ரஜினி-கமலின் ‘இன உணர்வு’ அல்லது ஒரே குட்டையில் ஊறிய மட்டைகள்

rajini-kamal1-500x3882

ராகவேந்திரா கல்யாணமண்டபத்தில் தனது ரசிகர்கள் மத்தியில் பேசிய ரஜினி, கர்நாடகாவை கடுமையாக விமர்சித்து பேசியது பாராட்டுக்குரியதுதானே?
-விமல்.

தற்கு முன்பு தமிழர்களுக்கு எதிராக வன்முறை செய்த கன்னடர்களை விமர்சிக்காமல் இருந்ததற்குக் காரணம், கர்நாடகாவில் இவர் படம் ஓட வேண்டும் என்பதுதற்காகத்தான். ஒக்கேனக்கல் பிரச்சினையின் போது, நிர்பந்தத்தின் காரணமாக, மேடையில் சத்யராஜ் போன்றவர்களின் மிக நேரடியான குற்றச்சாட்டின் நெருக்கடியின் காரணமாக கன்னடர்களை ரஜினி திட்டிப் பேசினார்.

அதன் விளைவாக ‘குசேலன்’ பட வெளியிட்டின் போது கன்னடர்கள் எதிர்ப்பு தெரிவித்ததால், கன்னடர்களை திருப்தி படுத்துவதற்காக மன்னிப்பும் கேட்டார். அந்த மன்னிப்பின் மறுபக்கம், தமிழகத்தில் ரஜினி ரசிகர்கள் கணிசமான பிரிவினர் ‘அவனா நீ?’ என்று குசேலன் படத்தை புறக்கணித்தனர். (பி. வாசுவும் படத்தில் தன் பங்களிப்பை கணிசமாக செய்திருந்தார்.)

அரசனை நம்பி புருஷனை கைவிட்ட கதையாக போய்விடுமோ என்ற பயத்தில்தான் ரஜினியின் இந்த கன்னட எதிர்ப்பு வீர வசனமும். ஈழத் தமிழர்கள் மீதான சென்டிமென்ட்டும்.

இதே காரணங்களுக்காகத்தான் நமது ‘உலக நாயகன்’ (என்ன கொடுமை சார் இது?) கமல்ஹாசன், தமிழர் பிரச்சினைகளுக்காக எந்த மேடையில் ஏறி பேசினாலும், பட்டும் படாமலும் ரொம்ப உஷாராக, ஒரு அத்துவைதியை போல் பேசுகிறார். (அய்யங்கார இருந்துக் கிட்டு அத்துவைதைத்தை ஆதரிக்கிறாரு, என்ன பெருதன்மை!)

‘தமிழன் என்கிற குறுகிய எண்ணத்தோடு….’ என்று கமல் பேசியதற்கு அர்த்தம், உண்மையிலேயே அவர் தன்னை உலக நாயகன் என்று நினைத்துக் கொண்டு பேசினார் என்று அர்த்தமாகாது.‘அது சும்மா தமாசு’ என்பது அவருக்கே தெரியும். வேறு மொழிகளிலும், பிற மாநிலங்களிலும் அவருடைய படங்கள் டப்பிங் செய்யப்படுகிறது, நேரடியாக வெளியாகிறது என்பதுதான் அதற்கு அர்த்தம்.

கமலின் முந்தைய சாமார்த்தியமான அந்தப் பேச்சினால்தான் கர்நாடகத்தில், ‘குசேலனுக்கு’ வந்த எதிர்ப்பு ‘தசாவதாரம்’ என்கிற அய்யங்கார் அரசியல் படத்துக்கு வரவில்லை. (அய்யங்கார் மேன்மையை வலியுறுத்தியதால்தான் அந்தப் படத்தின் மீது அய்யர்களுக்குக்கூட கோபம். சில அய்யர்கள் பார்ப்பன எதிர்ப்பாளர்கள் போன்ற போர்வையில் அந்தப் படத்தை கடுமையாக எதிர்த்தார்கள்.)

