோது ஒரு வார்த்தைக்கூட பேசாத ராகுல்; இப்போது அப்போலோ வந்திருக்கிறார். ஆறுதலாக பேசுகிறார். நல்லது.

இவ்வளவு மெனக்கெட்ட திருநாவுக்கரசு அவரிடம் காவிரி பிரச்சினையில் தமிழகத்திற்கு ஆதரவாக ஒரு வார்த்தையாவது பேச வைத்திருக்கலமே’ என்றார் பெங்களூரிலிருந்து தோழர் கலைச்செல்வி மாலை தொலைபேசியில்.
7 October at 22:02 ·