கண்டிப்பா அவர பாராட்டிதாங்க ஆகனும்; சாதாரண விசயமா அவுரு பண்ணது?

RAM-AWARD ஏன்னா…‘வாய்ப்பில்லாதபோது தமிழ்த் தேசியம் பேசுறது. வாய்ப்பு வந்தா வாய முடிக்கிறது’ என்கிற சினிமா உலகத்துக்குள், இப்போ பிசியா இருக்கும்போது ஈழத் தமிழர்களுக்கு தீங்கிழைத்த ராஜபக்சேவின் இந்திய வருகைக்கு எதிராக, களமாடிய இயக்குநர் ராமை எவ்வளவு வேணுனாலும் பாராட்டலாம்.

அதுவும் ‘தங்க மீன்கள்’ இந்திய அரசின் விருதை பெற்றதற்குப் பின், இப்படி துணிந்து அவர் செயல்படுவது சாதாரண விசயமல்ல. இதனால் அவர் பட வாய்ப்புகள் கூட பாதிக்கப்படலாம்.

இதை அவர் செய்யாமல் இருந்தால் இந்நேரம் அவதூறு பேர்வழிகளுக்கு அவல் சாப்பிடுவது மாதிரி, ‘இங்க ராஜபக்சே வரும்போது அவரு அங்க, ‘தரமணி. மூன்றாம் கட்ட படப்பிடிப்பில் பிசி யா இருந்தாரு.. இதுதான் தமிழ் உணர்வா?’ என்று எகத்தாளம் பேசியிருப்பார்கள்.

முத்துக்குமார் தியாகத்தின்போது அவர் களமாடியதும், பிறகு யார் யாரெல்லாம் துரோகம் செய்தார்களோ அவர்களை அம்பலப்படுத்தி, ‘முத்துக் குமாரனின் இறுதி ஊர்வலம் – எனது சாட்சியம்’ என்று துணிச்சலோடு எழுதியவர்; இப்ப சும்மா இருப்பாரா? அதான்…

வழக்கமா இனஉணர்வு சினிமாகாரர்களுக்கு‘ம்’ பாராட்டுவிழா நடத்துற ‘விழா வேந்தர்கள்’ இவுரு படம் தேசிய விருது வாங்குனத பாராட்டி இன்னும் விழா நடத்தக் காணோம். அப்படி நடத்துனா.. கண்டிப்பா இதுக்கும் சேத்து நடத்தனும்.

அதாங்க, மோடி பதவியேற்பு விழாவிற்கு வருகை தந்த ராஜபக்சே வை கண்டித்து ராம், ‘நடு நடு’ங்க வைக்கும் அறிக்கை அல்லது கட்டுரை வெளியிட்டதற்காகவும்.

நடத்துவாங்களா…?

ஒருவேளை அவர்கள், ‘தமிழர்களைக் கொன்ற இந்திய அரசிடம் அதுவும் 3 தமிழர்களை தூக்கிலடச் சொன்ன பிரணாப் முகர்ஜி கையினால் விருது வாங்கிய ராம்’ என்ற கோவத்தில் இருக்கிறார்களோ?

சொல்ல முடியாது.

இருந்தாலும் இருப்பார்கள், அவர்களும் அவரையே மிஞ்சுற இன உணர்வாளர்கள் தானே!

*

May 29 cebook ல் எழுதியது.

‘தங்கமீன்கள் சினிமா பற்றி எழுத வேண்டும்’; எதுக்கு எழுதணும்?

‘இந்தி’ தலைப்பில் தமிழ் உணர்வாளரின் तमिल सिनेमा; காதல் Vs காமம் = கள்ளக்காதல்

நொந்த மீன்கள்: ‘இந்து’ எதிர்ப்பு – துணைக்கு பெரியார்; என்ன ஒரு பெரியார் பற்று?

பாரத மாதாவை விற்கும் பா.ஜ.க

matha

‘இந்திய பாதுகாப்புத் துறையில் 100 சதவீத நேரடி அந்நிய முதலீட்டை அனுமதிக்க மோடி அரசு முயற்சி.
ரயில்வே துறையில் நேரடி அந்நிய முதலீட்டை 100 சதவீதம் கொண்டு வரவும் திட்டம்’

இன்னும் ஒரு வாரம் கூட ஆகல.. அதுக்குள்ள பட்டைய கிளப்புறாய்ங்க..