ஆக, ரஜினி – கமல் இருவருக்கும் கன்னடர், தமிழர் என்கிற இன உணர்வெல்லாம் கிடையாது. அவர்களிடம் ‘பண உணர்வு’ மட்டும்தான் இருக்கிறது.

rajini_kamal_05

குறிப்பு
கதாபாத்திரத்திற்கு எந்தவகையிலும் பொறுத்தம் இல்லாமல், தேவர் மகன் படத்தில், வாலி என்கிற அய்யங்கார், ‘கமல்ஹாசன்’ என்கிற அய்யங்காரை ‘தமிழச்சி பால் குடிச்சவன்டா’ ‘சங்கத் தமிழன், சிங்கத் தமிழன்’ என்று சொறிந்து விட்டதையும், அந்த சொறியை எடுத்து, இது ‘நியாயமான அரிப்புதான்’ என்கிற பாணியில் சுஜாதா என்கிற அய்யங்கார், ‘குமுதம்’ என்கிற அயங்கார் பார்ட்டனர் பத்திரிகையில் பக்குவமாக ‘தேய்த்து’ விட்டதையும், ‘தமிழன் என்கிற குறுகிற எண்ணத்தோடு…’ என்று கமல் இப்போது பேசியதையும் தொடர்புபடுத்தி புரிந்து கொள்ள வேண்டாம். அப்படி புரிந்துகொண்டால் அதற்கு நான் பொறுப்பல்ல.

‘ஒரே குட்டையில் ஊறிய மட்டைகள்’ என்று அவர்களின் ‘கொள்கைகளை’ வைத்துதான் தலைப்பிட்டேன். மற்றப்படி கே. பாலசந்தரை நான் ‘குட்டை’ என்று சொல்லிவிட்டதாக அர்த்தப்படுத்திக் கொண்டால், அதற்கும் நான் பொறுப்பல்ல.

அதேபோல், ‘தமிழன் என்பது குறுகிய எண்ணம், அய்யங்கார் என்பது பரந்த எண்ணமா?’ என்று கேள்வி கேட்காதீர்கள்.

5 – 11- 2008அன்று எழுதியது

தொடர்புடயவை:

ஒபாமா: அமெரிக்காவின் அப்துல்கலாம் அல்லது வெள்ளை மாளிகையில் ஓர் கறுப்பு புஷ்

பாவம் அவர்கள் எழுத்தாளர்கள்…

மாவீரன் முத்துகுமாரின் இறுதி நிகழ்வில் கலந்து கொண்ட திரு.வே.மதிமாறன் அவர்கள் வழங்கிய செவ்வி

‘தமிழகத் தலைவர்களை நம்பாதீர்கள்’ – புலம்பெயர்ந்த தமிழர்களுக்கு வேண்டுகோள்

தமிழனின் ஊடகங்களும் தமிழர்ளை கொலை செய்கிறது

ஈழத்தமிழரை பலியிட்டு ‘தேர்தலோ தேர்தல்’

தமிழர்களுக்கு ஆதரவாக சிங்களவர்களும், எதிராக துரோகத் தமிழர்களும்

பிரபாகரன்-‘ஊடகங்கள் செய்கிற கொலைகள்’-சிங்கள ராணுவம்போல் கொடுமையானவர்கள்

பிரபாகரன் இருக்கின்றாரா?

5 thoughts on “ரஜினி-கமலின் ‘இன உணர்வு’ அல்லது ஒரே குட்டையில் ஊறிய மட்டைகள்

  1. ///வாலி என்கிற அய்யங்கார், ‘கமல்ஹாசன்’ என்கிற அய்யங்காரை ‘தமிழச்சி பால் குடிச்சவன்டா’ ‘சங்கத் தமிழன், சிங்கத் தமிழன்’ என்று சொறிந்து விட்டதையும், அந்த சொறியை எடுத்து, இது ‘நியாயமான அரிப்புதான்’ என்கிற பாணியில் சுஜாதா என்கிற அய்யங்கார், ‘குமுதம்’ என்கிற அயங்கார் பார்ட்டனர் பத்திரிகையில் பக்குவமாக ‘தேய்த்து’ விட்டதையும்,///

    உண்மை.

