வின்னர் பட வடிவேலுவையே வீழ்த்திட்டாங்க

வந்த, ‘சொத்துக் குவிப்பு வழக்கு தீர்ப்பை பற்றி என்ன சொல்றீங்க?’ என்றால்..
வராத ஸ்பெக்ட்ரம் ஊழல் ‘தீர்ப்பை’ வரவேற்று பொங்குகிறார்களே..? இந்தக் கோமாளித்தனங்களுக்கு ஒரு முடிவோ எல்லையோ கிடையாதா?

September 28

திருவள்ளுவர் நாளை தமிழ்ப்புத்தாண்டாக அறிவித்தது முந்தைய திமுக அரசு. ஆட்சிக்கு வந்த உடனேயே அதை மாற்றி, இந்து பார்ப்பன சமஸ்கிருத நாளான சித்திரை ஒன்றையே மீண்டும் தமிழ்ப்புத்தாண்டாக நிறுவினார் அம்மா.
அம்மாவின் தமிழ் விரோத நடவடிக்கையை மறந்தும் கண்டிக்காத முற்போக்காளர்கள் சொல்கிறார்கள்..
‘ஊழலுக்கு எதிரான இந்தத் தீர்ப்பின் மூலமாக, தமிழ் விரோத இந்து மத சக்திகள் தமிழகத்தை கைப்பற்றி விடுவார்களாம்’

September 28

அரசியல் ஆய்வோ, தெளிவோ இல்லாத சாதாரண தொண்டர்களாக இருக்கிற அதிமுகவினர் அம்மா கைது குறித்து, ‘சுப்பிரமணிய சுவாமி ஒழிக, கருணாநிதி ஒழிக’ என்று சம்மந்தப்பட்ட அரசியலுக்குள்ளே முழங்குகிறார்கள்.

அரசியல் ஆய்வும் தெளிவும் நிறைந்த மேதைகளோ, அதற்கு நேர் எதிராக பட்டையை கிளப்புகிறார்கள்.
அதில் ஒரு மேதை நேற்று டி.வியில், ‘காவேரி பிரச்சினையில் சட்ட ரீதியாக அம்மா எடுத்த அதிரடி முடிவுகளால பாதிக்கப்பட்ட கன்னட வெறியர்கள், அம்மா மீதும் தமிழர்கள் மீதும் வெறிகொண்டு இருக்கிறார்கள். அதனால் தான் பெங்களுரில்…. இந்த தமிழ் இன விரோதிகளை..’ என்று வீரம் பொங்க பொங்க பேசினார்.