காங்கிரஸ்காரர்கள் ராஜபக்சேவுடன் 10 ஆண்டுகளா ‘பழகி’ தமிழர்களின் கழத்தறுத்தார்கள். இவர்கள் முதல் நாளே 10 ஆண்டுகளின் சாதனையை முறிடித்து, ராஜபக்சேவை அழைத்து கொண்டாடினார்கள்.

காங்கிரஸ்காரர்கள் 10 ஆண்டுகளில் பாதுகாப்புத் துறையில் 50 சதவீதம் நேரடி அந்நிய முதலீட்டை கொண்டு வந்தால்.. இவர்கள் நாலு நாட்களிலேயே 100 சதவீதம் கொண்டு வருகிறார்கள்.

இவர்களுக்கு சொந்த மண்ணில் இருக்கிற முஸ்லிம்களும் கிறித்துவர்களும் அந்நியர்கள்.

வெள்ளைக்கார பெரு முதலாளிகள் இந்தியர்கள். அதுவும் நாட்டை பாதுகாக்கும் அளவிற்கு…!

இவர்களின் ‘பாரத மாதா’வை பாதுகாக்கக் கூட துப்பில்லாத இவர்களுக்குப் பெயர் ‘சுதேசி’கள்.

இந்த தேசப்பற்றாளர்கள் நம்மை தேசத்துரோகி என்கிறார்கள்.

அப்படி செய்யறதுக்கு பதில் இப்படி செய்யலாமே..

சொந்த நாட்டு அரசைவிட, அந்நிய முதலீடு பாரத மாதாவை பத்திரமா பாதுகாக்கும் என்றால்…

பேசாமா பிரதமர் பதவியையும் மந்திரி சபையையும் ஒரு நல்ல அமெரிக்க கம்பபெனிக்கு குத்தகைக்கு விட்டுட்டு..
இவுங்க நிம்மதியா காசி, ராமேஸ்வரம் ன்னு புனித பயணம் போலாமே..

அமெரிக்க கம்பெனியும் அமர்களமா ஆட்சி செஞ்சிட்டு போறான்.

பாரத் மாத்தாக்கி ஜே…

பாரதமாதா – தமிழ்த் தாய்: மூணாவது தெரு முக்குல குடியிருக்காங்க..

சுஜாதாவும் சுஜாதா வைப் போன்றவர்களும்..

sujatha

இலக்கியத் தரம், முற்போக்கு, பெண்ணியம் என்றெல்லாம் மூச்சு முட்ட பேசுகிறவர்கள்;
‘சுஜாதா’ என்கிற கழிசடை பேரில் விருது கொடுத்தால், முண்டியடித்து முன்னால போய் நிற்கிறார்கள்.

May 20

பாவம் அந்த அம்மா.. இந்த ஆளு அசிங்க அசிங்க எழுதுனதுக்கு.. அந்த அம்மாவுக்கு தண்டனை. திட்டுறவுங்கெல்லாம் அந்த ஆள திட்டமுடியாமா, அந்த அம்மாவையே திட்ட வேண்டியதா இருக்கு.

‘சுஜாதா’ என்று தன் மனைவியின் பெயரில் பொறுப்பற்று பெண்களுக்கு எதிராகவும் பொறுக்கித்தனமாகவும் எழுதியது எவ்வளவு பெரிய மனித உரிமை மீறல்.

‘தன் பெயரால் எழுதப்படுகிற எந்த மோசமான விசயமும் தனக்குத் தெரியாது’ என்கிற நிலை, ஒரு பெண்ணுக்கு எவ்வளவு பெரிய அவமானம். அவலம்.

பொதுவாக பெண்கள் பெயரில் எழுதுகிற ஆண்கள், பாலியல் உறவுக் குறித்து அதிகம் எழுதுகிறார்கள். காரணம், சீக்கிரத்தில் பிரபலமாகலாம் என்பதினாலேயே.

செக்ஸ் சம்பந்தமாக ஒரு ஆண் எழுதுவதை விட, ஒரு பெண் எழுதுவதை தான் ஆண்கள் அதிகம் விரும்புவார்கள்.

‘ஒரு பெண் இப்படியெல்லாம் எழுதுகிறாள்’ என்கிற எண்ணம் ஒரு ஆணை கூடுதலாக கிளர்ச்சி அடைய வைக்கும். அதனால்தான் தொலைக்காட்சியில் பாலியல் சந்தேகங்கள் நிகழ்ச்சியல் பெண்கள் பயன்படுத்தப்படுகிறார்கள்.

இரண்டு ஆண்கள் மட்டும் அதை பேசினால் அதைப் பார்ப்பதற்கு ஆளே இருக்காது.

வாசகர்கள் சார்பாக பெண், கூச்சமில்லாமல் சந்தேகம் கேட்கிறார் என்பதே அந்த நிகழ்ச்சியின் வரவேற்புக்குக் காரணம்.

விஜய் டி.வி. காலத்திலிருந்து கேப்டன் டி.வி காலம் வரை.. ஆண்களின் அந்த அற்ப ஆசையின் மூலமாக காசு பார்ப்பதற்கும் உடனடியாக பிரபலமாவதற்கும் எழுத்தாள ஆண்களுக்கும் பெண்கள் பெயர் பெரிதும் உதவுகிறது.

அதனால் தான் சரோஜாதேவி, சுஜாதா, புஷ்பா தங்கதுரை, ஹேமா ஆனந்ததீர்த்தன், சாருநிவேதிதா.

May 21

ஆனந்த விகடனும் – பெரியாரும்

எழுத்தாளன் என்பது தகுதியும் அல்ல; எழுதுவது திறமையும் அல்ல

சாரு நிவேதிதா:இலக்கிய உலகின் பவர்ஸ்டார் சீனிவாசன்; ஜெயமோகன்? திமுகவால் நேர்ந்த..

சுரா: பெரியவங்க சொன்னா.. பெருமாள் சொன்னா மாதிரி..

‘அரசியல்வாதிகள்னாலே.. தியாகிகள்தானே’


hqdefault k

மோடி யை இந்திய ராஜபக்சே வாகவும்; ராஜபக்சேவை இலங்கை மோடி யாகவும் குறிப்பிட்டு ‘இந்திய ராஜபக்சே! வருங்கால பிரதமரா தமிழினக் காவலரா?’ என்ற தலைப்பில் 14-9-2013 அன்று, முதல் முறையாக நான் தான் எழுதினேன்.

அதற்கு முன், மார்ச் 21, 2013 அன்று ‘இலங்கை ராஜபக்சேவுக்கு ‘எதிராக’ சர்வதேச ராஜபக்சே’ என்று அமெரிக்காவை குறிப்பிட்டும் எழுதியிருக்கிறேன்.
அதுபோலவே, இந்த மாதம் 22 தேதி ‘இந்திய ராஜபக்சே இலங்கை மோடி யை அழைத்திருக்கிறார் இதில் என்ன ஆச்சர்யம்?’ என்று எழுதினேன்.

பிறகு, என்னுடைய இந்தத் தலைப்புகள் பலரின் தலைப்புகளாக மாறின. மகிழ்ச்சி. ஆனால் அவர்கள் யாரும் என் பெயரை குறிப்பிடவில்லை. அவர்களின் தலைப்புகளாகவே அறிவித்துக்கொண்டார்கள்.
அதில் ஒன்றும் பிரச்சினையில்லை.

ஆனால், இப்போது பலரும் ‘அன்றே நான், நாங்கள் தான் குறிப்பிட்டோம்’ என்று உரிமைக் கொண்டாடுகிறார்கள். சந்தோசம்.

25-5-2014

‘இலங்கை தமிழர் பிரச்சனைகளுக்கும், இன்னல்களுக்கும் மத்திய அரசு, பதவியேற்பு நிகழ்ச்சிக்கு வரும் இலங்கை அதிபர் ராஜபக்சேவை பயன்படுத்தி, அவர் மூலமே தீர்வு காண வேண்டும்’ என்று சி.பி.எம் கட்சி அறிவித்திருக்கிறது.

அப்படியானால், குஜராத்தில் மோடியால் நடத்தப்பட்ட இஸ்லாமியர்களுக்கு எதிரான படுகொலைகள் மற்றும் வன்முறைகளால் பாதிக்கப்பட்ட மக்களுக்கான தீர்வை, அந்த மாநில முதல்வர் மோடி யிடமே முறையிட்டு இருக்கலாமே சி.பி.எம்?
அவரை மட்டும் எதிர்ப்பானேன்?

26-5-2014

தனது பதவி ஏற்பு விழாவிற்கு வரச் சொல்லி மோடி விடுத்த ‘அன்பான’ அழைப்பை ஏற்று வந்த, ராஜபக்சேவை மட்டும் எதிர்த்து கடுமையாக போராடினார்கள் தமிழக அரசியல்வாதிகள்.


‘அரசியல்வாதிகள்னாலே.. தியாகிகள்தானே’

27-5-2014

C.P.M ன் ராஜபக்சே ஆதரவு; குற்றவாளி ஜி.ராமகிருஷ்ணனா.. பழ.நெடுமாறனா?

இந்திய ராஜபக்சே! வருங்கால பிரதமரா தமிழினக் காவலரா?

இலங்கை ராஜபக்சேவுக்கு ‘எதிராக’ சர்வதேச ராஜபக்சே !

தமிழ்த்தேசிய மேக்கப்

ராஜபக்சே வருகை; மோடி யை பாதுகாக்கும் வைகோ

தமிழ்த்தேசிய மேக்கப்

Advanced-Haircareஒரு வழியா ராஜபக்சே திரும்ப ஊர் போய் தொலைஞ்சான். 4 நாள் நம்மள என்ன ஆட்டம் காட்டிட்டான். ஒரு வான வேடிக்கை பாக்க முடியல. ஒரு சீரியல் செட்டு பாக்க முடியல. டும் டும் னு வெறும் சத்தம் தான் கேட்டுது.

அவ்வளவு ஏன் நம்ம மோடி பதவி ஏத்துக்கற அழக பாக்கலாம்னு எவ்வளவு ஆர்வமா ‘புது ஹேர் டை’ எல்லாம் வாங்கி வச்சிருந்தோம். கடைசியில அத இவன எதிர்த்து நடந்த ஆர்ப்பாட்டத்தல தான் போட்டுக்கிட்டு போக முடிஞ்சிது.

வௌங்கதவனுங்க இத கூட கிண்டல் பண்ணுவானுங்க.. ‘இந்த ரணகளத்திலேயும் உனக்கொரு கிளுகிளுப்பு கேட்குதான்னு’

நாங்க எல்லாம் அப்பவே.. எப்போ 2009 ல புலிகளும் லட்சகணக்கான தமிழர்களும் கொலை செய்யப்பட்டபோது கோபமும் அழுகையுமா கொத்தளித்தமே,

அப்பவே ஆர்ப்பாட்டம் நடத்திய நேரத்த விட அதிகமான நேரம் ‘ஒண்ணே முக்கால் மணி நேரம்’ செலவு செஞ்சி மேக்கப்போட்டுக்கிட்டு வந்துதான்…

சாவுக்கே சாலிடன மேக்கப்போடுதான் போவம். ஆர்ப்பாட்டமெல்லாம் எங்களுக்கு கல்யாண வீடு மாதிரி விட்டுறுவோமா?

எங்க போனாலும் வீடியோ கவரேஜ் வைக்கிறாங்க இல்ல.. சும்மா போக முடியுமா?

சீமானின் ‘மக்கள் முன்னால்’ ;ஜல்லிக் கட்டு

mqdefault

சீமானின் ‘மக்கள் முன்னால்’ தந்தி டி.வி யில் இன்று (25-5-2014) தான் பார்த்தேன். ஜல்லிக் கட்டு தடைப் பற்றிய விவாதம். விவாதத்தின் போது அடிக்கடி கை தட்டிக் கொண்டார்கள்.

கோயில் யானைகள் துன்புறுத்தல் பற்றி சீமான் கேட்டக் கேள்விக்கு விலங்குகள் பாதுகாப்பு துறையைச்சேர்ந்தவர்களால் பதில் சொல்ல இயலவில்லை. தடுமாறினார்கள்.

ஆனாலும் சீமான் திரும்ப திரும்ப ஜல்லிக்கட்டுத் தடையோடு மாமிச உணவு சாப்பிடுவதை தொடர்பு படுத்தி ‘அதை ஏன் எதிர்க்கவில்லை?’ என்று கேட்டது, ‘அவர்கள் பேச வேண்டியதை இவர் பேசுவது’ போலவே இருந்தது.

இன்னொன்றையும் சீமான் தொடர்ந்து வலியுறித்தினார். ‘ஒட்டகத்தின் மீது சுமைகளை ஏற்றுவது துன்புறுத்தல் இல்லையா? கழுதை மீது ஓட்டுப் பெட்டியை ஏற்றிச் சென்றார்கள், அது துன்புறுத்தல் இல்லையா? ஏன் இதையெல்லாம் எதிர்க்கவில்லை?’ என்று.

இதற்கும் கூட அவர்கள் பதில் சொல்லாமல் சட்ட எண்களையே துணைக்கழைத்துத் திணறினார்கள்.

ஜல்லிக்கட்டுத் தடை; மாடுகளை ஏரில் பூட்டி உழக்கூடாது. வண்டி மாடாக பயன்படுத்தக் கூடாது. விவசாய வேலைகளுக்கு பயன்படுத்துவதும் தவறு, என்பதாக அல்ல.

அப்படியாக இருந்தால் சீமான் எழுப்புகிற கேள்வி பொருத்தமானதாக இருந்திருக்கும்.

பேசியவர்கள் யாரும் ஜல்லிக்கட்டில் உள்ள ஜாதிய பின்னணியைப் பற்றி பேசவே இல்லை. இந்த ‘வீர’ விளையாட்டில் தாழ்த்தப்பட்டத் தமிழர்களுக்கு அனுமதி இல்லை என்பது பேசாப் பொருளாகவே முடிந்து போனது.

*

May 25   facebook ல் எழுதியது.

‘ஜல்லிக்கட்டு தடை’ வரவேற்போம்; யானைகளை பாதுகாப்போம்!

ஜல்லிக்கட்டை ஏன் எதிர்க்கிறார்கள்?

மாடுகளிலும் சூத்திர மாடு, பார்ப்பன மாடு உண்டு

தமிழ் பண்பாடு: கலாச்சாரமா? ஆச்சாராமா?

C.P.M ன் ராஜபக்சே ஆதரவு; குற்றவாளி ஜி.ராமகிருஷ்ணனா.. பழ.நெடுமாறனா?

ramakrishnan
ராஜபக்சேவின் இந்திய வருகையைக் கண்டிக்காத கட்சிகள் என்றால் அநேகமாக ‘பாஜக’ வும் ‘சிபிஎம்’ மும் மட்டும் தான்.

இந்த நிலையில், மார்க்சிஸ்ட் கம்யூனிஸ்ட் கட்சியின் மாநில செயலாளர் ஜி.ராமகிருஷ்ணன் நேற்று ஏறக்குறைய ராஜபக்சேவின் வருகையை ஆதரித்தே அறிக்கை விட்டிருக்கிறார்.

‘புதிய அரசின் பதவியேற்பு நிகழ்ச்சிக்கு இலங்கை அதிபர் ராஜபக்சே வருவதை பயன்படுத்தி, கூடுதல் நிர்பந்தம் கொடுத்து மத்திய அரசு இலங்கை தமிழர் பிரச்சனைகளுக்கும், இன்னல்களுக்கும் தீர்வு காண வேண்டும்’ என்று முடித்திருக்கிறார்.

இலங்கைப் பிரச்சினையில் திமுக துரோகம் செய்ததாக குற்றம் சாட்டி, அதற்கு எதிராகவும், ஈழ மக்களுக்கு மாற்றாக சி.பி.எம் ற்கு ஆதரவாகவும் தேர்தலில் பிரச்சாரம் செய்த பழ. நெடுமாறன் போன்றவர்கள்;
இதற்கு என்ன பதில் வைத்திருக்கிறார்கள். எந்த வகையில் இதற்கு பொறுப்பேற்று ‘பொறுப்புடன்’ பதில் சொல்வார்கள்.

காங்கிரசை முற்றிலுமாக ஒழிக்க எளிய வழி

மூலதனமும் நீயே.. மூலப்பொருளும் நீயே.. அன்புடன் ஆட்கொள்வாய் கூட்டணித் தாயே!

கவுண்டமணியும் கம்யூனிஸ்ட்டுகளும்

கம்யுனிஸ்டுகள், தமிழ்த் தேசியவாதிகளை விட அதிமுகவே மேல்!

ராஜபக்சே வருகை; மோடி யை பாதுகாக்கும் வைகோ

narendra-modi-mahinda

உண்மையில் பாராட்டப் பட வேண்டியது, ராஜபக்சே அழைப்பிற்கு எதிர்ப்பு தெரிவித்து பா.ஜ.க அலுவலகத்தின் மீது முற்றுகை போரட்டம் நடத்திய மாணவர் அமைப்பை.

அழைத்ததால் ராஜபக்சே வருகிறார். ஆக வெத்தலப் பாக்கு வைச்சி கூப்பிட்டவர்கள் தான் முதல் குற்றவாளி.

ஆக, முதன்மையாக கண்டிக்க வேண்டியதும் அம்பலப்படுத்த வேண்டியதும் பா.ஜ.க வைதான். அதுதான் அவர்களுக்கு நெருக்கடியை ஏற்படுத்தும். மீண்டும் இதுபோல் செய்யாமல் தடுக்கும்.

மற்றபடி ராஜபக்சே விற்கு மட்டும் கறுப்புக் கொடி காட்டுவேன் என்பதும் ராஜபக்சே வே கண்டித்து மட்டும் ஆர்ப்பாட்டம் நடத்துவதும் எந்த வகையிலும் அது ராஜபக்சேவை அசைத்துகூட பார்க்காது.

ஏனென்றால், வழக்கம்போல் இவர்கள் முயற்சிப்பதற்கு முன்பே, 3 ‘முக்குலேயே’ கைது செய்யப்படுவார்கள். மற்றபடி இந்தப் போராட்டம் இவர்களின் ஈழ கணக்கில் வரவு வைத்துக் கொள்ளப்படும். அவ்வளவே.

அது மட்டுமல்ல பா.ஜ.க கூட்டணியில் இருக்கிற விடுதலைப் புலி ஆதரவாளர்கள் . பா.ஜ.க வுடனான தங்கள் உறவை பகைத்துக் கொள்ளாமல், பா.ஜ.க வையும் மோடி யையும பாதுகாப்பதற்கான செயலே இவர்கள் அறிவித்து இருக்கிற அறிக்கை, ஆர்ப்பாட்டம்.

இப்படியாக பா.ஜ.க வை பாதுகாக்கிற வைகோ வையும், ராமதாசையும் இன்னும் கூட வைகோவை நியாயப்படுத்துகிற முற்போக்காளர்களையும் அம்பலப்படுத்த வேண்டும்.

*

நேற்று (24-05-2014)  facebook ல் எழுதியது.

‘உதிரிப்பூக்கள்’ விஜயனும் வைகோ வை ஆதரிப்பதும்..

‘செத்தாண்டா சேகரு….’ – ராஜபக்சே வருகை

ரஜினி; பாலபிஷேகம் பரம்பரைப் புத்தி

10401997_661235370633699_1451561299194454204_n _DSC5878

‘ரஜினி படத்திற்கு பால் அபிசேகம்’

இதை ரசிக மனோபாவமாக மட்டும் பார்க்க முடியாது. இது இந்து மரபு மூடத்தனத்தின் தொடர்ச்சி.

கற்சிலைகளுக்கு பாலபிஷேகம் செய்யலாம். ‘கட்டவுட்டு’ க்கு செய்யக் கூடாதா?

அதைச் செய்கிற யாருக்கும் இதைக் கேட்பற்கு யோக்யதை கிடையாது.

கோச்சடையான்: சீக்காளி சேர்க்கும் சில்லரை

‘கோச்சடையான்’ – அதிரடி ஆரம்பம்

10336808_807551119277658_5662805368678859871_n

சூப்பர் ஸ்டார் ரஜினி கலக்கும் அதிரடி ‘வீர சாகசம்’ நிறைந்த கோச்சடையான்; இன்று முதல்.

கோச்சடையான்: சீக்காளி சேர்க்கும் சில்லரை