  2. ///(அய்யங்கார் மேன்மையை வலியுறுத்தியதால்தான் அந்தப் படத்தின் மீது அய்யர்களுக்குக்கூட கோபம். சில அய்யர்கள் பார்ப்பன எதிர்ப்பாளர்கள் போன்ற போர்வையில் அந்தப் படத்தை கடுமையாக எதிர்த்தார்கள்.)///

    பைத்தியக்காரன் என்கிற பெயரில் எழுதுகிற பார்ப்பன சாதி வெறியனைதான் அப்போதே குறிப்பிட்டு இருக்கிறீர்கள் என்று நினைக்கிறேன். பார்ப்பன பாரதி குறித்து என்னடா நினைக்கிறாய் என்று கேட்டால், மதிமாறனின் பெரியார் கவிதையை என் தளத்தில் நான்தான் முதலில் பிரசுரித்தேன். அப்பொழுது மதிமாறன் இணையத்திற்கே வராத காலம் என்று பெரியார் மீது அன்புள்ளவன் போல் நடித்தான்.

    கேட்டகேள்விக்கு உரிய பதிலை சொல்லாமல் உண்மையான பைத்தியக்காரன் போலவே பதில் அளித்தான் இந்த பார்ப்பான்.

    பாரதியை பாராட்டிக் கொண்டு அண்ணல் அம்பேத்கரை பற்றி அவதூறு எழுதிய இந்த பைத்தியக்காரனை பார்ப்பன உணர்வுள்ள , மாலன்,ஞாநி போன்ற முற்போக்கான பார்ப்பனர்களை தவிர வேறு யாரும் ஆதரிக்கமாட்டார்கள்.

    இவன் தன் தளத்தில் பார்ப்பன பத்திரிகைகளையோ,மாலன், ஞாநி, ஜெயேந்திரர் போன்ற பார்ப்பன சாதி வெறியர்களைப்பற்றியோகூட விமர்சித்தது கிடையாது.

    /அய்யர்களை விட அய்யங்கார்கள் உயர்ந்தவர்கள் விஷ்ணுவைவிட சிவன் உயர்ந்தவன் என்று காட்டியய தசவதாரம்// என்று நீங்கள் குறிப்பிட்டு இருந்தால் இன்னும் சரியாக இருக்கும். அதனால்தான் இந்த அய்யர் பைத்தியக்காரன் தசாவதாரத்தை விமர்சித்து எழுதினான்.

    பார்ப்பனர்களிடம் சாக்கிரதையாக இருக்கவேண்டும். அவர்கள் பாரதியார்போல் பார்ப்பனர்களை கடுமையாக விமர்சிப்பதுபோல் நடித்துக்கொண்டே பார்ப்பன சாதி வெறியொடும் இருப்பார்கள்.

  3. இந்த மராட்டிய சிவாஜி ராவ் தமிழக மக்களின் அனைத்து பணத்தையும் சுரண்டிவிட்டான், தமிழக பிராமணர்களின் துணையோடு

  4. இந்த “மட்டைகளை” எல்லாம் ஒரு குறிப்பிட்ட வயதுக்கு பிறகு தான் புரிந்துகொள்ளும் வாய்ப்புகள் இங்கு உள்ளது என நினைக்கிறேன். 20 வயதான சமூக அக்கறை கொண்ட (உண்மையாகவே) இளைஞன் ஒருவனிடம் பேசும் போது, நீங்கள் சொல்லும் இந்த பண மற்றும் மத வெறியர்களை தான் உயர்த்தி பிடித்து பேசுகிறான். பதின்ம வயதை கடந்துவரும் ஒவ்வொரு இளைஞனும் இந்த நடிகர்களையே முதலில் தன்னுடைய தலைவர்களாக தேர்ந்து கொள்கிறார்கள். இதை எப்படி சரி செய்ய?

Leave a Reply

%d bloggers like this: